ಕೂದಲು ಉದುರುವ ಸಮಸ್ಯೆಗೆ ಮದ್ದು- ನೀಲಗಿರಿ ಎಣ್ಣೆ

ನೀಲಗಿರಿ ಎಣ್ಣೆ ಆರೋಗ್ಯಕ್ಕೆ ಮಾತ್ರವಲ್ಲ ಕೂದಲು ಉದುರುವುದನ್ನು ತಡೆಗಟ್ಟುತ್ತದೆ. ಮಂದವಾದ ಕೂದಲು ಬೇಕೆಂದು ಬಯಸುವವರು ಈ ಎಣ್ಣೆಯನ್ನು ಬಳಸುತ್ತಾರೆ. ಈ ಎಣ್ಣೆ ಹಚ್ಚಿದರೆ ತಲೆಹೊಟ್ಟಿನ ಸಮಸ್ಯೆ ಕಾಣಿಸಿಕೊಳ್ಳುವುದಿಲ್ಲ.

ನೀಲಗಿರಿ ಎಣ್ಣೆಯಿಂದ ಸೊಂಪಾದ ಕೂದಲನ್ನು ಪಡೆಯ ಬಯಸುವವರು ಈ ಕೆಳಗಿನ ಪ್ರಯೋಗಗಳ ಮುಖಾಂತರ ಸೊಂಪಾದ ಕೂದಲು ಪಡೆಯಬಹುದು:

ನೀಲಗಿರಿ ಎಣ್ಣೆ ಮತ್ತು ನಿಂಬೆ ರಸ: ತಲೆ ಹೊಟ್ಟು, ಕೂದಲು ಉದುರುವುದು ಈ ರೀತಿಯ ಸಮಸ್ಯೆ ಇರುವವರು ನೀಲಗಿರಿ ಎಣ್ಣೆಗೆ ಸ್ವಲ್ಪ ನಿಂಬೆ ರಸ ಹಾಕಿ ತಲೆಗೆ ಮಸಾಜ್ ಮಾಡಿದರೆ ಸಾಕು ತಲೆಹೊಟ್ಟು ಉಂಟಾಗುವುದಿಲ್ಲ. ಕೂದಲು ಉದುರುವುದು ಕೂಡ ಕಡಿಮೆಯಾಗುತ್ತಾ ಬರುತ್ತದೆ.

ನೀಲಗಿರಿ ಎಣ್ಣೆ ಮತ್ತು ಬಾದಾಮಿ ಎಣ್ಣೆ: ಈ ಎರಡು ಎಣ್ಣೆಯನನ್ನು ಮಿಶ್ರ ಮಾಡಿ ಕೂಡ ತಲೆಗೆ ಹಚ್ಚಬಹುದು. ಬಾದಾಮಿ ಮತ್ತು ನೀಲಗಿರಿ ಎಣ್ಣೆ ಎರಡೂ ಕೂದಲನ್ನು ಬಲಪಡಿಸುವ ಸಾಮರ್ಥ್ಯ ಹೊಂದಿದೆ.

ನೀಲಗಿರಿ ಎಣ್ಣೆ ಮತ್ತು ತೆಂಗಿನೆಣ್ಣೆ: ನೀಲಗಿರಿ ಎಣ್ಣೆಯನ್ನು ತೆಂಗಿನೆಣ್ಣೆಯ ಜೊತೆ ಮಿಶ್ರ ಮಾಡಿ ಸ್ವಲ್ಪ ಬಿಸಿ ಮಾಡಿ ತಲೆಗೆ ಹಚ್ಚಿ. ಬಿಸಿ ನೀರಿನಲ್ಲಿ ಅದ್ದಿ , ಟವಲ್ ಅನ್ನು ಹಿಂಡಿ ತಲೆಗೆ ಸುತ್ತಿ ಅರ್ಧ ಗಂಟೆಯ ಬಳಿಕ ತಲೆಸ್ನಾನ ಮಾಡಿ. ಇದರಿಂದ ಕೂದಲಿನ ಆರೋಗ್ಯದ ಗುಣಮಟ್ಟ ಹೆಚ್ಚುವುದು.

ನೀಲಗಿರಿ ಎಣ್ಣೆ ಮತ್ತು ದಾಸವಾಳದ ಎಲೆ: ದಾಸವಾಳದ ಎಲೆಯಿಂದ ರಸವನ್ನು ಹಿಂಡಿ ಅದಕ್ಕೆ ನಿಲಗಿರಿ ಎಣ್ನೆಯನ್ನು ಮಿಶ್ರ ಮಾಡಿ ತಲೆಗೆ ಹಚ್ಚಿದರೆ ಸೊಂಪಾದ ಕೂದಲು ನಿಮ್ಮದಾಗುವುದು.