ಬಾದಾಮಿ ಎಣ್ಣೆ-ಗುಲಾಬಿ ನೀರಿ‌ನ ಜೊತೆ ಸೌಂದರ್ಯ ಲಹರಿ!

ಬೇಕಾಗುವ ಸಾಮಗ್ರಿಗಳು

*ಬಾದಾಮಿ ಎಣ್ಣೆ-2 ಚಮಚ

*ರೋಸ್ ವಾಟರ್-2 ಚಮಚ

ತಯಾರಿಸುವ ಮತ್ತು ಬಳಸುವ ವಿಧಾನ

ಒಂದು ಪಿಂಗಾಣಿಯಲ್ಲಿ ಹೇಳಿದಷ್ಟು ಪ್ರಮಾಣದಲ್ಲಿ ಸಾಮಗ್ರಿಗಳನ್ನು ಹಾಕಿಕೊಳ್ಳಿ. ಇದನ್ನು ಸರಿಯಾಗಿ ಕಲಸಿಕೊಳ್ಳಿ. ಮಿಶ್ರಣವನ್ನು ಚರ್ಮಕ್ಕೆ ಹಚ್ಚಿಕೊಳ್ಳಿ. 15 ನಿಮಿಷಗಳ ಕಾಲ ಹಾಗೆ ಬಿಟ್ಟುಬಿಡಿ. ಗಡುಸಾಗಿರದ ಸಾಬೂನು ಬಳಸಿಕೊಂಡು ಉಗುರುಬೆಚ್ಚಗಿನ ನೀರಿನಲ್ಲಿ ಮುಖವನ್ನು ತೊಳೆಯಿರಿ. ಬನ್ನಿ ಇದರ ಇನ್ನಷ್ಟು ಪ್ರಯೋಜನಗಳ ಬಗ್ಗೆ ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ವಯಸ್ಸಾದ ಲಕ್ಷಣಗಳನ್ನು ತಡೆಯುವುದು

ನೈಸರ್ಗಿಕ ಫೇಸ್ ಮಾಸ್ಕ್‌ನಲ್ಲಿ ಆ್ಯಂಟಿ ಆಕ್ಸಿಡೆಂಟ್ ಮತ್ತು ವಿಟಮಿನ್ ಇ ಇದ್ದು, ಇದು ಚರ್ಮದಲ್ಲಿ ಕೊಲಜನ್ ಉತ್ಪತ್ತಿ ಮಾಡುವುದು. ಇದರಿಂದ ನೆರಿಗೆ, ಚರ್ಮ ಜೋತುಬೀಳುವ ಸಮಸ್ಯೆಗಳನ್ನು ನಿವಾರಿಸುವುದು.

ಚರ್ಮವನ್ನು ಮೃದುವಾಗಿಸುವುದು

ಬಾದಾಮಿ ಎಣ್ಣೆ ಮತ್ತು ರೋಸ್ ವಾಟರ್ ಚರ್ಮಕ್ಕೆ ತೇವಾಂಶವನ್ನು ನೀಡುವುದರಲ್ಲಿ ಮೊದಲ ಸ್ಥಾನದಲ್ಲಿದೆ. ಚರ್ಮದ ರಂಧ್ರಗಳಲ್ಲಿ ತೇವಾಂಶ ಇರುವಂತೆ ನೋಡಿಕೊಂಡು ಚರ್ಮವು ಮೃದುವಾಗುವಂತೆ ಮಾಡುತ್ತದೆ.

ಕಪ್ಪು ವೃತ್ತಗಳ ನಿವಾರಣೆ

ವಿಟಮಿನ್ ಇ ಯಿಂದ ಸಮೃದ್ಧವಾಗಿರುವ ಈ ನೈಸರ್ಗಿಕ ಫೇಸ್ ಮಾಸ್ಕ್ ಚರ್ಮದ ಕೋಶಗಳಿಗೆ ಪೋಷಕಾಂಶಗಳನ್ನು ನೀಡಿ ಕಣ್ಣು ಮತ್ತು ಬಾಯಿಯ ಕೆಳಗಡೆ ಉಂಟಾಗುವ ಕಪ್ಪು ವೃತ್ತವನ್ನು ನಿವಾರಿಸುತ್ತದೆ.

ಮೊಡವೆಗಳಿಂದ ಮುಕ್ತಿ

ಎಣ್ಣೆಯಿಂದ ಮಾಡಿದಂತಹ ಮಾಸ್ಕ್ ಮೊಡವೆಗಳನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ. ಆದರೆ ಬಾದಾಮಿ ಎಣ್ಣೆ ಮತ್ತು ರೋಸ್ ವಾಟರ್ ಚರ್ಮದ ರಂಧ್ರಗಳನ್ನು ತೆರೆದು ಅದರಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಕೊಳೆಯನ್ನು ಹೊರಗೆ ಹಾಕುತ್ತದೆ. ಇದರಿಂದ ಮೊಡವೆ ಕಡಿಮೆಯಾಗುವುದು.

ದದ್ದುವಿನಿಂದ ಪರಿಹಾರ

ಬಾದಾಮಿ ಎಣ್ಣೆ ಮತ್ತು ರೋಸ್ ವಾಟರ್‌ನ ಮಿಶ್ರಣವು ಉರಿಯೂತ ಶಮನಕಾರಿ ಗುಣವನ್ನು ಹೊಂದಿರುವ ಕಾರಣ ದದ್ದುವನ್ನು ನಿವಾರಣೆ ಮಾಡುವುದು ಮತ್ತು ಸುಟ್ಟ ಚರ್ಮವನ್ನು ಶಮನ ಮಾಡುವುದು.