ಮಳೆಗಾಲದಲ್ಲಿ ಕೂದಲಿನ ಆರೈಕೆಗೆ ಸರಳ ಸೂತ್ರಗಳು

ಮಾನ್ಸೂನ್‌ಗೆ ಹೊಂದಿಕೊಳ್ಳಿ

ಇಲ್ಲಿ ದಯವಿಟ್ಟು ಗಮನಿಸಬೇಕಾದ ಅಂಶವೆಂದರೆ ಮಾನ್ಸೂನ್ ಸಮಯದಲ್ಲಿ ಕೂದಲಿನ ಆರೈಕೆಗೆ ವಿಶೇಷ ಕಾಳಜಿ ವಹಿಸಲು ಕಡ್ಡಾಯವಾಗಿ ಪ್ರಯತ್ನಿಸಬೇಕು. ಒಂದು ದಿನ ನಿಮ್ಮ ಕೂದಲು ಒದ್ದೆಯಾಗಿ ಅದರ ಕುರಿತು ನೀವು ಕಾಳಜಿ ವಹಿಸಿ, ನಂತರ ಮತ್ತೆ ಕೂದಲನ್ನು ಕಾಳಜಿ ಮಾಡದೆ ಬಿಡುವುದನ್ನು ಮಾಡಬಾರದು. ಮಾನ್ಸೂನ್ ಎಂಬುದು ಒಂದು ಹವಾಮಾನ ಬದಲಾವಣೆಯಾಗಿದ್ದು, ಅದಕ್ಕೆ ಹೊಂದಿಕೊಂಡು ನಿಮ್ಮ ಕೂದಲ ರಕ್ಷಣೆಯ ಕ್ರಮವನ್ನು ಬದಲಾಯಿಸಿಕೊಳ್ಳಬೇಕು.

ಕೂದಲನ್ನು ತೇವವಿರದಂತೆ ಒಣಗಿಸಿಟ್ಟುಕೊಳ್ಳಿ

ಮಳೆಯ ನೀರಿನಲ್ಲಿ ನಿಮ್ಮ ಕೂದಲು ನೆನೆಯುವುದನ್ನು ಎಷ್ಟು ಸಾಧ್ಯವೋ ಅಷ್ಟು ತಪ್ಪಿಸಬೇಕು. ಒಂದು ವೇಳೆ ನೆನೆದದ್ದೆ ಆದಲ್ಲಿ ಎಷ್ಟು ಸಾಧ್ಯವೋ ಅಷ್ಟು ಬೇಗ ಅದನ್ನು ಒಣಗಿಸಬೇಕು. ಏಕೆಂದರೆ ಈ ಕ್ಷಾರೀಯ ನೀರು (ಅಲ್ಕಲೈನ್ ವಾಟರ್) ಕೂದಲಿನ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಅದನ್ನು ಇನ್ನಷ್ಟು ಹಾಳು ಮಾಡುತ್ತದೆ. ಆದ್ದರಿಂದ ನಿಮ್ಮ ಕೂದಲಿನ ಒದ್ದೆಯನ್ನು ತ್ವರಿತಗತಿಯಲ್ಲಿ ಒಣಗಿಸಲು ನಿಮ್ಮ ಹಳೆಯ ಟಿ ಶರ್ಟನ್ನು ಉಪಯೋಗಿಸಬಹುದು ಅಥವಾ ಫ್ಯಾನ್ ಮೂಲಕ ಒಣಗಿಸುವ ವಿಧಾನವನ್ನು ಬಳಸಬಬಹುದು. ನಿಮ್ಮ ಬಳಿ ಹೇರ್ ಡ್ರೈಯರ್ ಇದ್ದಲ್ಲಿ ಅದನ್ನು ಬಳಸುವುದು ಉತ್ತಮ.

ನಿಮ್ಮ ಕೂದಲನ್ನು ತೊಳೆಯುವವಿಧಾನವನ್ನು ಬದಲಿಸಿ

ನಿಮ್ಮ ಕೂದಲನ್ನು ತೊಳೆಯುವ ಸಾಮಾನ್ಯ ವೇಳಾಪಟ್ಟಿಯು ಒಂದು ಮೃದುವಾದ ಶ್ಯಾಂಪೂವಿನೊಂದಿಗೆ ಆರಂಭವಾಗುತ್ತದೆ. ನಂತರ ಕಂಡೀಷನಿಂಗ್. ಅದರೆ ಅದೂ ಮಾನ್ಸೂನ್ ಋತುವಾದಲ್ಲಿ ನಿಮ್ಮ ಕೂದಲಿಗೆ ಮೊದಲು ಕಂಡೀಷನಿಂಗ್‌ನಿಂದ ಆರಂಭಿಸಿ ನಂತರ ಶ್ಯಾಂಪೂ ಅನಂತರ ಮತ್ತೆ ಕಂಡೀಷನಿಂಗ್ ಬಳಸಿ. ಡಬಲ್ ಕಂಡೀಷನಿಂಗ್ ನಿಮ್ಮ ಕೂದಲು ಹೆಚ್ಚು ತೇವಾಂಶವನ್ನು ಅಥವಾ ಮೃದುತ್ವವನ್ನು ಹಾಗು ತನ್ಮೂಲಕ ಹೈಡ್ರೇಟೆಡ್ ಪಡೆಯಲು ಸಾಧ್ಯವಾಗುತ್ತದೆ.

ಕೂದಲನ್ನು ತೊಳೆಯುವುದನ್ನು ಆಗಾಗ್ಗೆ ಮಾಡುತ್ತಿರಬೇಕು

ಮಾನ್ಸೂನ್ ಕಾಲದಲ್ಲಿ ಕೂದಲು ಬಹಳ ಬೇಗ ಸುಲಭವಾಗಿ ಕೊಳಕು ಮತ್ತು ಜಿಗುಟಾದ ಸ್ಥಿತಿಗೆ ಬರುತ್ತದೆ. ಆಗಾಗಿ ಈ ಸಮಯದಲ್ಲಿ ಆಗಿಂದಾಗ್ಗೆ ತಲೆ ಕೂದಲನ್ನು ತೊಳೆದು ಶುದ್ಧವಾಗಿಟ್ಟುಕೊಳ್ಳಬೇಕು.ಸಾಮಾನ್ಯವಾಗಿ ನೀವು ನಿಮ್ಮ ತಲೆ ಕೂದಲನ್ನು ವಾರಕ್ಕೆ ಎರಡು ಬಾರಿ ತೊಳೆಯುತ್ತಿದ್ದರೆ ಮಾನ್ಸೂನ್ ಸಮಯದಲ್ಲಿ ಅದನ್ನು ಮೂರು ಬಾರಿಗೆ ಹೆಚ್ಚಿಸಿಕೊಳ್ಳಿ.

ನೆತ್ತಿಯ ಭಾಗದ ನವೆಗೆ (ಇಚಿಸ್ಕಲ್‌ಗೆ) ಪರಿಹಾರ

ಮಾನ್ಸೂನ್ ಸಮಯದಲ್ಲಿ ಸಾಮಾನ್ಯವಾಗಿ ಕಾಡುವ ಕೂದಲಿನ ಸಮಸ್ಯೆಯೆಂದರೆ ಇಚಿ ಸ್ಕಲ್‌ ಅಂದರೆ ನೆತ್ತಿಯ ಭಾಗದಲ್ಲಿ ಆಗುವ ನವೆ ಅಥವಾ ತುರಿಕೆ. ಇಲ್ಲಿ ಕೂದಲಿಗೆ ಹಚ್ಚುವ ತೈಲವು ಪ್ರಮುಖ ಪಾತ್ರವಾಗುತ್ತದೆ. ಮಾನ್ಸೂನ್ ಸಮಯದಲ್ಲಿ ನೀವು ನಿಮ್ಮ ಹೇರ್ ವಾಶ್ ಮಾಡುವುದನ್ನು ಎಷ್ಟು ಬಾರಿ ಹೆಚ್ಚಿಸುವಿರೋ ಅಷ್ಟು ಬಾರಿ ಕೂದಲಿಗೆ ತೈಲವನ್ನು ಹಚ್ಚಬೇಕು. ಇದು ಕೂದಲನ್ನು ಚೆನ್ನಾಗಿ ಬೆಳೆಯಲು ಮತ್ತು ಅದನ್ನು ಉತ್ತಮ ರೀತಿಯಲ್ಲಿ ನಿರ್ವಹಿಸಲು ಸಹಾಯ ಮಾಡುತ್ತದೆ. ನೆತ್ತಿಯ ಭಾಗದ ನೆವೆ ಅಥವಾ ತುರಿಕೆಯ ತ್ವರಿತ ಪರಿಹಾರಕ್ಕೆ ನೀವು ಬೇವಿನ ಎಣ್ಣೆಯನ್ನು ಬಳಸಬಹುದು.

ಮಾನ್ಸೂನ್ ಸಮಯದಲ್ಲಿ ಕೂದಲ ಬೆಳೆವಣಿಗೆಯನ್ನು ಖಾತರಿಪಡಿಸಿಕೊಳ್ಳುವುದು

ವರ್ಷದ ಯಾವುದೇ ಸಮಯದಲ್ಲಾದರೂ ನಿಮ್ಮ ನೆತ್ತಿಯ ಮೇಲೆ ಹೊಸ ಕೂದಲು ಬೆಳೆಯುವ ಸಾಧ್ಯತೆ ಇರುತ್ತದೆ. ಒಂದು ವೇಳೆ ಮಾನ್ಸೂನ್ ಸಮಯದಲ್ಲಿ ನಿಮ್ಮ ನೆತ್ತಿಯಲ್ಲಿ ಹೊಸ ಕೂದಲು ಬೆಳೆಯುತ್ತಿದೆಯೆಂದು ಖಚಿತಪಡಿಸಿಕೊಳ್ಳಲು ಅಲೋ ವೆರಾ ಜೆಲ್ ಅನ್ನು ಬಳಸಿ. ಹೇರ್ ವಾಶ್ ಮಾಡುವ ಮೊದಲು ತಾಜಾ ಆದ ಅಲೋವೆರಾ ಜೆಲ್‌ನಿಂದ ಮೃದುವಾಗಿ ಮಸಾಜ್ ಮಾಡಿದರೆ ನೆತ್ತಿಯು ಸ್ವಚ್ಚವಾಗುತ್ತದೆ. ಅಲ್ಲದೆ ನಿಮ್ಮ ನೆತ್ತಿಯ ಮೇಲೆ ಹೊಸ ಕೂದಲು ಬೆಳೆಯಲು ಅವಕಾಶ ನೀಡುತ್ತದೆ.