ಈ ಟ್ರಿಕ್ಸ್ ಅನುಸರಿಸಿ, ಕೂದಲು ದಪ್ಪವಾಗಿ, ಉದ್ದವಾಗಿ ಬೆಳೆಯುತ್ತೆ...

ಕೂದಲು ಬಾಚುವುದು

ಕೂದಲಿನ ಮಸಾಜ್ ಉತ್ತಮ ಆರೋಗ್ಯ ನೀಡುವುದು. ಕೂದಲನ್ನು ಮೃದುವಾಗಿ ಹಿಮ್ಮುಖವಾಗಿ ಬಾಚುವುದರಿಂದ ಆರೋಗ್ಯಕರ ಕೂದಲನ್ನು ಹೊಂದಬಹುದು. ಕೂದಲುಗಳನ್ನು ಸರಿಯಾಗಿ ವಿಭಾಗ ಮಾಡಿಕೊಂಡು ಹಿಮ್ಮುಖನಾಗಿ ಬಾಚಿ. ಅದು ಬೇರುಗಳ ತನಕ ಹೋಗಬೇಕು. ಈ ವಿಧಾನದಿಂದ ಕೂದಲು ದಟ್ಟವಾಗಿ ಇರುವಂತೆ ಕಾಣುವುದು.

ಕೂದಲು ಬಾಚುವುದು

ಸ್ನಾನ ಮಾಡಿದ ಕೂದಲು ಅಥವಾ ಒದ್ದೆ ಕೂದಲನ್ನು ಒಣಗಿಸುವಾಗ ತಲೆ ಕೆಳಗೆ ಮಾಡಿ ಒಣಗಿಸಿ. ಅಂದರೆ ಕೂದಲುಗಳ ಬೇರು ಮೇಲ್ಭಾಗದಲ್ಲಿ ಬರುವಂತೆ ಮಾಡಿಕೊಳ್ಳಬೇಕು. ಹೀಗೆ ಒಣಗಿಸಿಕೊಂಡ ಕೇಶರಾಶಿಯು ಹೇರಳವಾಗಿರುವಂತೆ ಕಾಣುವುದು.

ವಿಭಜನೆಯನ್ನು ಬದಲಾಯಿಸಿ

ಈ ವಿಧಾನದ ಅನುಕರಣೆಗೆ ಹೆಚ್ಚು ಉಪಕರಣಗಳ ಅಗತ್ಯವಿರುವುದಿಲ್ಲ. ನಿಮ್ಮ ಕೂದಲನ್ನು ವಿಭಜಿಸಿ. ಈ ವಿಧಾನವನ್ನು ನಿತ್ಯ ವಿಭಜಿಸುವುದರ ವಿರುದ್ಧ ದಿಕ್ಕಿಗೆ ವಿಭಜಿಸಿ. ಆಗ ಕೂದಲು ಹೇರಳವಾಗಿರುವಂತೆ ಕಾಣುವುದು. ನಿತ್ಯವೂ ಒಂದೇ ಭಾಗದಲ್ಲಿ ವಿಭಜಿಸುವುದರಿಂದ ಕೂದಲು ಸಮತಟ್ಟಾಗಿ ಕುಳಿತುಕೊಂಡಿರುತ್ತದೆ.

ಮಲಗುವಾಗ ಬನ್ ಮಾಡಿಕೊಳ್ಳಿ

ಕೂದಲು ದಟ್ಟವಾಗಿ ಕಂಗೊಳಿಸಿದರೆ ಹೆಚ್ಚು ಖುಷಿಯಾಗುವುದು. ಹಾಗಾಗಿ ರಾತ್ರಿ ಮಲಗುವ ಮುನ್ನ ಕೂದಲನ್ನು ಬನ್ ವಿನ್ಯಾಸದಲ್ಲಿ ಕಟ್ಟಿಕೊಂಡು ಮಲಗಬೇಕು. ಮರುದಿನ ಕೂದಲಿಗೆ ಯಾವುದೇ ತೊಂದರೆ ಉಂಟಾಗದು. ಜೊತೆಗೆ ದಟ್ಟವಾದ ಕೇಶರಾಶಿಯನ್ನು ಹೊಂದಿರುವಂತೆ ವಿನ್ಯಾಸಗೊಳಿಸಬಹುದು. ರಾತ್ರಿ ಬನ್ ವಿನ್ಯಾಸ ಮಾಡಿಕೊಳ್ಳುವುದರಿಂದ ಬೆಳಗ್ಗೆ ಕೂದಲು ಅಲೆಗಳ ರೂಪದಂತೆ ಹೆಚ್ಚು ಇದ್ದಂತೆ ಶೋಭಿಸುವುದು.

ಕಂಡಿಷನರ್ ಬಳಸಿ

ಕೂದಲು ತೊಳೆಯುವ ಪ್ರಕ್ರಿಯೆಯನ್ನು ಬದಲಿಸುವುದರ ಕೂದಲು ಹೆಚ್ಚಿರುವಂತೆ ಕಾಣುವುದು. ಶಾಂಪೂ ಬಳಸುವ ಮನ್ನ ಕಂಡೀಷನರ್ ಅನ್ವಯಿಸಿದರೆ ಕೂದಲು ನಯವಾಗಿ ಹಾಗೂ ಹೊಳಪಿನಿಂದ ಕೂಡಿರುವಂತೆ ಕಾಣುವುದು. ಅಲ್ಲದೆ ಕೇಶರಾಶಿಯು ದಪ್ಪವಾಗಿರುವಂತೆ ಕಾಣುವುದು.

ರೋಲರ್ ಬಳಸಿ

ರೋಲರ್ ಬಳಸುವುದರಿಂದ ಕೇಶರಾಶಿಯನ್ನು ಹೆಚ್ಚು ಹೊಂದಿರುವಂತಹ ಬ್ರಮೆಗೆ ಒಳಗಾಗುವಂತೆ ಮಾಡುವುದು. ಪ್ಲಾಸ್ಟಿಕ್ ಅಥವಾ ವೆಲ್ಕೋ ರೊಲರ್ ಗಳೊಂದಿಗೆ ಸುತ್ತಿಕೊಳ್ಳಿ. ನಂತರ 20 ಮಿಷಗಳ ಕಾಲ ಬಿಟ್ಟು, ರೋಲರ್ ತೆಗೆದು ಬಾಚಿಕೊಳ್ಳಿ ಆಗ ಕೇಶರಾಶಿ ಹೆಚ್ಚಿರುವಂತೆ ಕಾಣುವುದು.

ಬೇಬಿ ಪೌಡರ್ ಬಳಸಿ

ಜಿಡ್ಡಿನಿಂದ ಕೂಡಿರುವ ಕೂದಲು ಹೆಚ್ಚು ಎಣ್ಣೆಯಿಂದ ಕೂಡಿರುವಂತೆ ಕಾಣುವುದು. ಜೊತೆಗೆ ಕೂದಲು ಅಂಟಿಕೊಂಡಿರುವುದರಿಂದ ಕಡಿಮೆ ಕೂದಲು ಹೊಂದಿರುವಂತೆ ಕಾಣುವುದು. ಹಾಗಾಗಿ ನಿಮಗೆ ಒಗ್ಗುವ ಬೇಬಿ ಪೌಡ್‍ಅನ್ನು ಕೂದಲಿಗೆ ಅನ್ವಯಿಸಿ ಬಾಚಿಕೊಳ್ಳಿ. ಇದರಿಂದ ಕೂದಲು ದಪ್ಪವಾಗಿರುವಂತೆ ಕಾಣುವುದು.

ಶುಷ್ಕ ಕೇಶರಾಶಿಯ ಶಾಂಪೂ

ಶುಷ್ಕ ಕೇಶರಾಶಿಯ ಶಾಂಪೂ ಬಳಸುವುದರಿಂದ ಕೂದಲು ಬಹುಬೇಗ ಒಣಗುವುದರ ಜೊತೆಗೆ ಹೆಚ್ಚು ಕೂದಲು ಹೊಂದಿರುವಂತೆ ತೋರುವುದು. ಆದರೆ ಈ ವಿಧಾನವನ್ನು ನಿತ್ಯವೂ ಅನ್ವಯಿಸಿದರೆ ಅಡ್ಡ ಪರಿಣಾಮ ಬೀರುವುದು. ಗಡಿಬಿಡಿಯ ಸಂದರ್ಭದಲ್ಲಿ ಇಂತಹ ಪ್ರಯೋಗವನ್ನು ಒಮ್ಮೆ ಮಾಡಬಹುದು.