ತಿಪ್ಪೆಗೆ ಎಸೆಯೋ ದಾಳಿಂಬೆ ಸಿಪ್ಪೆಯಲ್ಲಿದೆ ಸೌಂದರ್ಯ ರಹಸ್ಯ

ಮೊಡವೆಗಳನ್ನು ನಿವಾರಿಸುತ್ತದೆ

ಹದಿಹರೆಯದಲ್ಲಿ ಕಾಡುವ ಮುಖದ ಮೊಡವೆ ಮತ್ತು ದದ್ದುಗಳನ್ನು ಸಮರ್ಪಕವಾಗಿ ಹತೋಟಿಯಲ್ಲಿಡದೇ ಇದ್ದರೆ ಅವು ಒಣಗಿದ ಬಳಿಕ ಶಾಶ್ವತವಾದ ಕಲೆಗಳನ್ನು ಉಳಿಸುತ್ತವೆ. ಈ ತೊಂದರೆಯಿಂದ ಪಾರಾಗಲು ದಾಳಿಂಬೆಸಿಪ್ಪೆಯಲ್ಲಿನ ಉತ್ತಮ ಪ್ರಮಾಣದ ಆಂಟಿ ಆಕ್ಸಿಡೆಂಟುಗಳು ಮತ್ತು ಬ್ಯಾಕ್ಟೀರಿಯಾಗಳನ್ನು ಹೊಡೆದೋಡಿಸುವ ಶಕ್ತಿ ನೆರವಿಗೆ ಬರುತ್ತದೆ. ಚರ್ಮಕ್ಕೆ ಅಗತ್ಯವಾದ ಆರ್ದ್ರತೆ ಲಭ್ಯವಾಗುವ ಪರಿಣಾಮವಾಗಿಸುಂದರವಾದ ಮತ್ತು ಕಾಂತಿಯುಕ್ತ ಚರ್ಮ ನಿಮ್ಮದಾಗುತ್ತದೆ. ಆರ್ದತೆಯಿಲ್ಲದೇ ಒಣಗಿ ಒರಟಾಗಿದ್ದ ಚರ್ಮ ಸೆಳೆತಗೊಂಡು ಮೃದುವಾಗುತ್ತದೆ. ನೀವು ಮಾಡಬೇಕಾದದು ಇಷ್ಟೇ- ಒಣಗಿರುವ ದಾಳಿಂಬೆಯ ಸಿಪ್ಪೆಯ ಪುಡಿಗೆ ಒಂದಷ್ಟು ಹನಿ ಲಿಂಬೆಹಣ್ಣಿನ ರಸವನ್ನು ಬೆರೆಸಿಕೊಂಡು ನಿಮ್ಮ ತ್ವಚೆಗೆ ಲೇಪಿಸಿ. 20 ನಿಮಿಷಗಳ ನಂತರ ಅದನ್ನು ಸ್ವಚ್ಛ ನೀರಿನಿಂದ ತೊಳೆಯಿರಿ.

ವಯಸ್ಸಾದಂತೆ ಕಾಣುವಿಕೆಯನ್ನು ದೂರ ಮಾಡುತ್ತದೆ

ವೃದ್ಧಾಪ್ಯ ಸಮೀಪಿಸಿದೆ ಎಂಬುದನ್ನು ಚರ್ಮದ ನೆರಿಗೆಗಳು ಸಾದರಪಡಿಸುತ್ತವೆ. ಇದಕ್ಕೆ ಕಾರಣ ನಮ್ಮ ಚರ್ಮದ ಕೊಲಾಜೆನ್ ಎಂಬ ಅಂಶ ತನ್ನ ಸೆಳೆತವನ್ನು ಕಳೆದುಕೊಳ್ಳುವುದು. ಇದರಿಂದ ಚರ್ಮ ಅಗಲಗೊಂಡು ಮಡಿಕೆ ಮೂಡುತ್ತದೆ. ಈ ಮಡಿಕೆಯಾದಲ್ಲೆಲ್ಲಾ ನೆರಿಗೆಗಳು ಸ್ಪಷ್ಟವಾಗುತ್ತಾ ಹೋಗುತ್ತವೆ. ದಾಳಿಂಬೆ ಸಿಪ್ಪೆಯಲ್ಲಿ ಈ ಸ್ಥಿತಿಯನ್ನು ಮುಂದೂಡುವ ಅಂಶಗಳಿವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಉಪಯೋಗಿಸುವ ವಿಧಾನ

ಮೇಲಿನ ವಿಧಾನದಲ್ಲಿ ತಯಾರಾದ ಪುಡಿಯಲ್ಲಿ ಎರಡು ದೊಡ್ಡ ಚಮಚದಷ್ಟು ಒಣಪುಡಿಯನ್ನು ಹಸಿಹಾಲಿನಲ್ಲಿ ಬೆರೆಸಿ. ನಿಮ್ಮ ಚರ್ಮದ ಮಾದರಿಯನ್ನನುಸರಿಸಿ ಹಾಲಿನ ಪ್ರಮಾಣವನ್ನು ಹೆಚ್ಚು ಕಡಿಮೆ ಮಾಡಿಕೊಳ್ಳಿ. ಎಣ್ಣೆ ಚರ್ಮಕ್ಕೆ ಹಾಲಿನ ಬದಲು ಗುಲಾಬಿನೀರನ್ನು ಉಪಯೋಗಿಸಿ. ಒಣಚರ್ಮಕ್ಕೆ ಹೆಚ್ಚು ಹಾಲು ಬಳಸಿ. ಈ ಲೇಪನವನ್ನು ಚರ್ಮಕ್ಕೆ ಹಚ್ಚಿ ಒಣಗಲು ಬಿಡಿ. ಸುಮಾರು ಅರ್ಧಗಂಟೆ ಅಥವ ಮುಕ್ಕಾಲು ಗಂಟೆಯ ಬಳಿಕ ತಣ್ಣೀರಿನಿಂದ ತೊಳೆದುಕೊಳ್ಳಿ (ಸೋಪು ಉಪಯೋಗಿಸಬೇಡಿ)

ಸ್ವಾಭಾವಿಕ ಸನ್‌ಸ್ಕ್ರೀನ್

ದಾಳಿಂಬೆ ಪುಡಿಯು ಪರಿಣಾಮಕಾರಿಯಾದ ಸನ್‌ಸ್ಕ್ರೀನ್ ಲೋಶನ್ ಆಗಿ ಸಹ ಕೆಲಸ ಮಾಡುತ್ತದೆ. ಇದು ಸೂರ್ಯನಿಂದ ಬರುವ ಅಪಾಯಕಾರಿ ಯುವಿ ಕಿರಣಗಳನ್ನು ತಡೆಯುವ ಗುಣವನ್ನು ಹೊಂದಿದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಉಪಯೋಗಿಸುವ ವಿಧಾನ

ದಾಳಿಂಬೆ ಸಿಪ್ಪೆಯ ಪುಡಿಯನ್ನು ನೀವು ನಿತ್ಯ ಉಪಯೋಗಿಸುವ ಚರ್ಮದ ಲೋಷನ್ ಅಥವಾ ಕ್ರೀಮ್ ನೊಂದಿಗೆ ಬೆರೆಸಿ ಬಿಸಿಲಿಗೆ ಹೊರಡುವ ಸುಮಾರು ಇಪ್ಪತ್ತು ನಿಮಿಷದ ಮೊದಲು ಹಚ್ಚಿಕೊಳ್ಳಿ.

ಆರೋಗ್ಯಕಾರಿಯಾದ ಕೂದಲು

ದಾಳಿಂಬೆಯ ಸಿಪ್ಪೆಯಲ್ಲಿ ತಲೆ ಹೊಟ್ಟಿನ ವಿರುದ್ಧ ಹೋರಾಡುವ ಗುಣಗಳು ಸಹ ಇರುತ್ತವೆ. ಜೊತೆಗೆ ಇದು ಕೂದಲನ್ನು ಆರೋಗ್ಯಕಾರಿಯಾಗಿ ಬೆಳೆಸುವ ಗುಣಗಳನ್ನು ಹೊಂದಿರುತ್ತದೆ. ತಲೆ ಕೂದಲು ಉದುರುವಿಕೆಗು ಸಹ ಇದನ್ನು ಪರಿಣಾಮಕಾರಿಯಾಗಿ ಬಳಸಿಕೊಳ್ಳಬಹುದು. ಇದಕ್ಕಾಗಿ ದಾಳಿಂಬೆ ಸಿಪ್ಪೆಯ ಪ್ಯಾಕ್ ಅನ್ನು ನೀವು ಬಳಸಿಕೊಳ್ಳಬಹುದು.

ಉಪಯೋಗಿಸುವ ವಿಧಾನ

ನೀವು ನಿತ್ಯ ಬಳಸುವ ತೆಲೆಗೆ ಹಾಕುವ ಎಣ್ಣೆ ಅಥವಾ ಅಪ್ಪಟ ಕೊಬ್ಬರಿ ಎಣ್ಣೆಗೆ ದಾಳಿಂಬೆ ಸಿಪ್ಪೆಯ ಪುಡಿಯನ್ನು ಸೇರಿಸಿ ಮಿಶ್ರಣ ಮಾಡಿ. ಈ ಲೇಪನವನ್ನು ಕೂದಲ ಬುಡಕ್ಕೆ ನಯವಾಗಿ ಮಸಾಜ್ ಮಾಡಿ. ಸುಮಾರು ಎರಡು ಗಂಟೆಗಳ ಬಳಿಕ ಸೌಮ್ಯ ಶಾಂಪೂ ಉಪಯೋಗಿಸಿ ತಲೆ ತೊಳೆದುಕೊಳ್ಳಿ. ತಣ್ಣನೆಯ ಅಥವಾ ಉಗುರುಬೆಚ್ಚನೆಯ ನೀರನ್ನೇ ಉಪಯೋಗಿಸಿ. ಒಂದು ವೇಳೆ ತಲೆಹೊಟ್ಟು ತುಂಬಾ ಹೆಚ್ಚಿದ್ದರೆ ರಾತ್ರಿಯಿಡೀ ಒಣಗಲು ಬಿಟ್ಟು ಬೆಳಿಗ್ಗೆ ಸ್ನಾನ ಮಾಡಿ.

ಫೇಶಿಯಲ್ ಸ್ಕ್ರಬ್

ದಾಳಿಂಬೆ ಸಿಪ್ಪೆಯನ್ನು ಸ್ವಾಭಾವಿಕ ಸ್ಕ್ರಬ್ ಆಗಿ ಬಳಸಿಕೊಳ್ಳಬಹುದು. ಇದು ತ್ವಚೆಯಲ್ಲಿರುವ ನಿರ್ಜೀವ ಕೋಶಗಳನ್ನು, ಕಪ್ಪು ಮತ್ತು ಬಿಳಿ ತಲೆಗಳನ್ನು ಸಹ ನಿವಾರಿಸಿಬಿಡುತ್ತದೆ.

ಉತ್ತಮ ಮೊಯಿಶ್ಚರೈಸರ್

ದಾಳಿಂಬೆಯ ಸಿಪ್ಪೆಯಲ್ಲಿ ತ್ವಚೆಗೆ ನೀರಿನಂಶವನ್ನು ಒದಗಿಸುವ ಗುಣಗಳು ಇರುತ್ತವೆ. ಇದು ತ್ವಚೆಯಲ್ಲಿರುವ ಪಿಎಚ್ ಅಂಶಗಳನ್ನು ಸಮತೋಲನ ಮಾಡುತ್ತದೆ ಮತ್ತು ಆ ಮೂಲಕ ತ್ವಚೆಯನ್ನು ಮೃದು ಮಾಡುತ್ತದೆ. ದಾಳಿಂಬೆ ಪುಡಿಯನ್ನು ಯೋಗರ್ಟ್ ಜೊತೆಗೆ ಮಿಶ್ರಣ ಮಾಡಿಕೊಳ್ಳಿ. ಆ ಮಿಶ್ರಣವನ್ನು ನಿಮ್ಮ ಮುಖಕ್ಕೆ ಲೇಪಿಸಿ, ಸ್ವಲ್ಪ ಸಮಯದ ನಂತರ ತೊಳೆಯಿರಿ.