ಕೂದಲು ಬೇಗನೆ ಉದ್ದ ಬೆಳೆಯಬೇಕೆ? ಇಲ್ಲಿದೆ ಟಿಪ್ಸ್

ತಲೆಯನ್ನು ಬಾಚಬೇಕು

ತಲೆಯನ್ನು ದಿನದಲ್ಲಿ ಎರಡು ಬಾರಿ ಬಾಚಿ, ಗಿಡ್ಡ ಕೂದಲಿನವರು ದಿನದಲ್ಲಿ 3-4 ಬಾರಿ ಬಾಚಬಹುದು. ತಲೆಬಾಚಿದಾಗ ತಲೆಗೆ ಮಸಾಜ್ ದೊರೆತು ಕೂದಲಿನ ಬೆಳವಣಿಗೆಗೆ ಸಹಕಾರಿಯಾಗುವುದು. ತಲೆ ಬಾಚಲು ಸೂಕ್ತವಾದ ಬಾಚಣಿಕೆಯನ್ನು ಬಳಸಿ.

ತಲೆ ಬಾಚುವಾಗ ಸ್ವಲ್ಪ ಒತ್ತಡ ಹಾಕಿ ಬಾಚಿ

ಕೆಲವರು ತಲೆ ಬಾಚುವಾಗ ಒತ್ತಡ ಹಾಕುವುದೇ ಇಲ್ಲ, ಒತ್ತಡ ಹಾಕಿದರೆ ಎಲ್ಲಿ ಕೂದಲು ಉದುರಿ ಹೋಗುತ್ತದೋ ಎಂಬ ಭಯ. ಆದರೆ ಸ್ವಲ್ಪ ಒತ್ತಡ ಹಾಕಿ ತಲೆ ಬಾಚುವುದು ಕೂದಲಿನ ಬೆಳವಣಿಗೆಗೆ ಸಹಕಾರಿ, ಆದ್ದರಿಂದ ಭಯಬೇಡ, ಬಾಚಣಿಕೆ ಮೇಲೆ ಒತ್ತಡ ಹಾಕಿ ತಲೆಯನ್ನು ಬಾಚಿ.

ಎಣ್ಣೆ

ತುಂಬಾ ಜನರಿಗೆ ಎಣ್ಣೆ ಅಂದರೆ ಅಲರ್ಜಿ, ಕೂದಲಿಗೆ ತಾಗಿಸುವುದಿಲ್ಲ. ಆದರೆ ವಾರದಲ್ಲಿ 3-4 ಬಾರಿ ತಲೆಗೆ ಎಣ್ಣೆ ಹಚ್ಚಿ ಅರ್ಧ ಗಂಟೆಯ ಬಳಿಕ ಶ್ಯಾಂಪೂ ಹಚ್ಚಿ ತಲೆ ತೊಳೆಯಿರಿ.

ದಾಸವಾಳ

ದಾಸವಾಳ ಕೂದಲಿನ ಬೆಳವಣಿಗೆಗೆ ತುಂಬಾ ಸಹಕಾರಿ. ಎಣ್ಣೆಗೆ ದಾಸವಾಳದ ಹೂ ಹಾಕಿ ಕುದಿಸಿ, ಆ ಎಣ್ಣೆಯನ್ನು ಹಚ್ಚಿದರೆ ಕೂದಲು ಬೇಗನೆ ಉದ್ದ ಬೆಳೆಯುವುದು.

ಕೂದಲನ್ನು ಕಟ್ಟುವುದು

ಮಲಗುವ ಮುನ್ನ ಸಡಿಲವಾದ ಜಡೆ ಹಾಕಿ ಕೂದಲನ್ನು ಕಟ್ಟಿ, ಇದರಿಂದ ಕೂದಲು ಸಿಕ್ಕಾಗುವುದಿಲ್ಲ, ಇದರಿಂದಾಗಿ ಕೂದಲು ಹಾಳಾಗುವುದಿಲ್ಲ.

ವಿಟಮಿನ್ ಇ ಕೊಬ್ಬಿನಂಶ

ಕೂದಲಿನ ಬೆಳವಣಿಗೆಗೆ ವಿಟಮಿನ್ ಇ ತುಂಬಾ ಅವಶ್ಯಕ. ಬಾದಾಮಿ, ವಾಲ್ ನಟ್ಸ್ ಇವುಗಳಲ್ಲಿ ವಿಟಮಿನ್ ಇ ಇರುವುದರಿಂದ ಇವುಗಳನ್ನು ಆಹಾರಕ್ರಮದಲ್ಲಿ ಸೇರಿಸಿ. ವಿಟಮಿನ್ ಇ ಇರುವ ಎಣ್ಣೆಯನ್ನು ಹಚ್ಚುವುದು ಕೂಡ ಒಳ್ಳೆಯದು.

ಬಾದಾಮಿ ಎಣ್ಣೆ

ತೆಂಗಿನೆಣ್ಣೆ ಜೊತೆ ಬಾದಾಮಿ ಎಣ್ಣೆಯನ್ನು ಮಿಕ್ಸ್ ಮಾಡಿ ತಲೆಗೆ ಹಚ್ಚುವುದರಿಂದ ಕೂದಲು ಬೇಗನೆ ಉದ್ದ ಬೆಳೆಯುವುದು.

ಕೂದಲಿಗೆ ಬಿಸಿ ನೀವು ಹಾಕಬೇಡಿ

ಕೂದಲಿಗೆ ಬಿಸಿ ನೀರು ಹಾಕಿದರೆ ಕೂದಲು ಹಾಳಾಗುತ್ತದೆ, ಆದ್ದರಿಂದ ತಣ್ಣೀರು ಅಥವಾ ಉಗುರು ಬೆಚ್ಚಗಿನ ನೀರು ಹಾಕುವುದು ಒಳ್ಳೆಯದು.

ಕೂದಲನ್ನು ಸ್ವಚ್ಛವಾಗಿಡಿ

ಕೂದಲಿಗೆ ಜೆಲ್ ಹಚ್ಚಿದ್ದರೆ ಮಲಗುವ ಮುನ್ನ ಅದನ್ನು ತೊಳೆದು ಮಲಗಿ. ತುಂಬಾ ಎಣ್ಣೆಯಂಶ ತಲೆಯಲ್ಲಿ ಇಟ್ಟುಕೊಳ್ಳಬೇಡಿ. ದೂಳಿಗೆ ಹೋಗುವಾಗ ಸ್ಕಾರ್ಫ್ ಕಟ್ಟಿ, ನಂತರ ಬಂದ ಮೇಲೆ ತಲೆಯನ್ನು ತೊಳೆಯಿರಿ. ಈ ರೀತಿ ಆರೈಕೆ ಮಾಡಿದರೆ ಕೂದಲು ಬೇಗನೆ ಉದ್ದ ಬೆಳೆಯುವುದು.

ಗಾಡಿಯಲ್ಲಿ ಹೋಗುವಾಗ ಸ್ಕಾರ್ಫ್ ಕಟ್ಟಿ

ಗಾಡಿಯಲ್ಲಿ ಹೋಗುವಾಗ ಕೂದಲನ್ನು ಹಾರಾಡಲು ಬಿಡಬೇಡಿ, ಕೂದಲನ್ನು ಕಟ್ಟಿ ಸ್ಕಾರ್ಫ್ ಅಥವಾ ಕ್ಯಾಪ್ ಹಾಕಿ. ಈ ರೀತಿ ಮಾಡಿದರೆ ಕೂದಲು ಹಾಳಾಗುವುದಿಲ್ಲ.