ಉದ್ದ ಕೂದಲಿಗಾಗಿ-ಮನೆಯಲ್ಲಿಯೇ ಇದೆ ಮದ್ದು! ಪ್ರಯತ್ನಿಸಿ ನೋಡಿ

ಕರಿಬೇವಿನ ಎಲೆಗಳು ಮತ್ತು ತೆಂಗಿನ ಎಣ್ಣೆ

ಕರಿಬೇವಿನ ಎಲೆಗಳು ಮತ್ತು ತೆಂಗಿನ ಎಣ್ಣೆಯು ಕೂದಲಿನ ಬೆಳವಣಿಗೆಗೆ ನೆರವಾಗುವುದು ಮತ್ತು ಕೂದಲನ್ನು ಮಾಯಿಶ್ಚರೈಸ್ ಹಾಗೂ ತೇವಾಂಶದಿಂದ ಇಡುವುದು. ತಾಜಾವಿರುವ ಕರಿಬೇವಿನ ಎಲೆಗಳನ್ನು ತೆಗೆದುಕೊಳ್ಳಿ ಮತ್ತು ಅದಕ್ಕೆ ಸ್ವಲ್ಪ ತೆಂಗಿನ ಎಣ್ಣೆ ಹಾಕಿ.

ಕರಿಬೇವಿನ ಎಲೆಗಳು ಮತ್ತು ತೆಂಗಿನ ಎಣ್ಣೆ

ಈಗ ಎರಡನ್ನು ಸರಿಯಾಗಿ ಕುದಿಸಿ ಮತ್ತು ಕರಿಬೇವಿನ ಎಲೆಗಳು ಸಂಪೂರ್ಣ ಕಪ್ಪು ಆಗುವ ತನಕ ಕುದಿಸಿ. ಈ ಮಿಶ್ರಣವನ್ನು ತೆಗೆದುಕೊಂಡು ತಣ್ಣಗಾಗಲು ಬಿಡಿ. ಇದಕ್ಕೆ 1-2 ಚಮಚ ನಿಂಬೆರಸವನ್ನು ಹಾಕಿ ಮತ್ತು ಇದನ್ನು ತಲೆಬುರುಡೆಗೆ ಹಾಕಿಕೊಳ್ಳಿ. ರಾತ್ರಿಯಿಡಿ ಹಾಗೆ ಬಿಟ್ಟು ಬೆಳಿಗ್ಗೆ ಕೂದಲು ತೊಳೆಯಿರಿ.

ಮೊಟ್ಟೆಯ ಲೋಳೆ ಮತ್ತು ಆಲಿವ್ ಎಣ್ಣೆ

ಕೂದಲಿನ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸುವಂತಹ ಕೂದಲಿನ ಮಾಸ್ಕ್ ಎಂದರೆ ಮೊಟ್ಟೆಯ ಲೋಳೆ ಮತ್ತು ಆಲಿವ್ ತೈಲ. ಮೊಟ್ಟೆಯ ಲೋಳೆ ಮತ್ತು ಆಲಿವ್ ಎಣ್ಣೆಯ ಕೂದಲಿನ ಮಾಸ್ಕ್ ಕೂದಲನ್ನು ಆರೋಗ್ಯಕರವಾಗಿ ಬೆಳೆಯುವಂತೆ ಮಾಡುವುದು. ದಪ್ಪ, ತೆಳು ಹಾಗೂ ಗುಂಗುರು ಕೂದಲಿಗೆ ಇದು ತುಂಬಾ ಪರಿಣಾಮಕಾರಿಯಾದ ಮಾಸ್ಕ್ ಆಗಿದೆ. ಆಲಿವ್ ಎಣ್ಣೆ ಮತ್ತು ಮೊಟ್ಟೆಯ ಲೋಳೆಯಲ್ಲಿ ವಿಟಮಿನ್ ಎ, ಡಿ, ಇ ಮತ್ತು ಪ್ರೋಟೀನ್ ಹೆಚ್ಚಿನ ಮಟ್ಟದಲ್ಲಿದೆ. ಇದು ಕೂದಲಿನ ಬೆಳಣಿಗೆಗೆ ನೆರವಾಗುವುದು. ಅರ್ಧ ಕಪ್ ಆಲಿವ್ ತೈಲ ಮತ್ತು ಒಂದು ಮೊಟ್ಟೆಯ ಲೋಳೆಯನ್ನು ಮಿಶ್ರಣ ಮಾಡಿಕೊಳ್ಳಿ. ಇದನ್ನು ಸರಿಯಾಗಿ ತಲೆಬುರುಡೆಗೆ ಹಚ್ಚಿಕೊಂಡು 20 ನಿಮಿಷ ಬಿಟ್ಟು ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ಮೆಹಂದಿ ಮತ್ತು ಮೊಟ್ಟೆಯ ಹೇರ್ ಮಾಸ್ಕ್

ಕೂದಲಿನ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುವಂತಹ ಹೇರ್ ಮಾಸ್ಕ್ ಎಂದರೆ ಮೊಟ್ಟೆಯ ಲೋಳೆ ಮತ್ತು ಮೆಹಂದಿ. ಮೊಟ್ಟೆಯಲ್ಲಿ ಹೆಚ್ಚಿನ ಪೋಷಕಾಂಶವಿದೆ. ಇದು ತಲೆಬುರುಡೆಗೆ ಪೋಷಣೆಯನ್ನು ನೀಡಿ ಕೂದಲು ಉದ್ದಗೆ ಬೆಳೆಯಲು ನೆರವಾಗುವುದು. ಒಂದು ಕಪ್ ಮೆಹಂದಿ ಹುಡಿ ಮತ್ತು ಒಂದು ಮೊಟ್ಟೆಯ ಲೋಳೆ ತೆಗೆದುಕೊಳ್ಳಿ. ಇದಕ್ಕೆ ಎರಡು ಚಮಚ ಲಿಂಬೆಯ ಸಾರಭೂತ ತೈಲ, ಒಂದು ಚಮಚ ಜೇನುತುಪ್ಪ ಹಾಕಿಕೊಂಡು ಸರಿಯಾಗಿ ಕಲಸಿಕೊಳ್ಳಿ. ಈ ಮಾಸ್ಕ್ ಅನ್ನು ಕೂದಲಿಗೆ ಹಾಕಿಕೊಂಡು, ಹದಿನೈದು ನಿಮಿಷ ಬಿಟ್ಟು ಉಗುರುಬೆಚ್ಚಗಿನ ನೀರಿನಿಂದ ಕೂದಲನ್ನು ತೊಳೆಯಿರಿ.

ಬಿಯರ್ ಮಾಸ್ಕ್

ಕೂದಲಿಗೆ ಬಿಯರ್ ಮಾಸ್ಕ್ ನ್ನು ಬಳಸಿಕೊಂಡರೆ ಇದು ಕೂದಲಿನ ಬೆಳವಣಿಗೆಗೆ ತುಂಬಾ ಪರಿಣಾಮಕಾರಿಯಾಗಿ ಕೆಲಸ ಮಾಡಲಿದೆ. ಬಿಯರ್ ನಿಂದ ಕೂದಲು ತೊಳೆಯುವುದರಿಂದ ಕೂದಲಿನ ಬೆಳವಣಿಗೆ ಮಾತ್ರವಲ್ಲದೆ ನಯವಾದ ಕೂದಲು ನಿಮ್ಮದಾಗುತ್ತದೆ. ಒಂದು ಕಪ್ ಬಿಯರ್ ಮತ್ತು ಅದಕ್ಕೆ ½ ಕಪ್ ನಷ್ಟು ಆ್ಯಪಲ್ ಸೀಡರ್ ವಿನೇಗರ್, ಒಂದು ಚಮಚ ಲಿಂಬೆರಸ, ಒಂದು ಚಮಚ ರೋಸ್ ವಾಟರ್ ಮತ್ತು ಒಂದು ಚಮಚ ಗ್ಲಿಸರಿನ್ ಹಾಕಿಕೊಳ್ಳಿ. ಎಲ್ಲವನ್ನೂ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ ಮತ್ತು ಕೂದಲಿಗೆ ಹಚ್ಚಿಕೊಳ್ಳಿ. ಸ್ವಲ್ಪ ಸಮಯ ಕೂದಲಿನಲ್ಲಿ ಇದನ್ನು ಹಾಗೆ ಬಿಟ್ಟ ಬಳಿಕ ನೀರಿನಿಂದ ತೊಳೆಯಿರಿ. ಆರೋಗ್ಯಕರ ಹಾಗೂ ನಯವಾದ ಕೂದಲನ್ನು ಪಡೆಯಲು ವಾರದಲ್ಲಿ ಎರಡು ಸಲ ಬಿಯರ್ ನಿಂದ ಕೂದಲನ್ನು ತೊಳೆಯಿರಿ.

ಬಾಳೆಹಣ್ಣಿನ ಹೇರ್ ಮಾಸ್ಕ್

ಬಾಳೆಹಣ್ಣಿನಲ್ಲಿ ಪ್ರೋಟೀನ್, ವಿಟಮಿನ್, ನಾರಿನಾಂಶ ಮತ್ತು ಪೊಟಾಶಿಯಂ ಲಭ್ಯವಿದೆ. ಇದು ಕೂದಲನ್ನು ನಯ ಹಾಗೂ ರೇಷ್ಮೆಯಂತಾಗಿಸುತ್ತದೆ. ಇದು ದಪ್ಪ ಹಾಗೂ ನಯವಾದ ಕೂದಲು ನಿಮ್ಮದಾಗುವುದು. ಒಂದು ಬಾಳೆಹಣ್ಣು ತೆಗೆದುಕೊಂಡು ಅದನ್ನು ಹಿಚುಕಿಕೊಳ್ಳಿ.

ಬಾಳೆಹಣ್ಣಿನ ಹೇರ್ ಮಾಸ್ಕ್

ಇದಕ್ಕೆ ಒಂದು ಚಮಚ ಜೇನುತುಪ್ಪ, ಐದು ಚಮಚ ಮೊಸರು, ಒಂದು ಚಮಚ ಓಟ್ಸ್ ಮತ್ತು ಒಂದು ಚಮಚ ದಾಲ್ಚಿನಿ ಹುಡಿಯನ್ನು ಹಾಕಿಕೊಳ್ಳಿ. ಎಲ್ಲವನ್ನೂ ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ ಮತ್ತು ಸಂಪೂರ್ಣ ತಲೆಬುರುಡೆಗೆ ಆಗುವಷ್ಟು ಮಾಸ್ಕ್ ಬಳಸಿಕೊಳ್ಳಿ. ಸ್ವಲ್ಪ ಸಮಯ ಬಿಟ್ಟು ತಣ್ಣೀರಿನಿಂದ ತೊಳೆಯಿರಿ.