ಗಡ್ಡ ಬಿಟ್ಟ ಪುರುಷರಿಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡು!

ಕ್ಲೀನ್ ಶೇವ್ ಮಾಡಿಸಿ

ಗಡ್ಡ ಬಿಡುವ ಇರಾದೆ ಮಾಡಿಕೊಂಡ ಬಳಿಕ ಮೊತ್ತ ಮೊದಲನೆಯದಾಗಿ ಉತ್ತಮ ಸೌಂದರ್ಯ ಮಳಿಗೆಯೊಂದರಲ್ಲಿ ಕ್ಲೀನ್ ಶೇವ್ ಮಾಡಿಸಿಕೊಂಡು ಮುಖದ ಚರ್ಮದ ಫೇಶಿಯಲ್ ಮಾಡಿಸಿಕೊಳ್ಳಿ. ಇದರಿಂದ ಚರ್ಮದ ಮೇಲಿದ್ದ ಸತ್ತ ಜೀವಕೋಶಗಳು ನಿವಾರಣೆಯಾಗಿ (exfoliate) ಮುಂದೆ ಬೆಳಯುವ ಕೂದಲಿಗೆ ಭದ್ರವಾದ ಅಡಿಪಾಯ ನೀಡುತ್ತದೆ.

ನೈಸರ್ಗಿಕ ಫೇಸ್ ವಾಶ್ ಬಳಸಿ

ಗಡ್ಡದ ಬೆಳವಣಿಗೆಗೆ ಧೂಳು, ಪ್ರದೂಷಣೆ, ಪರಾಗ, ಬ್ಯಾಕ್ಟೀರಿಯಾ ಮೊದಲಾದವು ಅಡ್ಡಿಪಡಿಸುತ್ತವೆ. ನಿಮ್ಮ ತಲೆಗೂದಲಿನಂತೆಯೇ ಗಡ್ಡಕ್ಕೂ ಪೋಷಣೆಯ ಅಗತ್ಯವಿದೆ. ದಿನಕ್ಕೆ ಕನಿಷ್ಠ ಮೂರು ಬಾರಿಯಾದರೂ ಮುಖದ ಚರ್ಮವನ್ನು ಉತ್ತಮ ಮಾರ್ಜಕ ಬಳಸಿ (ಫೇಸ್ ವಾಶ್ ಉತ್ತಮ) ಸ್ವಚ್ಛಗೊಳಿಸುತ್ತಿರಿ.

ವಿಟಮಿನ್‌‌ಯುಕ್ತ ಆಹಾರ

ಕೆಲವೊಂದು ವಿಟಮಿನ್‌ಗಳು ಮತ್ತು ಖನಿಜಾಂಶಗಳು ಮುಖದಲ್ಲಿ ಗಡ್ಡವನ್ನು ಬೇಗ ಬೆಳೆಸಲು ಸಹಾಯ ಮಾಡುತ್ತವೆ. ಅದಕ್ಕಾಗಿ ನಿಮ್ಮ ಆಹಾರದಲ್ಲಿ ವಿಟಮಿನ್ ಎ,ಬಿ,ಸಿ ಮತ್ತು ಇ ಯನ್ನು ಸೇರಿಸಲು ಮರೆಯಬೇಡಿ. ಈ ವಿಟಮಿನ್‌ಗಳು ಕೂದಲು ಬೆಳೆಯಲು ಸಹಾಯ ಮಾಡುತ್ತವೆ.

ಸಾಬೂನನ್ನು ಎ೦ದಿಗೂ ಬಳಸಿಕೊಳ್ಳಬೇಡಿರಿ

ಗಡ್ಡದ ಮೇಲೆ ಸಾಬೂನನ್ನು ಬಳಸಿದಲ್ಲಿ, ನಿಮ್ಮ ಮುಖದ ಮೇಲಿನ ತ್ವಚೆಯು ಶುಷ್ಕವಾಗುತ್ತದೆ ಹಾಗೂ ತನ್ಮೂಲಕ ಅದು ನಿಮ್ಮ ಗಡ್ಡವು ಕತ್ತರಿಸಲ್ಪಟ್ಟು ಉದುರಿಹೋಗಲು ಕಾರಣವಾಗುತ್ತದೆ. ಸಾಬೂನುಗಳು ಗಡ್ಡದ೦ತಹ ಮೈಮೇಲಿನ ನಾಜೂಕಾದ ಭಾಗಗಳ ವಿಚಾರದಲ್ಲಿ ಗಡಸಾಗಿರುತ್ತವೆ. ಆದ್ದರಿ೦ದ, ಗಡ್ಡವನ್ನು ಸ್ವಚ್ಚಗೊಳಿಸಿಕೊಳ್ಳಲು ಶಾ೦ಪೂವನ್ನು ಮಾತ್ರವೇ ಬಳಸಿಕೊಳ್ಳಿರಿ. ಗಡ್ಡದ ಕುರಿತ ಕಾಳಜಿಗೆ ಸ೦ಬ೦ಧಿಸಿದ೦ತಹ ಅತೀ ಮಹತ್ವದ ಸಲಹೆಗಳ ಪೈಕಿ ಇದೂ ಸಹ ಒ೦ದು.

ಆರು ವಾರಕ್ಕೊಮ್ಮೆ ಟ್ರಿಮ್ ಮಾಡಿಸಿಕೊಳ್ಳಿ

ನಿಯಮಿತವಾಗಿ ಆಕಾರ ನೀಡುವುದು ಅಥವಾ ಟ್ರಿಮ್ ಮಾಡುವುದು ಒಳ್ಳೆಯದಲ್ಲ. ಆರು ವಾರಕ್ಕೊಮ್ಮೆ ನಿಮ್ಮ ಗಡ್ಡವನ್ನು ಟ್ರಿಮ್ ಮಾಡಿ ಸಾಕು. ಇದರಿಂದ ನಿಮ್ಮ ಗಡ್ಡ ಚೆನ್ನಾಗಿ ಬೆಳೆಯಲು ಕಾಲಾವಕಾಶ ದೊರೆಯುತ್ತದೆ.

ಮೂಡನಂಬಿಕೆಗೆ ಕಿವಿ ಕೊಡಬೇಡಿ

ಪ್ರತಿದಿನ ಶೇವ್ ಮಾಡಿದರೆ ನಿಮ್ಮ ಮುಖದಲ್ಲಿ ಗಡ್ಡ ಬೇಗ ಬೆಳೆಯುತ್ತದೆ ಎಂದು ಹೇಳಲಾಗುತ್ತದೆ. ಆದರೆ ಇದು ಮೂಡನಂಬಿಕೆ, ಇದಕ್ಕೆ ಯಾವುದೆ ವೈಜ್ಞಾನಿಕ ಹಿನ್ನೆಲೆ ಇಲ್ಲ. ಹಾಗೆ ಮಾಡಲು ಹೋಗಬೇಡಿ.