ನಾಚಿಕೊಂಡಾಗ ಮಾತ್ರ ಕೆನ್ನೆ ಕೆಂಪಾಗಬೇಕಾ?

Make Up

oi-Sumalatha

By Sumalatha

Published: Thursday, September 29, 2011, 16:30 [IST]

ನಾಚಿಕೊಂಡಾಗ ಮಾತ್ರ ಕೆನ್ನೆ ಕೆಂಪಗಾಗಬೇಕೆಂದೇನಿಲ್ಲ. ಕೆನ್ನೆ ಗುಲಾಬಿಯಂತೆ ಕೆಂಪಗಿರಬೇಕೆಂದು ನೀವು ಬಯಸುವುದಾದರೆ ಬರಿ ಮೇಕಪ್ ಮಾತ್ರ ಪ್ರಯೋಜನವಿಲ್ಲ. ನೈಸರ್ಗಿಕವಾಗಿ ನಿಮ್ಮ ತ್ವಚೆ ಮಿರುಗಬೇಕೆಂದರೆ ಮೇಕಪ್ ನೊಂದಿಗೆ ಕೆಲವು ಟ್ರಿಕ್ಸ್ ಕೂಡ ಉಪಯೋಗಿಸಬಹುದು.

ಗುಲಾಬಿ ಕೆನ್ನೆ ಪಡೆಯಲು ಈ ವಿಧಾನ ಅನುಸರಿಸಿ.

ಗುಲಾಬಿ ಕೆನ್ನೆಗೆ ಮಾಸ್ಕ್:
ರೋಸ್ ಕಲರ್ ಕೆನ್ನೆ ನಿಮ್ಮದಾಗಬೇಕೆಂದರೆ ಮೊದಲು ನಿಮ್ಮ ತ್ವಚೆ ಶುದ್ದವಾಗಿರಬೇಕು. ಸೌತೆಕಾಯಿಗೆ ಹಾಲು, ಜೇನು ಮತ್ತು ನಿಂಬೆ ರಸ ಬೆರೆಸಿ ಪೇಸ್ಟ್ ಮಾಡಿಕೊಂಡು ದಿನವೂ ಮುಖಕ್ಕೆ ಲೇಪಿಸಿಕೊಳ್ಳುವುದರಿಂದ ಒಳ್ಳೆ ಫಲಿತಾಂಶ ಹೊಂದಬಹುದು.

ಕೆನ್ನೆ ಕೆಂಪಗಾಗಲು ನೈಸರ್ಗಿಕ ಮೇಕಪ್:

1. ತರಕಾರಿ ರಸ: ಕೆನ್ನೆ ಕೆಂಪಗಾಗುಂತೆ ಮಾಡಲು ಇರುವ ಸುಲಭ ವಿಧಾನವೆಂದರೆ, ತರಕಾರಿ ರಸ ಲೇಪಿಸಿಕೊಳ್ಳುವುದು. ಬೀಟ್ ರೂಟ್ ಜ್ಯೂಸ್ ಗೆ ಸಕ್ಕರೆ ಬೆರೆಸಿ ಹಚ್ಚಿಕೊಂಡು 15 ನಿಮಿಷದ ನಂತರ ತೊಳೆದುಕೊಂಡರೆ ತ್ವಚೆ ಒಳಗಿನಿಂದಲೇ ಕೆಂಪಗಾಗುತ್ತದೆ.

2. ದಾಳಿಂಬೆ: ದಾಳಿಂಬೆ, ದ್ರಾಕ್ಷಿಯನ್ನೂ ಸಹ ಬೀಟ್ ರೂಟ್ ನಂತೆ ಸಕ್ಕರೆ ಜೊತೆ ಬೆರೆಸಿ ಲೇಪಿಸಿಕೊಂಡರೆ ಒಳಗಿನಿಂದಲ್ಲದೆ ಹೊರಗಿನಿಂದಲೂ ತ್ವಚೆ ಕೆಂಪಾಗಾಗುತ್ತದೆ.

3. ವೈನ್: ಕೆನ್ನೆಯನ್ನು ವೈನ್ ಬಳಸಿ ಕ್ಲೆನ್ಸ್ ಮಾಡಿದರೆ ಕೆನ್ನೆ ಕೆಂಪಗಾಗುವುದಲ್ಲದೆ, ತ್ವಚೆಯನ್ನೂ ತಾಜಾ ಇರುವಂತೆ ನೋಡಿಕೊಳ್ಳುತ್ತದೆ.

4. ದಾಸವಾಳ: ಗುಲಾಬಿ ಅಥವಾ ದಾಸವಾಳದ ಹೂವನ್ನು ಒಣಗಿಸಿ ಪೇಸ್ಟ್ ನಂತೆ ಮಾಡಿಕೊಂಡು ಕೆನ್ನೆಗೆ ಲೇಪಿಸಿ ಒಣಗಿದ ನಂತರ ಒರೆಸಿಕೊಂಡು ಅದರ ಮೇಲೆ ಬ್ಲಶ್ ಮಾಡಿದರೆ ರೋಸ್ ಕಲರ್ ಕೆನ್ನೆ ನಿಮ್ಮದಾಗುತ್ತದೆ.

5. ಎಣ್ಣೆಯಿಂದ ಮಸಾಜ್: ಬೆರಳುಗಳಿಂದ ಮುಖವನ್ನು ಮಸಾಜ್ ಮಾಡುವುದರಿಂದ ರಕ್ತ ಸಂಚಲನ ಹೆಚ್ಚಾಗಿ ಕೆನ್ನೆ ಕೆಂಪಗಾಗುತ್ತದೆ. ವಿಟಮಿನ್ ಇ ಇರುವ ಅಥವಾ ಇನ್ನಾವುದೇ ಮಸಾಜ್ ಆಯಿಲ್ ಬಳಸಿ ಮಸಾಜ್ ಮಾಡಿದರೆ ಒಳಗಿನಿಂದ ಮತ್ತು ಹೊರಗಿನಿಂದ ಕೆನ್ನೆ ಮೃದುವಾಗಿ ಕೆಂಪಗಾಗುತ್ತದೆ.