Just In
- 22 min ago ಮಕ್ಕಳಲ್ಲಿ ಮಲೇರಿಯಾ: ಹೇಗೆ ಬರುತ್ತದೆ, ಇದರ ಲಕ್ಷಣಗಳೇನು? ತಡೆಗಟ್ಟುವುದು ಹೇಗೆ?
- 1 hr ago ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- 2 hrs ago ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- 4 hrs ago ತಾವರೆಯ ಬೀಜವನ್ನು ಹಾಲಿನ ಜೊತೆ ಸೇವಿಸಿದರೆ ಇಷ್ಟೆಲ್ಲಾ ಪ್ರಯೋಜನಗಳಿವೆ ಗೊತ್ತಾ?
Don't Miss
- Automobiles ಬೈಕಿನಂತೆ ಮೈಲೇಜ್, ಹಿಂದೆಗಿಂತಲೂ ಬಲಿಷ್ಠವಾಗಿ ಸ್ವಿಫ್ಟ್ ಅಖಾಡಕ್ಕೆ: ಖರೀದಿಸಲು ಕ್ಯೂ ನಿಲ್ಲಲು ರೆಡಿಯಾಗಿರಿ!
- News Bengaluru Rain: ಮುದ್ದಿನ ನಾಯಿಮರಿಗೆ ಮೊದಲ ಮಳೆ ತೋರಿಸಿ ಖುಷಿ ಪಟ್ಟ ವ್ಯಕ್ತಿ; ವಿಡಿಯೋ ವೈರಲ್
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Movies Lok Sabha Election 2024: ಕನ್ನಡ ತಾರೆಯರು ನಾಳೆಏಪ್ರಿಲ್ 26 ಎಲ್ಲೆಲ್ಲಿ ತಮ್ಮ ಹಕ್ಕು ಚಲಾಯಿಸುತ್ತಾರೆ?
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾತ್ರಿ ಬೆಳಗಾಗುವುದರ ಒಳಗೆ ಕೂದಲುದುರುವ ಸಮಸ್ಯೆಗೆ ಪರಿಹಾರ!
ತಲೆಗೂದಲು ಉದುರುವ ದುಗುಡವನ್ನು ನಾವೆಲ್ಲರೂ ಅನುಭವಿಸಿಯೇ ಇದ್ದೇವೆ. ಕೆಲವರಲ್ಲಿ ಇದು ತೀರಾ ಹೆಚ್ಚಾದರೆ ಕೆಲವರಲ್ಲಿ ಕಡಿಮೆ, ಕೆಲವರಲ್ಲಿ ಮಧ್ಯಮ ಪ್ರಮಾಣದಲ್ಲಿರುತ್ತದೆ. ಆದರೆ ಕೂದಲು ಉದುರುವುದಕ್ಕೂ ವ್ಯಕ್ತಿ ಅನುಭವಿಸುವ ಅಸಮಾಧಾನಕ್ಕೂ ವ್ಯತ್ಯಾಸವಿದೆ. ಕೆಲವರಲ್ಲಿ ಇದು ಅವರ ಆತ್ಮವಿಶ್ವಾಸವನ್ನೇ ಅಲ್ಲಾಡಿಸಬಹುದು, ಕೆಲವರು ಏನೂ ಆಗದಂತೆ ನಿರುಮ್ಮಳರಾಗಿರಬಹುದು.
ಕೂದಲು ಉದುರುವುದಕ್ಕೆ ಹಲವಾರು ಕಾರಣಗಳಿವೆ. ಇದರಲ್ಲಿ ಪ್ರಮುಖವಾದುದು ಅನುವಂಶಿಕವಾಗಿ ಬರುವಂತಹದ್ದು. ಇನ್ನುಳಿದಂತೆ ಹಾರ್ಮೋನುಗಳ ಏರುಪೇರು, ಅಸಮರ್ಪಕ ಆಹಾರ ಸೇವನೆ, ಇಲ್ಲದ ಆರೈಕೆ, ಪರ್ಯಾವರಣದಲ್ಲಿರುವ ಕಣಗಳು ಮೊದಲಾದವು ಕೂದಲು ಉದುರಿಸಲಿಕ್ಕೆ ಕಾರಣವಾಗಿವೆ.
ಒಂದು ವೇಳೆ ಈ ಕಾರಣ ಆಹಾರದ ಮತ್ತು ಆರೈಕೆಯ ಕೊರತೆಯಿಂದ ಆಗಿದ್ದರೆ ಇದನ್ನು ಸುಲಭವಾಗಿ ಸರಿಪಡಿಸಬಹುದು. ಆರೋಗ್ಯದ ಕಾರಣ ಅಥವಾ ಕೆಲವು ಔಷಧಿಗಳ ಅಡ್ಡಪರಿಣಾಮವಿದ್ದರೂ ಥಟ್ಟನೇ ಅಲ್ಲದಿದ್ದರೂ ಕೊಂಚ ಸಾವಕಾಶವಾಗಿ ಇದನ್ನೂ ಸರಿಪಡಿಸಬಹುದು. ಆದರೆ ಅನುವಂಶಿಕ ಕಾರಣಗಳಿಂದ ಉದುರಿರುವ ಕೂದಲು ಮತ್ತೆ ಹುಟ್ಟಲಾರದು. ಸಾಮಾನ್ಯವಾಗಿ ಉದುರುವ ಕೂದಲಿಗೆ ಎರಡು ನೈಸರ್ಗಿಕ ವಸ್ತುಗಳೇ ಸಾಕು. ಕೂದಲು ಉದುರುವ ಕಿರಿಕಿರಿ - ಮನೆಮದ್ದೇ ಸರಿ
ಅವೆಂದರೆ ಈರುಳ್ಳಿ ಮತ್ತು ಜೇನು. ಇದರ ಮಿಶ್ರಣದಿಂದ ತಯಾರಿಸಲಾದ ಲೇಪನವನ್ನು ರಾತ್ರಿ ಹಚ್ಚಿಕೊಂಡು ಬೆಳಿಗ್ಗೆ ಸ್ನಾನ ಮಾಡುತ್ತಾ ಬಂದರೆ ಉತ್ತಮವಾದ ಪರಿಣಾಮವನ್ನು ಪಡೆಯಬಹುದು. ಸುಲಭವಾಗಿ ಲಭ್ಯವಿರುವ ಮತ್ತು ಅಗ್ಗವೂ ಆಗಿರುವ ಈ ಲೇಪನವನ್ನು ಪ್ರಸ್ತುತಪಡಿಸಲು ಬೋಲ್ಡ್ ಸ್ಕೈ ತಂಡ ಹರ್ಷಪಡುತ್ತಿದೆ.
ಈರುಳ್ಳಿ ಕೇವಲ ಅಡುಗೆಗೆ ಮಾತ್ರವಲ್ಲ, ಇದರಲ್ಲಿರುವ ಗಂಧಕಯುಕ್ತ ಕಣಗಳು ಕಣ್ಣೀರಿಗೆ ಹೇಗೆ ಕಾರಣವಾಗುತ್ತವೆಯೋ ಹಾಗೇ ಕೂದಲ ಬುಡಕ್ಕೆ ಪ್ರಚೋದನೆ ನೀಡಿ ರಕ್ತಸಂಚಾರ ಹೆಚ್ಚಿಸಲೂ ಕಾರಣವಾಗುತ್ತವೆ. ಈ ಪ್ರಚೋದನೆ ಕೂದಲ ಬುಡ ದೃಢಗೊಳ್ಳಲು ಮತ್ತು ಹೊಸ ಕೂದಲು ಹುಟ್ಟಲು ನೆರವಾಗುತ್ತದೆ. ವಿಶೇಷವಾಗಿ ಈರುಳ್ಳಿ ರಸದಲ್ಲಿರುವ ಪೋಷಕಾಂಶಗಳು ಕೂದಲಿಗೆ ದೃಢತೆ ನೀಡುವ ಕೆರಾಟಿನ್ ಎಂಬ ವಸ್ತುವಿನ ಉತ್ಪಾದನೆಗೆ ನೆರವಾಗುತ್ತದೆ.
ಈ ರಸವನ್ನು ಜೇನಿನೊಂದಿಗೆ ಸೇರಿಸಿದರೆ ಕೂದಲು ಉದುರುವುದನ್ನು ನಿಲ್ಲಿಸುವ ಅತ್ಯಂತ ಸೂಕ್ತ ಲೇಪನ ತಯಾರಾಗುತ್ತದೆ. ಜೇನು ಕೂದಲಿಗೆ ಹೊಳಪು, ದೃಢತೆ ನೀಡುವ ಜೊತೆಗೇ ನೀಳವಾಗಿ ಬೆಳೆಯಲೂ ಸಹಾಯ ಮಾಡುತ್ತದೆ. ಆದರೆ ಹೆಚ್ಚಿನವರಿಗೆ ಈರುಳ್ಳಿಯ ವಾಸನೆ ಹಿಡಿಸುವುದಿಲ್ಲ.
ಈ ವಾಸನೆಯನ್ನು ಕಡಿಮೆಗೊಳಿಸಿ ಕೊಂಚ ಸುವಾಸನೆ ಯುಕ್ತವಾಗಿಸಲು ಕೆಲವು ಹನಿ ಲ್ಯಾವೆಂಡರ್ ತೈಲವನ್ನು ಸೇರಿಸಬಹುದು. ಈ ಸುಗಂಧಮಯ ಲೇಪನವನ್ನು ಹಚ್ಚುವ ಮೂಲಕ ಕೂದಲು ಉದುರುವುದನ್ನು ತಡೆಯುವುದು ಮಾತ್ರವಲ್ಲ, ಇನ್ನಷ್ಟು ಉತ್ತಮಗೊಳಿಸಲೂ ಸಾಧ್ಯವಾಗುತ್ತದೆ. ಕೂದಲುದುರುವ ಸಮಸ್ಯೆಗೆ, ಒಂದೇ ನಿಮಿಷದಲ್ಲಿ ಚಿಕಿತ್ಸೆ!
ಅಗತ್ಯವಿರುವ
ಸಾಮಾಗ್ರಿಗಳು
*ಒಂದು
ಈರುಳ್ಳಿಯಿಂದ
ಈಗ
ತಾನೇ
ಹಿಂಡಿ
ತೆಗೆದ
ರಸ
*ಎರಡು
ಚಿಕ್ಕ
ಚಮಚ
ಜೇನು
*ಮೂರು
ಅಥವಾ
ನಾಲ್ಕು
ತೊಟ್ಟು
ಲ್ಯಾವೆಂಡರ್
ಎಣ್ಣೆ
ಉಪಯೋಗಿಸುವ
ವಿಧಾನ
*ಮೊದಲಿಗೆ
ಈರುಳ್ಳಿಯ
ಸಿಪ್ಪೆ
ಸುಲಿದು
ಚಿಕ್ಕದಾಗಿ
ಹೆಚ್ಚಿಕೊಳ್ಳಿ.
ಬಳಿಕ
ಇದನ್ನು
ಜ್ಯೂಸರಿನ
ಚಿಕ್ಕ
ಜಾರ್ನಲ್ಲಿ
ನುಣ್ಣಗೆ
ಅರೆಯಿರಿ.
ಅರೆದ
ಬಳಿಕ
ತೆಳುವಾದ
ಬಟ್ಟೆಯಲ್ಲಿ
ಹಿಂಡಿ
ಇದರ
ರಸವನ್ನು
ಪ್ರತ್ಯೇಕಿಸಿ.
*ಬಳಿಕ
ಜೇನು
ಮತ್ತು
ಲ್ಯಾವೆಂಡರ್
ತೈಲವನ್ನು
ಸೇರಿಸಿ
ಮಿಶ್ರಣ
ಮಾಡಿ.
ಈ ಲೇಪನವನ್ನು ರಾತ್ರಿ ಮಲಗುವ ಮುನ್ನ ಈಗತಾನೇ ತಣ್ಣೀನಿಂದ ತೊಳೆದು ಒಣಗಿಸಿರುವ ತಲೆಗೂದಲಿಗೆ ಹಚ್ಚಿ. ವಿಶೇಷವಾಗಿ ತಲೆಗೂದಲ ಬುಡಕ್ಕೆ ಕೊಂಚ ಮಸಾಜ್ ಮೂಲಕ ಹಚ್ಚಿ. ಲೇಪನ ಉಳಿದರೆ ಮಾತ್ರ ತಲೆಗೂದಲ ತುದಿಯವರೆಗೂ ಹಚ್ಚಬಹುದು, ಆದರೆ ಬುಡಕ್ಕೆ ಎಲ್ಲಿಯೂ ಕಡಿಮೆ ಮಾಡಬಾರದು. ಶವರ್ ಕ್ಯಾಪ್ ಒಂದನ್ನು ತಲೆಯನ್ನು ಆವರಿಸುವಂತೆ ಮಾಡಿ ನಿದ್ರಿಸಿ.
ಬೆಳಿಗ್ಗೆ ಎದ್ದ ಬಳಿಕ ತಣ್ಣೀರು ಅಥವಾ ಉಗುರುಬೆಚ್ಚನೆಯ ನೀರಿನಿಂದ ಸ್ನಾನ ಮಾಡಿ. ಸೌಮ್ಯ ಶಾಂಪೂ ಮತ್ತು ಕಂಡೀಶನರ್ ಮಾತ್ರ ಬಳಸಿ. ಒಂದು ವೇಳೆ ರಾತ್ರಿಯಿಡೀ ಈ ಲೇಪನವನ್ನು ಹಚ್ಚಿಕೊಂಡಿರಲು ಸಾಧ್ಯವಾಗದಿದ್ದರೆ ಈ ಲೇಪನದ ಪ್ರಮಾಣವನ್ನು ಕೊಂಚ ಹೆಚ್ಚಿಸಿ ಒಂದು ಗಂಟೆ ಕಾಲ ಒಣಗಲು ಬಿಡಿ. ಬಳಿಕ ತಣ್ಣೀರು ಅಥವಾ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಈ ವಿಧಾನ ಸಾಮಾನ್ಯವಾಗಿ ಎಲ್ಲರಿಗೂ ಸೂಕ್ತವಾಗಿದೆ.
ಒಂದು ವೇಳೆ ನಿಮಗೆ ಚರ್ಮದಲ್ಲಿ ಉರಿ ಅಥವಾ ತಲೆಗೂದಲು ಉದುರುವುದು ಹೆಚ್ಚಾಯಿತು ಎನ್ನಿಸಿದರೆ ಮಾತ್ರ ಮುಂದುವರೆಸಬೇಡಿ. ಸಾಮಾನ್ಯವಾಗಿ ಒಂದೇ ವಾರದಲ್ಲಿ ಇದರ ಪರಿಣಾಮಗಳನ್ನು ಅರಿಯಬಹುದು. ಈ ವಿಧಾನ ನಿಮಗೆ ಸೂಕ್ತ ಎನಿಸಿದರೆ ವಾರದಲ್ಲಿ ಎರಡು ಬಾರಿ ಮಾತ್ರ ಅನುಸರಿಸಿ. ಕೂದಲಿಗೆ ಈರುಳ್ಳಿ ರಸ-ಸ್ಟೆಪ್ ಬೈ ಸ್ಟೆಪ್ ಟಿಪ್ಸ್
ಕೂದಲು ಉದುರುವುದು ಕಡಿಮೆಯಗುತ್ತಾ ಬಂದಂತೆ ವಾರಕ್ಕೆ ಎರಡು ಬಾರಿಯಿಂದ ಒಂದು ಬಾರಿಗೆ ಇಳಿಸಿ. ಉತ್ತಮ ಪರಿಣಾಮ ಪಡೆಯಲು ಸುಮಾರು ಮೂರರಿಂದ ಆರು ತಿಂಗಳಾದರೂ ಬೇಕಾಗಿರುವ ಕಾರಣ ಕೊಂಚ ತಾಳ್ಮೆ ಅಗತ್ಯ.