ಮುಖದ ಅಂದಕ್ಕೆ ಪ್ರಯತ್ನಿಸಿ-ಹೂವುಗಳ ಫೇಸ್ ಪ್ಯಾಕ್

ಗುಲಾಬಿ ಮತ್ತು ಗೋಧಿ ಮಾಸ್ಕ್

ಈ ಮಾಸ್ಕ್ ನಿಮ್ಮ ಮುಖವನ್ನು ಹೊಳೆಯುವಂತೆ ಮಾಡುವುದು ಮಾತ್ರವಲ್ಲದೆ ಇದರಲ್ಲಿನ ಗುಲಾಬಿಯ ಎಸಲುಗಳು ಅದ್ಭುತ ಕಾಂತಿಯನ್ನು ನೀಡುವುದು.

ಬೇಕಾಗಿರುವ ಸಾಮಗ್ರಿಗಳು

*2 ಚಮಚ ಗುಲಾಬಿ ಎಸಲಿನ ಹುಡಿ

*1 ಚಮಚ ಗೋಧಿ ಹೊಟ್ಟು

*2 ಚಮಚ ಹಾಲು

ತಯಾರಿಸುವ ವಿಧಾನ

*ಮೂರು ಸಾಮಗ್ರಿಗಳನ್ನು ಹಾಕಿಕೊಂಡು ಸ್ವಲ್ಪವೇ ನೀರಿನಾಂಶ ಇರುವಂತೆ ಪೇಸ್ಟ್ ಮಾಡಿಕೊಳ್ಳಿ.

*ಇದನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿಕೊಳ್ಳಿ, ಸ್ವಲ್ಪ ಹೊತ್ತು ಹಾಗೆ ಒಣಗಲು ಬಿಡಿ

ಸ್ವಲ್ಪ ಸಮಯದ ಬಳಿಕ ತೊಳೆಯಿರಿ ಮತ್ತು ಹೊಳೆಯುವ ಮುಖ ನಿಮ್ಮದಾಗುತ್ತದೆ.

ಮಲ್ಲಿಗೆ ಮತ್ತು ಮೊಸರಿನ ಪ್ಯಾಕ್

ಈ ಪ್ಯಾಕ್ ನ್ನು ಬಳಸಿಕೊಂಡು ನಿಸ್ತೇಜ ಮತ್ತು ಸತ್ತಿರುವ ಚರ್ಮವನ್ನು ಸ್ಕ್ರಬ್ ಮಾಡಿಕೊಳ್ಳಬೇಕು. ಇದರಿಂದ ಚರ್ಮವು ಕಾಂತಿಯನ್ನು ಪಡೆಯುವುದು ಮತ್ತು ನೀವು ಬಿಳಿಯಾಗಿ ಕಾಣುತ್ತೀರಿ.

• ಒಂದು ಹಿಡಿ ಮಲ್ಲಿಗೆಯ ಎಸಲುಗಳು

• ಒಂದು ಚಮಚ ಮೊಸರು

• ಒಂದು ಚಮಚ ಸಕ್ಕರೆ

ತಯಾರಿಸುವ ವಿಧಾನ

*ಹೂವುಗಳನ್ನು ಸರಿಯಾಗಿ ಜಜ್ಜಿಕೊಳ್ಳಿ.

*ಇತರ ಎರಡು ಸಾಮಗ್ರಿಗಳನ್ನು ಹಾಕಿಕೊಂಡು ಪೇಸ್ಟ್ ಮಾಡಿಕೊಳ್ಳಿ.

*ಮುಖದ ಮೇಲೆ ಹಚ್ಚಿಕೊಂಡು ಒಣಗಲು ಬಿಡಿ. 10-15 ನಿಮಿಷ ಬಳಿಕ ಮುಖ ತೊಳೆಯಿರಿ.

ಗುಲಾಬಿ ಮತ್ತು ಗಂಧದ ಪ್ಯಾಕ್

ಗುಲಾಬಿ ಮತ್ತು ಗಂಧದಲ್ಲಿ ವರ್ಣಕತೆ ವಿರೋಧಿ ಮತ್ತು ಚರ್ಮವನ್ನು ಬಿಳಿಯಾಗಿಸುವ ಗುಣಗಳಿವೆ. ಈ ಪ್ಯಾಕ್ ನಿಮ್ಮ ಚರ್ಮವನ್ನು ಯಾವುದೇ ಕಳೆಗಳು ಇಲ್ಲದಂತೆ ಮಾಡಲಿದೆ.

ಮಾಡುವ ವಿಧಾನ

*ಗುಲಾಬಿ ಎಸಲುಗಳನ್ನು ಬೇಯಿಸಿ

*ಅದನ್ನು ತೆಗೆದು ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ

*ಈ ಪೇಸ್ಟ್ ಗೆ ಗಂಧದ ಹುಡಿ ಮತ್ತು ಹಾಲನ್ನು ಹಾಕಿಕೊಳ್ಳಿ.

*ಇದನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿಕೊಳ್ಳಿ.

*ಕೆಲವು ಸಮಯ ಒಣಗಲು ಬಿಡಿ.

*ಉಗುರುಬೆಚ್ಚಗಿನ ನೀರಿನಿಂದ ಮುಖವನ್ನು ತೊಳೆದು ಒಣಗಲು ಬಿಡಿ.

ದಾಸವಾಳ, ಗುಲಾಬಿ ಮತ್ತು ಮುಲ್ತಾನಿ ಮಿಟ್ಟಿ ಪ್ಯಾಕ್

ಇದು ತುಂಬಾ ಪರಿಣಾಮಕಾರಿಯಾಗಿರುವಂತಹ ಪ್ಯಾಕ್ ಆಗಿದೆ. ಈ ಪ್ಯಾಕ್ ನ್ನು ಮದುಮಗಳಿಗೆ ಕೂಡ ಬಳಸಬಹುದು.

ಮಾಡುವ ವಿಧಾನ

*ಗುಲಾಬಿ ಎಸಲುಗಳು, ದಾಸವಾಳದ ಎಸಲುಗಳು, ಮುಲ್ತಾನಿ ಮಿಟ್ಟಿ ಮತ್ತು *ಮೊಸರನ್ನು ಸೇರಿಸಿಕೊಂಡು ಪೇಸ್ಟ್ ಮಾಡಿಕೊಳ್ಳಿ.

*ಈ ಪೇಸ್ಟ್ ಅನ್ನು ಮುಖಕ್ಕೆ ಹಚ್ಚಿಕೊಳ್ಳಿ.

*ಇದು ಒಣಗಿದ ಬಳಿಕ ಸ್ವಲ್ಪ ನೀರು ಹಾಕಿಕೊಂಡು ಮುಖವನ್ನು ಸ್ಕ್ರಬ್ ಮಾಡಿಕೊಳ್ಳಿ.

*ಬಳಿಕ ತೊಳೆದರೆ ಮುಖವು ಕಾಂತಿಯನ್ನು ಪಡೆಯುವುದು. ತಲೆ ತುರಿಕೆಗೆ ದಾಸವಾಳ ಸಮರ್ಪಕ ಉತ್ತರವಾಗಬಲ್ಲುದೇ?