ಸೀಬೆ' ಕೂದಲಿನ ಸಮಸ್ಯೆಗೆ ಸಮರ್ಥ ಮನೆಮದ್ದು

ಸೀಬೆ ಎಲೆಗಳನ್ನು ಕುದಿಸಿದ ನೀರು

ಒಂದು ಕಪ್ ನೀರಿಗೆ ಒಂದು ಹಿಡಿ ಸೀಬೆ ಎಲೆಗಳನ್ನು ಹಾಕಿ ಬಿಸಿ ಮಾಡಿ. 15-20 ನಿಮಿಷ ಕುದಿಸಿದ ಬಳಿಕ ನೀರನ್ನು ತೆಗೆಯಿರಿ. ನೀರನ್ನು ಹಾಗೆ ಕೋಣೆಯ ಉಷ್ಣತೆಯಲ್ಲಿ ತಣ್ಣಗಾಗಲು ಬಿಡಿ. ನೀರನ್ನು ಸರಿಯಾಗಿ ಗಾಳಿಸಿಕೊಂಡು ಅದನ್ನು ತಲೆಬುರುಡೆಗೆ ಸರಿಯಾಗಿ ಹಚ್ಚಿಕೊಳ್ಳಿ. ಒಂದು ಗಂಟೆ ಕಾಲ ಇದನ್ನು ಹಾಗೆ ಬಿಟ್ಟು ಬಳಿಕ ತೊಳೆಯಿರಿ.

ಸೀಬೆ, ಜೇನು ಮತ್ತು ಲಿಂಬೆರಸ

ಹಣ್ಣಾದ ಸೀಬೆ ಹಣ್ಣನ್ನು ತೆಗೆದುಕೊಳ್ಳಿ. ಹದವಾಗುವ ತನಕ ಅದನ್ನು ಸರಿಯಾಗಿ ಹಿಚುಕಿಕೊಳ್ಳಿ. ಅದಕ್ಕೆ ಒಂದು ಚಮಚ ಜೇನು ಮತ್ತು ಹತ್ತು ಹನಿ ಲಿಂಬೆರಸವನ್ನು ಸೇರಿಸಿಕೊಳ್ಳಿ. ಎಲ್ಲವೂ ಸರಿಯಾಗಿ ಮಿಶ್ರಣವಾಗುವ ತನಕ ಕಲಸಿಕೊಳ್ಳಿ. ಕೂದಲನ್ನು ಸರಿಯಾಗಿ ಒಣಗಿಸಿ ಮತ್ತು ಅದನ್ನು ಸಣ್ಣ ಸಣ್ಣ ಭಾಗಗಳಾಗಿ ವಿಂಗಡಿಸಿ. ಈಗ ಪೇರಳೆಯ ಅಥವಾ ಸೀಬೆ ಎಲೆಗಳ ನೈಸರ್ಗಿಕ ಮಾಸ್ಕ್ ಅನ್ನು ಹಚ್ಚಿಕೊಳ್ಳಿ. 40 ನಿಮಿಷ ಕಾಲ ಹಾಗೆ ಬಿಡಿ. ಶಾಂಪೂ ಅಥವಾ ಕಂಡೀಷನರ್‌ನಿಂದ ಕೂದಲನ್ನು ತೊಳೆಯಿರಿ.

ಮೊಟ್ಟೆ ಮತ್ತು ಸೀಬೆ

ಸೀಬೆ ಹಣ್ಣಿನ ಮಾಸ್ಕ್‌ನಲ್ಲಿರುವಂತಹ ಉನ್ನತ ಮಟ್ಟದ ಪ್ರೋಟೀನ್ ಕೂದಲಿನ ಬೆಳವಣಿಗೆ ಮಾಡಿ ಅದನ್ನು ಬೇರಿನಿಂದಲೇ ಬಲಪಡಿಸುತ್ತದೆ. ಒಂದು ಸಣ್ಣ ಪಿಂಗಾಣಿ ತೆಗೆದುಕೊಂಡು ಹಣ್ಣಾದ ಸೀಬೆ ಹಣ್ಣನ್ನು ಅದಕ್ಕೆ ಹಾಕಿ ಹಿಚುಕಿ. ಒಂದು ಮೊಟ್ಟೆಯ ಬಿಳಿ ಲೋಳೆಯನ್ನು ಹಾಕಿ. ಸರಿಯಾಗಿ ಮಿಶ್ರಣ ಮಾಡಿಕೊಂಡು ಕೂದಲು ಹಾಗು ತಲೆಬುರುಡೆಗೆ ಹಚ್ಚಿಕೊಳ್ಳಿ. 40 ನಿಮಿಷದ ಬಳಿಕ ಸರಿಯಾಗಿ ಮಸಾಜ್ ಮಾಡಿಕೊಂಡು ಬಳಿಕ ತೊಳೆಯಿರಿ. ಸೀಬೆ ಹಣ್ಣಿನ ನ೦ಬಲಸಾಧ್ಯವಾದ ಆರೋಗ್ಯವರ್ಧಕ ಗುಣಗಳು

ತೆಂಗಿನ ಹಾಲು ಮತ್ತು ಸೀಬೆ ಎಲೆ

ತಲೆಕೂದಲು ಉದುರುವುದಕ್ಕೆ ಮತ್ತೊಂದು ಸುಲಭ ಪರಿಹಾರವೆಂದರೆ ತೆಂಗಿನ ಹಾಲು ಮತ್ತು ಪೇರಳೆ ಎಲೆಗಳ ಮಾಸ್ಕ್. ಒಂದು ಕಪ್ ತೆಂಗಿನ ಹಾಲಿಗೆ ಒಣಗಿಸಿದ ಸೀಬೆ ಎಲೆಗಳ ಹುಡಿಯನ್ನು ಒಂದು ಚಮಚ ಹಾಕಿ. ಹತ್ತಿ ಉಂಡೆಯನ್ನು ಬಳಸಿಕೊಂಡು ತಲೆಬುರುಡೆಗೆ ಹಚ್ಚಿ. ತಲೆಬುರುಡೆಗೆ ಈ ಮಾಸ್ಕ್ ಅನ್ನು ಸರಿಯಾಗಿ ಇಳಿದಾಗ ಒಂದು ಗಂಟೆ ಕಾಲ ಮಸಾಜ್ ಮಾಡಿ. ಬಳಿಕ ಸ್ನಾನ ಮಾಡಿ....

ಸರಳ ಟಿಪ್ಸ್

ಒಂದು ಲೀಟರ್ ನೀರಿನಲ್ಲಿ 15 ರಿಂದ 20 ನಿಮಿಷಗಳ ಕಾಲ ಮುಷ್ಟಿಯಷ್ಟು ಸೀಬೆಯ ಎಲೆಗಳನ್ನು ಕುದಿಸಿಕೊಳ್ಳಿ. ಚೆನ್ನಾಗಿ ಕುದಿದ ನಂತರ, ತಣ್ಣಗಾಗಲು ಬಿಡಿ. ನೀರನ್ನು ಬಸಿದು ಅದನ್ನು ಕೂದಲ ಬುಡದಿಂದ ತುದಿಯವರೆಗೆ ತಕ್ಷಣವೇ ಹಚ್ಚಿಕೊಳ್ಳಿ. ಸೀಬೆ ಎಲೆಯೊಂದಿಗೆ ಕುದಿಸಿರುವ ನೀರನ್ನು ಕೂದಲಿಗೆ ಬಳಸಿಕೊಳ್ಳುವುದರಿಂದ ಕೂದಲು ಉದುರುವಿಕೆ ಸಮಸ್ಯೆ ನಿವಾರಣೆಯಾಗುತ್ತದೆ.