ಕೂದಲಿಗೆ ಇಂತಹ ಎಣ್ಣೆಗಳನ್ನು ಬಳಸಿದರೆ- ಕೂದಲುದುರುವ ಸಮಸ್ಯೆ ಬರಲ್ಲ!

ಅರ್ಗಾನ್ ತೈಲ

ಅರ್ಗಾನ್ ತೈಲವನ್ನು ಮೊರಕ್ಕಾನ್ ತೈಲವೆಂದು ಕರೆಯಲಾಗುತ್ತದೆ ಮತ್ತು ಇದು ನೈಸರ್ಗಿಕ ತೈಲಗಳ ಸಾಲಿನಲ್ಲಿ ತುಂಬಾ ಜನಪ್ರಿಯವಾಗಿದೆ ಮತ್ತು ಇದು ಹಲವಾರು ರೀತಿಯಿಂದ ಕೂದಲಿಗೆ ಲಾಭವನ್ನು ಉಂಟು ಮಾಡುತ್ತದೆ. ಕೂದಲಿನ ಆರೈಕೆಯಲ್ಲಿ ಅರ್ಗಾನ್ ತೈಲವನ್ನು ಪ್ರತಿನಿತ್ಯ ಬಳಸಬೇಕು. ಅರ್ಗಾನ್ ತೈಲವನ್ನು ಬಳಸಿಕೊಂಡು ಮಾಡಿರುವಂತಹ ಕೂದಲಿನ ಆರೈಕೆಯ ಉತ್ಪನ್ನಗಳನ್ನು ಬಳಸಿ. ವಿಟಮಿನ್ ಬಿ, ವಿಟಮಿನ್ ಇ ಮತ್ತು ಸಾರಭೂತ ಕೊಬ್ಬಿನಾಮ್ಲವನ್ನು ಹೊಂದಿರುವಂತಹ ಅರ್ಗಾನ್ ತೈಲವು ತಲೆಬುರುಡೆಯನ್ನು ಆರೋಗ್ಯವಾಗಿರಿಸಿ ಕೂದಲಿಗೆ ಕಾಂತಿ ಮತ್ತು ಹಾನಿಗೊಳಗಾದ ಕೂದಲನ್ನು ಸರಿಪಡಿಸುವುದು.

ತೆಂಗಿನ ಎಣ್ಣೆ

ಇತರ ತೈಲಗಳಿಗೆ ಹೋಲಿಸಿದರೆ ತೆಂಗಿನ ಎಣ್ಣೆಯು ತುಂಬಾ ಪರಿಣಾಮಕಾರಿಯಾಗಿದೆ. ತೆಂಗಿನ ಎಣ್ಣೆಯು ವಿಟಮಿನ್ ಕೆ ಮತ್ತು ಇತರ ಸಾರಭೂತ ಕೊಬ್ಬಿನಾಮ್ಲವನ್ನು ಹೊಂದಿದೆ. ಇದು ತಲೆಬುರುಡೆಗೆ ಬೇಕಾಗಿರುವ ಸರಿಯಾದ ಪ್ರಮಾಣದ ಪೋಷಕಾಂಶಗಳನ್ನು ಒದಗಿಸುತ್ತದೆ. ಉಗುರುಬೆಚ್ಚಗಿನ ತೆಂಗಿನ ಎಣ್ಣೆಯಿಂದ ನಿಯಮಿತವಾಗಿ ತಲೆಬುರುಡೆಗೆ ಮಸಾಜ್ ಮಾಡಿಕೊಳ್ಳಿ. ಇದು ತಲೆಬುರುಡೆಯನ್ನು ಆರೋಗ್ಯ ಹಾಗು ತೇವಾಂಶದಿಂದ ಇಡುವುದು.

ರೋಸ್ಮರಿ ಸಾರಭೂತ ತೈಲ

ರೋಸ್ಮರಿ ಸಾರಭೂತ ತೈಲವು ತಲೆಬುರುಡೆಯಲ್ಲಿರುವಂತಹ ವಿಷಕಾರಿ ಅಂಶಗಳನ್ನು ಹೊರಹಾಕುವಲ್ಲಿ ತುಂಬಾ ನೆರವಿಗೆ ಬರಲಿದೆ. ಇದರಲ್ಲಿ ಇರುವಂತಹ ಹೆಚ್ಚಿನ ಮಟ್ಟದ ಕಬ್ಬಿನಾಂಶ, ವಿಟಮಿನ್ ಬಿ ಮತ್ತು ಕ್ಯಾಲ್ಸಿಯಂ ತಲೆಬುರುಡೆಯನ್ನು ಸ್ವಚ್ಛಗೊಳಿಸಿ ಕೂದಲನ್ನು ನೈಸರ್ಗಿಕವಾಗಿ ದಪ್ಪಗಾಗಿಸಲು ನೆರವಾಗುವುದು. ರೋಸ್ಮೆರಿ ತೈಲದಿಂದ ತಲೆಬುರುಡೆಗೆ ಮಸಾಜ್ ಮಾಡಿದರೆ ಇದು ಕೂದಲು ಅಕಾಲಿಕವಾಗಿ ಬಿಳಿಯಾಗಿವುದನ್ನು ತಡೆಯುವುದು. ಕೂದಲಿಗೆ ರೋಸ್ಮೆರಿ ತೈಲವನ್ನು ಬಳಸುವ ಮೊದಲು ಬೇರೆ ಯಾವುದಾದರೂ ತೈಲವನ್ನು ಹಾಕಿಕೊಳ್ಳಿ.

ಅವಕಾಡೊ ತೈಲ

ಅವಕಾಡೊದಲ್ಲಿ ಉನ್ನತ ಮಟ್ಟದ ಪ್ರೋಟೀನ್, ಕೊಬ್ಬಿನಾಮ್ಲ, ವಿಟಮಿನ್ ಎ, ಇ ಮತ್ತು ಡಿ ಇದೆ. ಅವಕಾಡೊ ತೈಲದಲ್ಲಿ ಇರುವಂತಹ ಪ್ರೋಟೀನ್ ಕೂದಲನ್ನು ದಪ್ಪ ಹಾಗೂ ಬಲಿಷ್ಠವಾಗಿಸುವುದು. ಇದು ಕೂದಲು ಒಣಗಿ ತುಂಡಾಗುವುದನ್ನು ತಡೆಯುತ್ತದೆ. ಅವಕಾಡೊ ತೈಲವು ತುಂಬಾ ದಪ್ಪವಾಗಿರುತ್ತದೆ. ಇದು ಮಧ್ಯಮ ಮತ್ತು ದಪ್ಪಗಿನ ಕೂದಲಿನವರು ಬಳಸಿಕೊಳ್ಳಬಹುದು.

ಆಲಿವ್ ತೈಲ

ಆಲಿವ್ ತೈಲವನ್ನು ಎಲ್ಲಾ ತೈಲಗಳ ತಾಯಿಯೆಂದು ಪರಿಗಣಿಸಲಾಗಿದೆ. ಇದರಲ್ಲಿ ಹಲವಾರು ರೀತಿಯ ಚರ್ಮ ಮತ್ತು ಕೂದಲಿನ ಲಾಭಗಳು ಇವೆ. ಆಲಿವ್ ತೈಲವನ್ನು ತಲೆಬುರುಡೆಗೆ ಹಚ್ಚಿಕೊಳ್ಳುವುದರಿಂದ ಇದು ಒಣ ಹಾಗೂ ಹಾನಿಗೊಳಗಾದ ಕೂದಲನ್ನು ಸರಿಪಡಿಸುವುದು. ಆಲಿವ್ ತೈಲದಲ್ಲಿ ಇರುವಂತಹ ಮೊಶ್ಚಿರೈಸರ್ ಕೂದಲಿನ ಬೆಳವಣಿಗೆಗೆ ನೆರವಾಗುವುದು ಮತ್ತು ತಲೆಬುರುಡೆಯನ್ನು ತೇವಾಂಶದಿಂದ ಇಡುವುದು. ಆಲಿವ್ ತೈಲದೊಂದಿಗೆ ಬೇರೆ ಯಾವುದಾದರೂ ತೈಲವನ್ನು ಮಿಶ್ರಣ ಮಾಡಿಕೊಂಡು ಬಳಸಿದರೆ ಅದು ನಿಮಗೆ ತುಂಬಾ ಒಳ್ಳೆಯದು. ಯಾಕೆಂದರೆ ಇದರಿಂದ ಕೂದಲಿಗೆ ಆಲಿವ್ ತೈಲ ಅಂಟಿಕೊಂಡಿರುವುದು ತಪ್ಪುತ್ತದೆ.