ಕೂದಲಿನ ಆರೈಕೆಗೆ ಸಿಂಪಲ್ ಮನೆಮದ್ದು, ಒಮ್ಮೆ ಪ್ರಯತ್ನಿಸಿ

ದಾಸವಾಳದ ಹೂ

ದಾಸವಾಳದ ಹೂವಿನಲ್ಲಿ ಉತ್ಕೃಷ್ಟ ಮಟ್ಟದ ಕೂದಲಿನ ಚಿಕಿತ್ಸಾ ಗುಣಗಳಿವೆ. ಇದು ತಲೆಹೊಟ್ಟಿಗೆ ಅತ್ಯುತ್ತಮ ಔಷಧಿ. ಇದು ಕೂದಲು ಬೆಳೆಯಲು ಮತ್ತು ಹೊಳೆಯುವಂತೆ ಮಾಡಲು ನೆರವಾಗುತ್ತದೆ. ತೆಂಗಿನ ಎಣ್ಣೆಯೊಂದಿಗೆ ದಾಸವಾಳದ ಹೂವಿನ ಪೇಸ್ಟ್ ಮಾಡಿ ಅದನ್ನು ತಲೆಗೆ ಹಚ್ಚಿಕೊಳ್ಳಿ ಮತ್ತು ಉತ್ತಮ ಫಲಿತಾಂಶ ಪಡೆಯಿರಿ.

ತೆಂಗಿನಕಾಯಿ ಹಾಲು

ತೆಂಗಿನಕಾಯಿ ಹಾಲು ಕೂದಲು ತುಂಡಾಗುವುದನ್ನು ತಡೆಯುತ್ತದೆ. ಕೂದಲು ತುಂಡಾಗದಂತೆ ಮತ್ತು ಉದುರದಂತೆ ತೆಂಗಿನಕಾಯಿ ಹಾಲನ್ನು ಹೇರ್ ಕಂಡಿಷನರ್ ಆಗಿ ಬಳಸಲಾಗುತ್ತದೆ. ತೆಂಗಿನ ಕಾಯಿ ಹಾಲನ್ನು ರಾತ್ರಿ ಮಲಗುವ ಮೊದಲು ತಲೆಗೆ ಮಸಾಜ್ ಮಾಡಿ ಮರುದಿನ ಬೆಳಗ್ಗೆ ಅದನ್ನು ತಣ್ಣೀರಿನಿಂದ ತೊಳೆಯಿರಿ.

ಅಲೋವೆರಾ

ಅಲೋವೆರಾವು ಸೌಂದರ್ಯವರ್ಧಕವೆನ್ನುವುದು ಪ್ರತಿಯೊಬ್ಬರಿಗೂ ತಿಳಿದಿದೆ. ಕೂದಲಿನ ಸೌಂದರ್ಯಕ್ಕೆ ಮೊಟ್ಟೆಯೊಂದಿಗೆ ಅಲೋವೆರಾವನ್ನು ಸೇರಿಸಿ ಬಳಸಿದರೆ ಉತ್ತಮ ಫಲಿತಾಂಶ ಖಚಿತ. ಅಲೋವೆರಾ ಮತ್ತು ಮೊಟ್ಟೆಯನ್ನು ಕೂದಲಿಗೆ ಹಚ್ಚುವುದರಿಂದ ಕೂದಲಿನ ಬೆಳವಣಿಗೆಯಾಗಿ ಕಾಂತಿ ಬರುವುದು.

ಕಿತ್ತಳೆ

ಕಿತ್ತಳೆಯನ್ನು ದೇವರು ನಮಗೆ ಕೊಟ್ಟ ವರ ಎಂದೇ ಹೇಳಬಹುದು. ಇದರಿಂದ ಹಲವಾರು ರೀತಿಯ ಆರೋಗ್ಯ ಲಾಭಗಳಿವೆ. ಇದನ್ನು ಕೂದಲಿನ ಆರೋಗ್ಯಕ್ಕೂ ಬಳಸಿಕೊಳ್ಳಬಹುದು. ಜಿಡ್ಡನ್ನು ಹೊಂದಿರುವ ತಲೆಬುರುಡೆ ಮತ್ತು ತಲೆಹೊಟ್ಟಿಗೆ ಕಿತ್ತಳೆ ಜ್ಯೂಸ್ ಹಚ್ಚಿದರೆ ಒಳ್ಳೆಯದು. ವಾರಕ್ಕೆ ಒಂದು ಸಲ ಕಿತ್ತಳೆ ಜ್ಯೂಸನ್ನು ತಲೆಗೆ ಹಚ್ಚಿಕೊಂಡರೆ ದಪ್ಪಗಿನ ಹಾಗೂ ಉದ್ದದ ಕೂದಲನ್ನು ಪಡೆಯಬಹುದು.