ಸೆನ್ಸಿಟಿವ್ ಸ್ಕಿನ್ ನವರಾ? ಮಳೆಗಾಲದಲ್ಲಿ ಆರೈಕೆ ಹೀಗಿರಲಿ

1. ಕಾಸ್ಮೆಟಿಕ್

ಮಳೆಗಾಲದಲ್ಲಿ ಮೇಕಪ್ ಮಾಡದಿರುವುದು ತ್ವಚೆ ಆರೈಕೆಯ ಮೊದಲ ವಿಧಾನ. ಒಂದು ವೇಳೆ ಫಂಕ್ಷನ್ ಇದ್ದು ಮೇಕಪ್ ಮಾಡಬೇಕಾದ ಸಂದರ್ಭದಲ್ಲಿ ವಾಟರ್ ಫ್ರೂಫ್ ಮೇಕಪ್ ಬಳಸುವುದು ಒಳ್ಳೆಯದು. ಯಾವುದೇ ಮೇಕಪ್ ಧರಿಸುವ ಮುನ್ನ ಅದು ನಿಮ್ಮ ತ್ವಚೆಯ ಮೇಲೆ ಅಲರ್ಜಿ ಬೀಳುವುದೇ ಎಂದು ಪರೀಕ್ಷಿಸಿದ ಬಳಿಕವಷ್ಟೇ ಅವುಗಳನ್ನು ಹಚ್ಚಿ.

2. ಪ್ರತೀದಿನ ಕ್ಲೆನ್ಸಿಂಗ್ ಮಾಡಿ

ನಿಮ್ಮ ಮುಖವನ್ನು ಪ್ರತೀದಿನ ಕ್ಲೆನ್ಸ್ ಮಾಡಿ. ಸೆನ್ಸಿಟಿವ್ ಸ್ಕಿನ್ ಗೆ ಸೂಕ್ತವಾದ ಫೇಶ್ ವಾಶ್ ಬಳಸಿ. ತ್ವಚೆಗೆ ಮಾಯಿಶ್ಚರೈಸರ್ ಮಾಡಿ. ವಾರಕ್ಕೊಮ್ಮೆ ಮುಖವನ್ನು ಎಕ್ಸ್ ಫೋಲೆಟ್ ಮಾಡಿ.

3. ಶುಚಿತ್ವ

ದೇಹದ ಶುಚಿತ್ವಕ್ಕೆ ಹೆಚ್ಚು ಗಮನ ಕೊಡಿ. ಪುರುಷರು ಪ್ರತೀದಿನ ಶೇವ್ ಮಾಡಿ ಮಾಯಿಶ್ಚರೈಸರ್ ಕ್ರೀಮ್ ಹಚ್ಚಿ. ಮುಖವನ್ನು ಮುಟ್ಟುವ ಮುನ್ನ ನಿಮ್ಮ ಕೈಗಳನ್ನು ಸ್ವಚ್ಛ ಮಾಡಿ ಮುಟ್ಟಿ. ಆಗಾಗ ಮುಖವನ್ನು ಮುಟ್ಟಿ ನೋಡುತ್ತಾ ಇರಬೇಡಿ.

4. ನೀರಿನಂಶ ಕಾಪಾಡಿಕೊಳ್ಳಿ

ಮಳೆಗಾಲದಲ್ಲಿ ಬಾಯಾರಿಕೆಯಾಗುತ್ತಿಲ್ಲವೆಂದು ನೀರು ಕುಡಿಯದೆ ಇರಬೇಡಿ. 5-6 ಗ್ಲಾಸ್ ನೀರು ಕುಡಿದು ದೇಹದಲ್ಲಿ ನೀರಿನಂಶ ಇರುವಂತೆ ನೋಡಿಕೊಳ್ಳಿ.

5. ನಿಮ್ಮ ತ್ವಚೆಯನ್ನು ರಕ್ಷಣೆ ಮಾಡಿ

ಸನ್ ಸ್ಕ್ರೀನ್ ಲೋಷನ್ ಅನ್ನು ಮಳೆಗಾಲದಲ್ಲೂ ಹಚ್ಚಬಹುದು. ಸನ್ ಸ್ಕ್ರೀನ್ pH 30ಕ್ಕಿಂತ ಅಧಿಕವಿರಲಿ. ತ್ವಚೆಯನ್ನು ಕೆಮಿಕಲ್ ನಿಂದ ರಕ್ಷಣೆ ಮಾಡಿ.

6. ಬಿಸಿ ನೀರನ್ನು ಮೈಗೆ, ತಲೆಗೆ ಹಾಕಬೇಡಿ

ಮಳೆಗಾಲದಲ್ಲಿ ಉಗುರು ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿ, ತಣ್ಣೀರಾದರೆ ಮತ್ತಷ್ಟು ಒಳ್ಳೆಯದು. ಆದರೆ ತುಂಬಾ ಬಿಸಿ ನೀರು ತ್ವಚೆಗೆ ಒಳ್ಳೆಯದಲ್ಲ, ತಲೆಗೆ ತಣ್ಣೀರು ಬೆಸ್ಟ್.