ಗುಂಗುರು ಕೂದಲಿನ ಸಮಸ್ಯೆ ಇದೆಯೇ? ಇಲ್ಲಿದೆ ನೋಡಿ ಸರಳ ಟಿಪ್ಸ್

ಕೂದಲಿನ ಒಣಗಿರುವಾಗ ಕತ್ತರಿಸಿ

ಒಣ ಕೂದಲನ್ನು ಕತ್ತರಿಸಲು ಹೋಗಿ ಎಂದು ಯಾಕೆ ಹೇಳುತ್ತಿರಬಹುದೆಂದು ನೀವು ಭಾವಿಸಬಹುದು. ಯಾಕೆಂದರೆ ಹೆಚ್ಚಿನವರು ಒಣ ಕೂದಲು ಕತ್ತರಿಸಿಕೊಳ್ಳಲ್ಲ. ಗುಂಗುರು ಕೂದಲು ತುಂಬಾ ಕ್ಲಿಷ್ಟ ಹಾಗೂ ಒದ್ದೆಯಾಗಿರುವಾಗ ಮತ್ತಷ್ಟು ಭಿನ್ನವಾಗಿರುವುದು. ಇದು ಒಣಗಿದ ಬಳಿಕ ಯಾವ ರೀತಿಯಲ್ಲಿ ವಿನ್ಯಾಸವಾಗುವುದು ಎಂದು ಹೇಳಲು ಆಗಲ್ಲ. ಇದರಿಂದ ನೀವು ಒಣ ಕೂದಲನ್ನು ಕತ್ತರಿಸಿಕೊಂಡರೆ ಒಳ್ಳೆಯದು.

ಕೂದಲು ಒದ್ದೆಯಾಗಿರುವಾಗಲೇ ಇದನ್ನು ವಿನ್ಯಾಸಗೊಳಿಸಿ

ಕೂದಲು ತೊಳೆದು ಬಂದ ಕೂಡಲೇ ಅದು ಒದ್ದೆಯಾಗಿರುವಾಗಲೇ ನೀವು ಕೂದಲನ್ನು ಬಾಚಿಕೊಳ್ಳಿ. ಗುಂಗುರು ಕೂದಲು ಇರುವ ಮಹಿಳೆಯರು ಮಾಡುಬಹುದಾದ ಒಳ್ಳೆಯ ಕೆಲಸವಿದು. ನೀವು ಬೆರಳುಗಳನ್ನು ಬಳಸಿ ಇದನ್ನು ವಿನ್ಯಾಸ ಮಾಡಬಹುದು ಅಥವಾ ಬಾಚಣಿಗೆ ಬಳಸಬಹುದು. ಇದರಿಂದ ಒಣಗಿದ ಬಳಿಕ ಇದು ಗಂಟುಗಂಟಾಗಿರದೆ ಸರಿಯಾಗಿ ನಿರ್ವಹಿಸಲು ಆಗುವುದು.

Most Read:ನೀವು ಬೆಳಗ್ಗೆ ಕುಡಿಯಬೇಕಾದ 9 ಆರೋಗ್ಯಕಾರಿ ಪಾನೀಯಗಳು

ಗಾಳಿಯಲ್ಲಿ ಒಣಗಲಿ

ಡ್ರೈಯರ್ ಬಳಸಿಕೊಂಡು ಕೂದಲು ಒಣಗಿಸುವ ಬದಲು ನೀವು ಗಾಳಿಯಲ್ಲಿಯೇ ಕೂದಲನ್ನು ಒಣಗಲು ಬಿಡಿ. ಇದಕ್ಕೆ ಹೆಚ್ಚಿನ ಸಮಯ ಬೇಕಾಗಬಹುದು. ಆದರೆ ಇದು ನಿಮ್ಮ ಕೂದಲಿಗೆ ಒಳ್ಳೆಯದು ಮತ್ತು ಇದು ಗಂಟುಗಳನ್ನು ನಿವಾರಣೆ ಮಾಡುವುದು. ಟವೆಲ್ ನಿಂದ ಅರ್ಧ ಒಣಗಿಸಿದ ಬಳಿಕ ನೀವು ಗಾಳಿಯಲ್ಲಿ ಹಾಗೆ ಬಿಟ್ಟುಬಿಡಿ.

ಆಲ್ಕೋಹಾಲ್ ಇರುವ ಉತ್ಪನ್ನ ಬಳಸಬೇಡಿ

ನಿಮ್ಮ ಕೂದಲಿಗೆ ಆಲ್ಕೋಹಾಲ್ ಇರುವಂತಹ ಯಾವುದೇ ರೀತಿಯ ಉತ್ಪನ್ನಗಳನ್ನು ಬಳಸಬೇಡಿ. ಜೆಲ್, ಹೇರ್ ಸ್ಪ್ರೇ ಅಥವಾ ಕೆಲವು ಸೆರಮ್ ಗಳಲ್ಲಿ ಆಲ್ಕೋಹಾಲ್ ಅಂಶವು ಇರುವುದು. ಇದನ್ನು ಕೂದಲಿನ ತೇವ ಹೀರಿಕೊಳ್ಳುವುದು ಮತ್ತು ಮತ್ತಷ್ಟು ಒಣಗುವಂತೆ ಮಾಡುವುದು. ಇದರಿಂದ ಕೂದಲು ತುಂಡಾಗುವುದು ಅಥವಾ ಹಾನಿಯಾಗುವುದು. ಇದರಿಂದ ಗುಂಗುರು ಕೂದಲು ಇರುವಂತಹವರು ಆದಷ್ಟು ಮಟ್ಟಿಗೆ ಆಲ್ಕೋಹಾಲ್ ಇರುವಂತಹ ಉತ್ಪನ್ನಗಳನ್ನು ಬಳಸಬೇಡಿ.

Most Read:ಚಿಕನ್- ಮಟನ್‌ಗಿಂತಲೂ ಇಂತಹ ಸಸ್ಯಾಹಾರಿ ಆಹಾರಗಳು ತುಂಬಾನೇ ಆರೋಗ್ಯಕಾರಿ

ಸಿಲ್ಕ್ ನ ತಲೆದಿಂಬು ಬಳಸಿ

ಕಾಟನ್ ತಲೆದಿಂಬಿನ ಬದಲು ಸಿಲ್ಕ್ ನ ತಲೆದಿಂಬನ್ನು ಬಳಸಲು ಹೇಳಿರುವುದು ಯಾಕೆ ಎಂದು ನಿಮಗೆ ಅಚ್ಚರಿಯಾಗಿರಬಹುದು. ಆದರೆ ಹತ್ತಿಯು ನಿಮ್ಮ ಕೂದಲಿಗೆ ತಿಳಿಯದಂತೆ ಹಾನಿ ಮಾಡುವುದು. ಹತ್ತಿಯಲ್ಲಿ ಇರುವಂತಹ ನಾರಿನಾಂಶವು ಕೂದಲಿನಲ್ಲಿ ಇರುವಂತಹ ತೇವ ಹೀರಿಕೊಳ್ಳುವುದು. ಇದರಿಂದ ಕೂದಲು ಗಂಟುಗಂಟಾಗಿ ಒರಟಾಗುವುದು. ಇದರಿಂದಾಗಿ ನೀವು ತುಂಬಾ ನಯವಾಗಿರುವ ಸಿಲ್ಕ್ ತಲೆದಿಂಬು ಬಳಸಿ. ಇದರಿಂದ ಕೂದಲು ನಯವಾಗಿರುವುದು. ನೀವು ಗುಂಗುರು ಕೂದಲು ಹೊಂದಿದ್ದರೆ ಈ ವಿಧಾನಗಳನ್ನು ಗಮನದಲ್ಲಿಟ್ಟುಕೊಳ್ಳಿ ಮತ್ತು ಸರಿಯಾದ ರೀತಿಯಲ್ಲಿ ಆರೈಕೆ ಮಾಡಿ.