ಕಾಂತಿಯುತ ಹಾಗೂ ಸದೃಢವಾದ ಕೂದಲಿಗೆ 'ಅಲೋವೆರಾ ಶಾಂಪೂ' ಪ್ರಯತ್ನಿಸಿ

Updated: Thursday, November 22, 2018, 15:02 [IST]

ಕೂದಲು ಉದುರುವಿಕೆ, ತುಂಡಾಗುವುದು, ಒಡೆದ ತುದಿಗಳು ಇತ್ಯಾದಿ ಸಮಸ್ಯೆಗಳು ಇಂದಿನ ದಿನಗಳಲ್ಲಿ ಸಾಮಾನ್ಯವಾಗಿದೆ. ಧೂಳು, ಕೊಳೆ ಹಾಗೂ ಕಲ್ಮಷದಿಂದಾಗಿ ಇಂತಹ ಸಮಸ್ಯೆಗಳು ಕಾಣಿಸಿಕೊಳ್ಳುವುದು. ಪ್ರತಿನಿತ್ಯ ನಾವು ಹೊರಗಡೆ ಹೋಗುವ ಸಮಯದಲ್ಲಿ ಕೂದಲು ಇವುಗಳನ್ನು ಸಹಿಸಿಕೊಳ್ಳಬೇಕು. ಇದರಿಂದಾಗಿ ನಿಸ್ತೇಜವಾಗುವ ಕೂದಲಿಗೆ ನಾವು ವಿವಿಧ ರೀತಿಯ ಶಾಂಪೂ ಹಾಗೂ ಕಂಡೀಷನರ್ ಗಳನ್ನು ಬಳಸಿಕೊಳ್ಳುತ್ತೇವೆ. ಕೂದಲಿಗೆ ಪೋಷಣೆ ನೀಡಲು ನೈಸರ್ಗಿಕವಾಗಿ ಏನು ಮಾಡಬಹುದು ಎಂದು ತಿಳಿಯಬೇಕು.

ಯಾಕೆಂದರೆ ಶಾಂಪೂ, ಕಂಡೀಷನರ್ ಗಳನ್ನು ನೀವು ದೂರವಿಟ್ಟು ಕೆಲವೊಂದು ನೈಸರ್ಗಿಕವಾಗಿರುವ ಸಾಮಗ್ರಿಗಳನ್ನು ಬಳಸಿಕೊಂಡು ಕೂದಲಿನ ಆರೈಕೆ ಮಾಡಿಕೊಂಡರೆ ಅದರಿಂದ ತುಂಬಾ ಲಾಭವಾಗಲಿದೆ. ಮನೆಯಲ್ಲೇ ನೀವು ಶಾಂಪೂ ಹಾಗೂ ಕಂಡೀಷನರ್ ತಯಾರಿಸಿಕೊಳ್ಳಬಹುದು. ಇದಕ್ಕಾಗಿ ನಿಮಗೆ ಹೆಚ್ಚು ಸಾಮಗ್ರಿಗಳು ಕೂಡ ಬೇಕೆಂದಿಲ್ಲ. ಈ ಲೇಖನದಲ್ಲಿ ಅಲೋವೆರಾವನ್ನು ಬಳಸಿಕೊಂಡು ಕೂದಲಿನ ಆರೈಕೆ ಮಾಡಿಕೊಳ್ಳುವುದು ಹೇಗೆ ಎಂದು ನಿಮಗೆ ತಿಳಿಸಿಕೊಡಲಿದ್ದೇವೆ. ಅಲೋವೆರಾವು ಕೇವಲ ಚರ್ಮಕ್ಕೆ ಮಾತ್ರವಲ್ಲದೆ ಕೂದಲಿಗೂ ಹಲವಾರು ರೀತಿಯ ಲಾಭಗಳನ್ನು ನೀಡಲಿದೆ.

ಅಲೋವೆರಾವು ಕೂದಲಿಗೆ ಯಾವ ರೀತಿಯಲ್ಲಿ ನೆರವಾಗುವುದು?

ಅಲೋವೆರಾದಲ್ಲಿ ಇರುವಂತಹ ಹಲವಾರು ರೀತಿಯ ಔಷಧೀಯ ಗುಣಗಳಿಂದಾಗಿ ಇದು ಕೂದಲಿಗೆ ಹಲವಾರು ರೀತಿಯಿಂದ ನೆರವಾಗುವುದು. ಅದು ಯಾವುದೆಂದು ತಿಳಿಯಿರಿ.

•ಇದು ಒಣ ಹಾಗೂ ಹಾನಿಗೀಡಾದ ಕೂದಲನ್ನು ಸರಿಪಡಿಸುವುದು.

•ಪ್ರೋಟಿಯೋಲಿಟಿಕ್ ಕಿಣ್ವಗಳು ಕೂದಲಿನ ಬೆಳವಣಿಗೆ ಉತ್ತೇಜಿಸುವುದು.

•ಕೂದಲು ಉದುರುವಿಕೆ ತಡೆಯುವುದು

•ಕೂದಲು ತುಂಡಾಗುವುದು ಮತ್ತು ತುದಿ ಒಡೆಯುವುದು ತಡೆಯುವುದು.

•ತುರಿಕೆ ಹಾಗೂ ಕಿರಿಕಿರಿ ಉಂಟು ಮಾಡುವ ತಲೆಬುರುಡೆಗೆ ಶಮನ ನೀಡುವುದು.

•ಶಿಲೀಂಧ್ರ ವಿರೋಧಿ ಗುಣಗಳು ಇರುವ ಕಾರಣದಿಂದಾಗಿ ತಲೆಹೊಟ್ಟು ನಿವಾರಣೆಯಾಗುವುದು.

•ತಲೆಬುರುಡೆಯು ಪೋಷಣೆ ಹಾಗೂ ತೇವಾಂಶದಿಂದ ಇರುವುದು.

•ತಲೆಬುರುಡೆಯ ಪಿಎಚ್ ಸಮತೋಲನ ಕಾಪಾಡುವುದು ಮತ್ತು ಅದನ್ನು ಆರೋಗ್ಯವಾಗಿಡುವುದು. ಇದರಿಂದ ಕೂದಲು ಬುಡದಿಂದಲೇ ಬಲಿಷ್ಠವಾಗುವುದು.

ಮನೆಯಲ್ಲೇ ಅಲೋವೆರಾ ಶಾಂಪೂ ತಯಾರಿಸಿಕೊಳ್ಳುವುದು ಯಾಕೆ?

ಬೇಕಾಗುವ ಸಾಮಗ್ರಿಗಳು

¼ ಕಪ್ ತಾಜಾ ಅಲೋವೆರಾದ ಲೋಳೆ
¼ ಕಪ್ ಕ್ಯಾಸ್ಟೈಲ್ ಸೋಪ್
¼ ಕಪ್ ಡಿಸ್ಟಿಲ್ಡ್ ವಾಟರ್
1 ಚಮಚ ಗ್ಲಿಸರಿನ್
1 ಚಮಚ ಜೊಜೊಬಾ ಎಣ್ಣೆ

ವಿಧಾನ

•ಸಣ್ಣ ಪಿಂಗಾಣಿಯಲ್ಲಿ ಅಲೋವೆರಾದ ತಾಜಾ ಲೋಳೆ ಹಾಕಿಕೊಳ್ಳಿ.

•ಇದರ ಬಳಿಕ ಡಿಸ್ಟಿಲ್ಡ್ ವಾಟರ್ ಹಾಕಿ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

•ಈಗ ಇದಕ್ಕೆ ಗ್ಲಿಸರಿನ್ ಹಾಕಿ ಮತ್ತು ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ.

•ಮುಂದಿನ ಭಾಗದಲ್ಲಿ ಕ್ಯಾಸ್ಟೈಲ್ ಸೋಪ್ ಹಾಕಿ ಮತ್ತು ಮಿಶ್ರಣ ಮಾಡಿ. ಎಲ್ಲವನ್ನು ಸರಿಯಾಗಿ ಕಲಸಿಕೊಳ್ಳಿ.

•ಅಂತಿಮವಾಗಿ ಜೊಜೊಬಾ ಎಣ್ಣೆ ಹಾಕಿಕೊಂಡು ಮಿಶ್ರಣ ಮಾಡಿ ಮತ್ತು ಎಲ್ಲವನ್ನು ಜತೆ ಸೇರಿಸಿಕೊಳ್ಳಿ.

•ಇದನ್ನು ಈಗ ಫ್ಲಿಪ್ ಕ್ಯಾಪ್ ಬಾಟಲಿ ಅಥವಾ ಫಾಮಿಂಗ್ ಬಾಟಲಿಗೆ ಹಾಕಿ ಮತ್ತು ನೀವು ಬಳಸುವ ಶಾಂಪೂಗೆ ಬದಲು ಇದನ್ನು ಬಳಸಿಕೊಳ್ಳಿ. ಇದರೊಂದಿಗೆ ನಿಮ್ಮ ಕೂದಲಿಗೆ ಹೊಂದಿಕೊಳ್ಳುವ ಕಂಡೀಷನರ್ ಹಾಕಿ.

•ಉತ್ತಮ ಫಲಿತಾಂಶಕ್ಕಾಗಿ ನೀವು ವಾರದಲ್ಲಿ ಮೂರು ಸಲ ಇದನ್ನು ಬಳಸಿ.

ಸೂಚನೆ:

ಈ ಮಿಶ್ರಣವನ್ನು ತಲೆಗೆ ಬಳಸುವ ಮೊದಲು ಹಾಗೂ ಬಳಿಕ ಸರಿಯಾಗಿ ಅಲುಗಾಡಿಸಿಕೊಳ್ಳಿ. ಸಂಪೂರ್ಣವಾಗಿ ತೊಳೆಯುವ ಮೊದಲು ಒಂದು ನಿಮಿಷ ಕೂದಲಿನಲ್ಲಿ ಹಾಗೆ ಇರಲಿ ಮತ್ತು ಇದರ ಬಳಿಕ ಕಂಡೀಷನರ್ ಬಳಸಿ.

Comments

English summary

Aloe Vera Shampoo for shiny and stronger hair

With the way we deal with dirt, dust, and pollution on a daily basis, it becomes very difficult to maintain our hair and also very essential to take good care of it if we want to protect it from any kind of irreversible damage. But, with the kind of environment we live in, how can we take good care of our hair and provide it with the necessary nourishment? Well, aloe vera is not only beneficial for your skin, but it is also beneficial for your hair and has a number of benefits to offer.