ಈ ವಸ್ತುಗಳನ್ನು ನಿಮ್ಮ ಶಾಂಪೂಗೆ ಸೇರಿಸಿ ಇನ್ನಷ್ಟು ಲಾಭ ಪಡೆಯಿರಿ

ರೋಸ್ ವಾಟರ್

ತುರಿಕೆ ಮತ್ತು ನೆವೆಯಿಂದ ನಿಮ್ಮ ಸ್ಕಾಲ್ಪ್ ನಿಮಗೆ ತೊಂದರೆ ನೀಡುತ್ತಿದ್ದರೆ ನೀವು ಖಂಡಿತ ಈ ವಿಧಾನವನ್ನು ಬಳಸಲೇಬೇಕು. ಒಂದು ಕಪ್ ನಷ್ಟು ಗುಲಾಬಿ ರಸವನ್ನು ನಿಮ್ಮ ಶಾಂಪ್ಯೂವಿಗೆ ಮಿಕ್ಸ್ ಮಾಡಿ ಕೂದಲನ್ನು ತೊಳೆದುಕೊಳ್ಳಿ.ಸೆನ್ಸಿಟೀವ್ ಸ್ಕಾಲ್ಪ್ ಇರುವವರು ಕೂಡ ಇದನ್ನು ಬಳಸಬಹುದು. ರೋಸ್ ವಾಟರ್ ಬಳಸುವುದರಿಂದಾಗಿ ತುರಿಕೆ ಕಡಿಮೆಯಾಗಲಿದೆ. ನಿಮಗೆ ಸ್ಕಾಲ್ಪ್ ತುರಿಕೆಯಾಗುತ್ತಿದ್ದರೆ ಕೂಡಲೆ ಈ ವಿಧಾನ ಬಳಸಿ ಸಮಸ್ಯೆಯಿಂದ ಮುಕ್ತಿ ಪಡೆಯಿರಿ.

ನಿಂಬೆ ರಸ

ಕೂದಲಿನ ಸ್ವಚ್ವತೆ ಸರಿಯಾಗಿ ಆಗುತ್ತಿಲ್ಲವೆಂದು ನಿಮಗೆ ಅನ್ನಿಸುತ್ತಿದ್ದರೆ ಒಂದು ಟೇಬಲ್ ಸ್ಪೂನ್ ನಷ್ಟು ನಿಂಬೆರಸವನ್ನು ಕೂದಲಿಗೆ ಆಡ್ ಮಾಡಿ ಕೂದಲನ್ನು ತೊಳೆಯಿರಿ.

ಕೂದಲಿನ ಅಲಂಕಾರಕ್ಕಾಗಿ ಯಾವುದಾದರೂ ಕೆಮಿಕಲ್ ಗಳನ್ನು ಬಳಸಿದಾಗ, ಹೆಚ್ಚು ಎಣ್ಣೆಯಂಶವಿದ್ದು ಜಿಡ್ಡುಜಿಡ್ಡು ಭಾವನೆಯಿದ್ದಾಗ, ಕೂದಲಿನಲ್ಲಿ ಯಾವುದೋ ಹೋಗಲಾಡಿಸಿದ ಕೊಳೆ ಇದೆ ಎಂದು ನಿಮಗೆ ಅನ್ನಿಸಿದಾಗ ನೀವಿದನ್ನು ಬಳಸಬಹುದು.

ಜೇನು

ಕೂದಲು ಡ್ರೈ ಆದ ಅನುಭವವಾಗುತ್ತಿದ್ದರೆ ಒಂದು ಟೇಬಲ್ ಸ್ಪೂನ್ ನಷ್ಟು ಜೇನುಹನಿಯನ್ನು ಶಾಂಪೂವಿಗೆ ಮಿಕ್ಸ್ ಮಾಡಿಕೊಳ್ಳಿ. ಕೂದಲಿನಲ್ಲಿರುವ ಬ್ಯಾಕ್ಟೀರಿಯಾದ ಅಂಶವನ್ನು ಜೇನು ತೊಡೆದುಹಾಕುತ್ತೆ ಮತ್ತು ಕೂದಲಿನ ಆರೋಗ್ಯ ವೃದ್ಧಿಗೆ ಇದು ಸಹಕರಿಸುತ್ತೆ.

ಆದರೆ ನೆನಪಿರಲಿ ಶಾಂಪೂವಿಗೆ ಹನಿ ಸೇರಿಸಿದ ನಂತ್ರ ಕೂದಲನ್ನು ಚೆನ್ನಾಗಿ ತೊಳೆಯುವುದನ್ನು ಮರೆಯಬೇಡಿ. ಒಂದು ವೇಳೆ ಜೇನು ಕೂದಲಿನಲ್ಲಿ ಹಾಗೆಯೇ ಉಳಿದರೆ ಅದರಿಂದ ಸ್ಟಿಕ್ಕಿ ಸ್ಟಿಕ್ಕಿಯಾದಂತೆ ಭಾಸವಾಗಿ ಕೂದಲು ಅಸಹ್ಯವೆನಿಸುವ ಸಾಧ್ಯತೆ ಇರುತ್ತೆ

ಲ್ಯಾವೆಂಡರ್ ಎಸೆನ್ಸಿಯಲ್ಸ್

ನೀವು ಒತ್ತಡದಿಂದ ಬಳಲುತ್ತಿದ್ದು ರಿಲ್ಯಾಕ್ಸ್ ಆಗಬೇಕು ಎಂದು ಭಾವಿಸುತ್ತಿದ್ದರೆ ಖಂಡಿತ ನಿಮಗೆ ಈ ಉಪಾಯ ಸಹಾಯ ಮಾಡಲಿದೆ. ಲ್ಯಾವೆಂಡರ್ ಎಣ್ಣೆಯ ಎಸೆನ್ಸಿಯಲ್ಸ್ ನ್ನು ಶಾಂಪೂವಿಗೆ ಮಿಕ್ಸ್ ಮಾಡಿ ಕೂದಲು ತೊಳೆಯಿರಿ. ಇದರಿಂದ ಕೂದಲು ಫಳಫಳ ಹೊಳೆಯುವುದಲ್ಲದೆ ಕೂದಲಿನ ಆರೋಗ್ಯ ಇಮ್ಮಡಿಗೊಳ್ಳುತ್ತದೆ ಮತ್ತು ನಿಮ್ಮ ಒತ್ತಡ ಕಡಿಮೆಯಾಗಿ ನಿಮ್ಮ ಕೂದಲಿನ ಪರಿಮಳ ನಿಮ್ಮನ್ನ ಇಡೀ ದಿನ ಫ್ರೆಷ್ ಭಾವನೆಯಲ್ಲಿರುವಂತೆ ಮಾಡುತ್ತೆ

ಅಲವೀರಾ ಜೆಲ್

ಎಲ್ಲರಿಗೂ ತಿಳಿದಿರುವಂತೆ ಅಲವೀರಾ ಅಂದರೆ ಆರೋಗ್ಯದ ಆಗರ. ಪ್ರತಿಯೊಬ್ಬರು ಕೂಡ ಕೂದಲಿನ ಆರೋಗ್ಯಕ್ಕೆ ಅಲವೀರಾ ಜೆಲ್ ಬಳಸಲು ಇಚ್ಛಿಸುತ್ತಾರೆ.

ಹಾಗಾಗಿ ಅಲವೀರಾದಿಂದ ತಯಾರಿಸಿರುವ ಹಲವಾರು ಪ್ರೊಡಕ್ಟ್ ಗಳು ಮಾರ್ಕೆಟ್ ನಲ್ಲಿ ರಾರಾಜಿಸುತ್ತಿವೆ. ಅದೇ ರೀತಿ ಅಲವೀರಾ ಲಾಭಗಳು ಹಾಗೆಯೇ ಇವೆ. ಸ್ಕಾಲ್ಪ್ ನಲ್ಲಿ ಯಾವುದೇ ರೀತಿಯ ತೊಂದರೆ ಇದ್ದರೂ ಅದನ್ನು ನಿವಾರಿಸುವ ತಾಕತ್ತು ಅಲವೀರಾ ಜೆಲ್ ಗಿದೆ.ಇದು ಕೂದಲು ಕಟ್ ಆಗುವುದು, ಉದುರುವುದು ಹಾಗೂ ಇತರೆ ಯಾವುದೇ ರೀತಿಯ ಸಮಸ್ಯೆಯನ್ನೂ ನಿವಾರಿಸಬಲ್ಲದು. ಅಷ್ಟೇ ಅಲ್ಲ ಕೂದಲು ಉದ್ದವಾಗುವುದಕ್ಕೂ ಕೂಡ ಇದು ನೆರವಾಗಲಿದೆ.

ನೆಲ್ಲಿಕಾಯಿ ರಸ

ನಿಮ್ಮ ಕೂದಲಿನ ಸರ್ವತೋಮುಖ ಬೆಳವಣಿಗೆಗೆ ಮತ್ತು ಆರೋಗ್ಯಕ್ಕೆ ನೆಲ್ಲಿಕಾಯಿ ಒಂದು ರಾಮಬಾಣವಿದ್ದಂತೆ.ಒಂದು ಟೀ ಸ್ಪೂನ್ ನಷ್ಟು ಫ್ರೆಷ್ ನೆಲ್ಲಿಕಾಯಿ ರಸವನ್ನು ನಿಮ್ಮ ಶಾಂಪೂವಿಗೆ ಮಿಕ್ಸ್ ಮಾಡಿ ಬಳಸುವುದರಿಂದ ನಿಮ್ಮ ಕೂದಲು ಕಪ್ಪಾಗಿಯೂ, ದಟ್ಟವಾಗಿಯೂ ಇರಲು ಸಾಧ್ಯವಾಗುತ್ತೆ. ಉತ್ತಮ ಲಾಭವನ್ನು ಪಡೆಯಬೇಕೆಂದರೆ ಪದೇ ಪದೇ ಈ ವಿಧಾನವನ್ನು ಅನುಸರಿಸುವುದು ಸೂಕ್ತ.

ಟೀ ಟ್ರೀ ಆಯಿಲ್

ಟೀ ಟ್ರೀ ಆಯಿಲ್ ನಲ್ಲಿ ಆಂಟಿ ಫಂಗಲ್ ಮತ್ತು ಆಂಟಿ ಬ್ಯಾಕ್ಟೀರಿಯಾ ಪ್ರಾಪರ್ಟಿ ಇರುವುದರಿಂದಾಗಿ ಇದೊಂದು ಉತ್ತಮ ವಿಧಾನವಾಗಿದೆ. ನಿಮ್ಮ ಶಾಂಪೂವಿಗೆ ಟೀ ಟ್ರೀ ಆಯಿಲ್ ಮಿಕ್ಸ್ ಮಾಡಿ ಸ್ನಾನ ಮಾಡುವುದನ್ನು ರೂಢಿಸಿಕೊಳ್ಳಿ.

ಕೆಲವೇ ದಿನಗಳಲ್ಲಿ ಉತ್ತಮ ಪರಿಣಾಮವನ್ನು ನೀವು ಗಮನಿಸಬಹುದು. ಡ್ಯಾಂಡ್ರಫ್ ಅಧಿಕವಾಗಿದ್ದಾಗ ಮತ್ತು ಹೆಚ್ಚು ಬ್ಯಾಕ್ಟೀರಿಯಾಗಳು ಕೂದಲಿಗೆ ದಾಳಿ ಇಟ್ಟು ನಿಮ್ಮ ಕೂದಲಿನ ಆರೋಗ್ಯವನ್ನು ಹಾಳು ಮಾಡುತ್ತಿರುವ ಸಂದರ್ಬದಲ್ಲಿ ನೀವು ರೂಢಿಸಿಕೊಳ್ಳಬಹುದಾದ ಅತ್ಯುತ್ತಮ ವಿಧಾನವೆಂದರೆ ನಿಮ್ಮ ಶಾಂಪ್ಯೂವಿಗೆ ಟೀ ಟ್ರೀ ಆಯಿಲ್ ನ್ನು ಮಿಕ್ಸ್ ಮಾಡಿ ಸ್ನಾನ ಮಾಡುವುದು. ವಾರಕೊಮ್ಮೆ ಈ ವಿಧಾನವನ್ನು ಬಳಸಿ ನೋಡಿ. ನೀವೇ ಆಶ್ಚರ್ಯಗೊಳ್ಳುವಿರಿ.