ಕೂದಲಿನ ಸಮಸ್ಯೆಗೆ ಶೀಘ್ರ ಪರಿಹಾರ: ಕಡಿಮೆ ಖರ್ಚು-ಅಧಿಕ ಲಾಭ!

ಕಲುಷಿತ ವಾತಾವರಣ ಹಾಗೂ ಅನಾರೋಗ್ಯಕರ ಆಹಾರ ಶೈಲಿಯಿಂದಾಗಿ ಇಂದಿನ ದಿನಗಳಲ್ಲಿ ಮಹಿಳೆಯರಲ್ಲಿ ಕೂದಲು ಉದುರುವ ಸಮಸ್ಯೆ ದಿನೇ ದಿನೇ ಹೆಚ್ಚುತ್ತಲೇ ಇದೆ. ಕೂದಲು ಉದುರುವುದರೊಂದಿಗೆ ಕೂದಲು ತುಂಡಾಗುವುದು ಮತ್ತು ತಲೆಹೊಟ್ಟು ಮುಂತಾದ ಸಮಸ್ಯೆಗಳು ಕೂಡ ಕಾಣಿಸಿಕೊಳ್ಳುವುದು. ಇದನ್ನು ನಿವಾರಣೆ ಮಾಡಲು ಹಲವಾರು ರೀತಿಯ ಪ್ರಯೋಗಗಳನ್ನು ಮಹಿಳೆಯರು ಖಂಡಿತವಾಗಿಯೂ ಮಾಡುತ್ತಾರೆ.

ಕೆಲವರಿಗೆ ಸಮಯದ ಅಭಾವದಿಂದ ಕೂದಲಿನ ಆರೈಕೆ ಮಾಡುವುದು ಕಷ್ಟವಾಗುತ್ತದೆ. ಆದರೆ ಇದನ್ನು ನಿವಾರಣೆ ಮಾಡಲು ಹಲವಾರು ರೀತಿಯ ಮನೆಮದ್ದುಗಳು ಲಭ್ಯವಿದೆ. ಕೂದಲು ಉದುರುವಿಕೆ ತಡೆಯಬೇಕಾದರೆ ಕೆಲವೊಂದು ಹೇರ್ ಮಾಸ್ಕ್ ಗಳನ್ನು ಬಳಸಬೇಕು. ಇದನ್ನು ತಯಾರಿಸಲು ಸ್ವಲ್ಪ ಸಮಯ ಬೇಕಾದರೂ ಯಾವುದೇ ಅಡ್ಡಪರಿಣಾಮಗಳು ಇಲ್ಲದೆ ನಿಮ್ಮ ಸಮಸ್ಯೆಯನ್ನು ನಿವಾರಣೆ ಮಾಡಲಿದೆ.

1. ಕೂದಲಿಗೆ ಮೊಟ್ಟೆಯ ಮಾಸ್ಕ್

ಬೇಕಾಗುವ ಸಾಮಗ್ರಿಗಳು
*1 ಮೊಟ್ಟೆ
*ಒಂದು ಕಪ್ ಹಾಲು
*ಎರಡು ಚಮಚ ಲಿಂಬೆರಸ
*2 ಚಮಚ ಆಲಿವ್ ತೈಲ

*ಎಲ್ಲಾ ಸಾಮಗ್ರಿಗಳನ್ನು ಜತೆಯಾಗಿ ಸೇರಿಸಿ ಕಲಸಿಕೊಳ್ಳಿ.
*ಈ ಮಿಶ್ರಣವನ್ನು ಕೂದಲು ಮತ್ತು ತಲೆಬುರುಡೆಗೆ ಹಾಕಿಕೊಳ್ಳಿ.
*ಇನ್ನು ತಲೆಗೆ ಶಾವರ್ ಕ್ಯಾಪ್ ಬಳಸಿ ಮತ್ತು 20 ನಿಮಿಷ ಕಾಲ ಹಾಗೆ ಬಿಡಿ.
*ತಣ್ಣಗಿನ ನೀರಿನಿಂದ ಕೂದಲು ತೊಳೆಯಿರಿ.

ಕೇವಲ ಮೊಟ್ಟೆ ಬಳಸಿ ಈ ಮಾಸ್ಕ್ ಅನ್ನು ತಯಾರಿಸುವ ವಿಧಾನ

*ಕೆಲವು ಮೊಟ್ಟೆಯನ್ನು ಒಡೆದು ಅದರ ಬಿಳಿ ಹಾಗೂ ಹಳದಿ ಭಾಗವು ಸರಿಯಾಗಿ ಮಿಶ್ರಣವಾಗುವ ತನಕ ಕಲಸಿಕೊಳ್ಳಿ.
*ಇದನ್ನು ಕೂದಲು ಮತ್ತು ತಲೆಬುರುಡೆಗೆ ಹಚ್ಚಿಕೊಳ್ಳಿ.
*15-20 ನಿಮಿಷ ಕಾಲ ಹಾಗೆ ಇರಲಿ.
*ಉಗುರುಬೆಚ್ಚಗಿನ ನೀರಿನಿಂದ ಕೂದಲು ತೊಳೆಯಿರಿ.

2. ಕೂದಲಿಗೆ ಮೊಸರಿನ ಹೇರ್ ಮಾಸ್ಕ್

ಬೇಕಾಗುವ ಸಾಮಗ್ರಿಗಳು
*1 ಕಪ್ ಮೊಸರು
*1 ಚಮಚ ಆ್ಯಪಲ್ ಸೀಡರ್ ವಿನೇಗರ್
*1 ಚಮಚ ಜೇನುತುಪ್ಪ

ವಿಧಾನ
*ಎಲ್ಲಾ ಸಾಮಗ್ರಿಗಳನ್ನು ಒಂದು ಪಾತ್ರೆಗೆ ಹಾಕಿಕೊಂಡು ಮಿಶ್ರಣ ಮಾಡಿ.
*ಈ ಮಿಶ್ರಣವನ್ನು ಕೂದಲಿನ ಬುಡದಿಂದ ತುದಿಯ ತನಕ ಹಚ್ಚಿಕೊಳ್ಳಿ.
*15 ನಿಮಿಷ ಕಾಲ ಹಾಗೆ ಬಿಟ್ಟು ತಂಪಾದ ನೀರಿನಿಂದ ತೊಳೆಯಿರಿ.

3. ಕೂದಲಿಗೆ ಕರಿಬೇವು ಮತ್ತು ತೆಂಗಿನ ಎಣ್ಣೆಯ ಮಾಸ್ಕ್

ಬೇಕಾಗುವ ಸಾಮಗ್ರಿಗಳು
*10-12 ತಾಜಾ ಕರಿಬೇವಿನ ಎಲೆಗಳು
*2 ಚಮಚ ತೆಂಗಿನ ಎಣ್ಣೆ

ವಿಧಾನ
*ಕರಿಬೇವು ಒಡೆದುಹೋಗುವ ತನಕ ತೆಂಗಿನ ಎಣ್ಣೆಯಲ್ಲಿ ಬಿಸಿ ಮಾಡಿ.
*ಎಣ್ಣೆಯು ಕೋಣೆಯ ತಾಪಮಾನಕ್ಕೆ ಹೊಂದಿಕೊಳ್ಳಲಿ. ಕೂದಲು ಮತ್ತು ತಲೆಬುರುಡೆಗೆ ಇದನ್ನು ಹಚ್ಚಿಕೊಳ್ಳಿ.
*20 ನಿಮಿಷ ಕಾಲ ಹಾಗೆ ಬಿಟ್ಟು ಕೂದಲಿಗೆ ಶಾಂಪೂ ಹಾಕಿ ತೊಳೆಯಿರಿ.

4. ಕೂದಲಿಗೆ ಗ್ರೀನ್ ಟೀ ಹೇರ್ ಮಾಸ್ಕ್

ಬೇಕಾಗುವ ಸಾಮಗ್ರಿಗಳು
1 ಮೊಟ್ಟೆಯ ಲೋಳೆ
2 ಚಮಚ ಗ್ರೀನ್ ಟೀ

ವಿಧಾನ
*ಎಲ್ಲಾ ಸಾಮಗ್ರಿಗಳನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡು ಕ್ರೀಮ್ ರೂಪಕ್ಕೆ ಬರಲಿ.
*ಒಂದು ಬ್ರಷ್ ಬಳಸಿಕೊಂಡು ಕೂದಲು ಮತ್ತು ತಲೆಬುರುಡೆಗೆ ಹಚ್ಚಿಕೊಳ್ಳಿ.
*15-20 ನಿಮಿಷ ಕಾಲ ಹಾಗೆ ಇರಲಿ.
*ಶಾಂಪೂ ಹಾಕುವ ಮೊದಲು ತಣ್ಣೀರಿನಿಂದ ತೊಳೆಯಿರಿ.