ನೀಳ ಕೇಶರಾಶಿ ಚೆಲುವೆಗೆ, ಒಂದಿಷ್ಟು ನೈಸರ್ಗಿಕ ಟಿಪ್ಸ್

ಬಿಸಿ ಎಣ್ಣೆಯ ಮಸಾಜ್

ಒತ್ತಡದ ಜೀವನದಲ್ಲಿ ಕೂದಲಿನ ಆರೈಕೆಗೆ ಸಮಯವಿರುವುದು ತುಂಬಾ ಕಡಿಮೆ. ಆದರೆ ವಾರಕ್ಕೊಮ್ಮೆ ಬಿಸಿ ನೀರಿನಿಂದ ಕೂದಲಿಗೆ ಮಸಾಜ್ ಮಾಡಿದರೆ ನಿಮ್ಮ ಒತ್ತಡವೂ ಕಡಿಮೆಯಾಗಿ ಕೂದಲು ಆರೋಗ್ಯವಂತವಾಗುವುದು. ತೆಂಗಿನೆಣ್ಣೆ ಅಥವಾ ಲ್ಯಾವೆಂಡರ್ ಎಣ್ಣೆಯನ್ನು ಬಿಸಿ ಮಾಡಿಕೊಂಡು ಕೂದಲಿಗೆ ಮಸಾಜ್ ಮಾಡಿ. ಇದು ಕೂದಲಿನ ಬೆಳವಣಿಗೆಗೆ ಕಾರಣವಾಗುವುದು ಮಾತ್ರವಲ್ಲದೆ ರೇಷ್ಮೆಯಂತಹ ಕೂದಲನ್ನು ನಿಮಗೆ ನೀಡುವುದು.ಕೂದಲಿಗೆ ಬಿಸಿ ಎಣ್ಣೆ ಮಸಾಜ್ ನಿಂದ 7 ಲಾಭ

ಪ್ರತೀ ರಾತ್ರಿ ಕೂದಲು ಬಾಚುವುದು

ಅತಿಯಾಗಿ ಕೂದಲು ಬಾಚುವುದರಿಂದ ಕೂದಲಿಗೆ ಹಾನಿಯಾಗುತ್ತದೆ ಎನ್ನುವ ಮಾತಿದೆ. ಆದರೆ ಕೂದಲು ಬಾಚಲು ನೀವು ಯಾವ ರೀತಿಯ ಬಾಚಣಿಗೆ ಬಳಸುತ್ತಾ ಇದ್ದೀರಿ ಎನ್ನುವುದು ಮುಖ್ಯವಾಗಿರುತ್ತದೆ. ಸಿಂಥೆಟಿಕ್ ಬಾಚಣಿಗೆಯಿಂದ ಕೂದಲಿಗೆ ಹಾನಿಯಾಗಬಹುದು. ಇದರ ಬದಲು ಬೋರ್ ಬ್ರಿಸ್ಟಲ್ ನಂತಹ ಬಾಚಣಿಗೆ ಬಳಸಿದರೆ ತಲೆಯಲ್ಲಿ ರಕ್ತಸಂಚಾರ ಸುಗಮವಾಗಿ ಆಗುವುದು. ರಾತ್ರಿ ಮಲಗುವ ಮೊದಲು ಸುಮಾರು 50 ಬಾರಿ ಕೂದಲನ್ನು ಬಾಚಿಕೊಳ್ಳಿ. ಬಾಚಿಕೊಳ್ಳುವುದರಿಂದ ಕೂದಲಿನ ಬುಡ ಬಲಿಷ್ಠವಾಗಿ ಕೂದಲು ವೇಗವಾಗಿ ಬೆಳೆಯುವುದು.

ಒದ್ದೆ ಕೂದಲನ್ನು ಟವೆಲ್ ನಿಂದ ಸುತ್ತಬೇಡಿ

ಶಾಂಪೂ ಹಾಕಿಕೊಂಡು ಕೂದಲು ತೊಳೆದ ಬಳಿಕ ನೀರು ಹರಿಯಬಾರದೆಂದು ಕೂದಲಿಗೆ ಟವೆಲ್ ಕಟ್ಟಿಕೊಳ್ಳುವುದು ಹೆಚ್ಚಿನ ಮಹಿಳೆಯರ ಅಭ್ಯಾಸವಾಗಿದೆ. ಒದ್ದೆ ಕೂದಲು ಬೇಗನೆ ಉದುರಿ ಬೀಳುತ್ತದೆ. ಟವೆಲ್ ಕಟ್ಟಿಕೊಳ್ಳುವುದರಿಂದ ಕೂದಲು ಉದುರುವಿಕೆ ಹೆಚ್ಚಾಗಬಹುದು.

ಮೊಟ್ಟೆಯ ಮಾಸ್ಕ್

ಮೊಟ್ಟೆಯ ಮಾಸ್ಕ್ ಬಳಸುವುದರಿಂದ ಕೂದಲಿಗೆ ಹೆಚ್ಚಿನ ಪೋಷಕಾಂಶಗಳನ್ನು ನೀಡಬಹುದಾಗಿದೆ. ಪ್ರೋಟೀನ್ ನಿಂದ ಸಮೃದ್ಧವಾಗಿರುವ ಮೊಟ್ಟೆಯು ಕೂದಲಿಗೆ ಪೋಷಕಾಂಶವನ್ನು ಒದಗಿಸುವುದು ಮಾತ್ರವಲ್ಲದೆ ಹೊಸ ಕೂದಲು ಬೆಳೆಯಲು ನೆರವಾಗುವುದು. ಒಂದು ಚಮಚ ಎಣ್ಣೆಗೆ ಒಂದು ಮೊಟ್ಟೆಯ ಬಿಳಿ ಲೋಳೆ ಹಾಕಿ ಮತ್ತು ಇದನ್ನು ಕೂದಲಿಗೆ ಹಚ್ಚಿಕೊಳ್ಳಿ. 20 ನಿಮಿಷ ಕಾಲ ಹಾಗೆ ಬಿಟ್ಟು ಬಳಿಕ ಶಾಂಪೂ ಹಾಕಿ ತೊಳೆಯಿರಿ. ತಿಂಗಳಿಗೆ ಒಂದು ಸಲ ಹೀಗೆ ಮಾಡಿ ಮತ್ತು ಫಲಿತಾಂಶ ನಿಮ್ಮ ಮುಂದಿರುತ್ತದೆ.ಮೊಟ್ಟೆಯಲ್ಲಿ ಅಡಗಿದೆ ಕೂದಲಿನ ಸಕಲ ಸೌಂದರ್ಯದ ರಹಸ್ಯ!