ಚರ್ಮ ಹಾಗೂ ಕೂದಲಿಗೆ ಸ್ಟ್ರಾಬೆರಿ ಹಣ್ಣಿನ ಆರೈಕೆ

ಚರ್ಮವನ್ನು ಸ್ವಚ್ಛಗೊಳಿಸುವುದು

ಸ್ಟ್ರಾಬೆರಿಯಲ್ಲಿ ಇರುವಂತಹ ಪ್ರಬಲ ಆ್ಯಂಟಿಆಕ್ಸಿಡೆಂಟ್ ಗಳು ಚರ್ಮದ ಆಳಕ್ಕೆ ಹೋಗಿ ಅಲ್ಲಿರುವ ವಿಷಕಾರಿ ಹಾಗೂ ಕಲ್ಮಶವನ್ನು ತೆಗೆದುಹಾಕುವುದು. ತುಂಬಾ ದುಬಾರಿಯಾಗಿರುವ ಕ್ಲೆನ್ಸರ್ ಬಳಸುವ ಬದಲು ಸ್ಟ್ರಾಬೆರಿ ನಿಮಗೆ ತುಂಬಾ ಸುಲಭವಾಗಿ ಚರ್ಮವನ್ನು ಸ್ವಚ್ಛಗೊಳಿಸಿಕೊಡಲಿದೆ.

ಸತ್ತ ಚರ್ಮದ ಕೋಶ ಕಿತ್ತುಹಾಕುವುದು

ಸ್ಯಾಲಿಸಿಲಿಕ್ ಆಮ್ಲವನ್ನು ಹೊಂದಿರುವ ಸ್ಟ್ರಾಬೆರಿಯು ಚರ್ಮದ ರಂಧ್ರಗಳಲ್ಲಿ ತುಂಬಿರುವಂತಹ ಸತ್ತ ಕೋಶಗಳನ್ನು ತೆಗೆದುಹಾಕುವುದು. ಸತ್ತ ಚರ್ಮದ ಕೋಶಗಳು ಹೊರಹೋದರೆ ಕಪ್ಪು ಕಲೆಗಳು ಮೂಡುವುದಿಲ್ಲ.

ಅತಿಯಾದ ಮೇಧೋಗ್ರಂಥಿ ಸ್ರಾವ ಹೀರಿಕೊಳ್ಳುವುದು

ಸ್ಟ್ರಾಬೆರಿಯಲ್ಲಿರುವ ಮತ್ತೊಂದು ದೊಡ್ಡ ಲಾಭವೆಂದರೆ ಇದು ಚರ್ಮದಲ್ಲಿರುವ ಅತಿಯಾದ ಎಣ್ಣೆ ಅಥವಾ ಜಿಡ್ಡು ತೆಗೆದುಹಾಕುವುದು. ವಿಟಮಿನ್ ಸಿ ಹೊಂದಿರುವ ಸ್ಟ್ರಾಬೆರಿ ಚರ್ಮದಲ್ಲಿರುವ ಹೆಚ್ಚುವರಿ ಎಣ್ಣೆಯಂಶ ನಿವಾರಿಸುವುದು ಮತ್ತು ಮೊಡವೆ ಮೂಡದಂತೆ ತಡೆಯುವುದು. ಇದು ಎಣ್ಣೆಯುಕ್ತ ಚರ್ಮದವರಿಗೆ ತುಂಬಾ ಪರಿಣಾಮಕಾರಿ.

ಚರ್ಮ ಹೊಳೆಯುವಂತೆ ಮಾಡುವುದು

ಸ್ಟ್ರಾಬೆರಿಯು ನಿಮ್ಮ ಚರ್ಮಕ್ಕೆ ತುಂಬಾ ಹೊಳಪು ನೀಡುವುದು. ವಿಟಮಿನ್ ಸಿ ಮತ್ತು ಚರ್ಮಕ್ಕೆ ಲಾಭ ತರುವ ಇತರ ಕೆಲವು ಅಂಶಗಳಾದ ಆ್ಯಂಟಿಆಕ್ಸಿಡೆಂಟ್ ಹೊಂದಿರುವ ಸ್ಟ್ರಾಬೆರಿಯು ಇತರ ಉತ್ಪನ್ನಗಳಿಗಿಂತ ಚೆನ್ನಾಗಿ ಚರ್ಮಕ್ಕೆ ಹೊಳಪು ನೀಡುವುದು.

ವಯಸ್ಸಾಗುವ ಲಕ್ಷಣಗಳನ್ನು ತಡೆಯುವುದು

ವಯಸ್ಸಾಗುವ ಕಾಣಿಸಿಕೊಳ್ಳುವ ಚರ್ಮದ ನೆರಿಗೆ, ಚರ್ಮ ಜೋತು ಬೀಳುವುದು, ಗೆರೆಗಳು ಇತ್ಯಾದಿಗಳನ್ನು ಸ್ಟ್ರಾಬೆರಿಯು ಬರದಂತೆ ತಡೆಯುವುದು. ಈ ಹಣ್ಣಿನಲ್ಲಿ ಇರುವಂತಹ ಸ್ಟ್ರಾಬೆರಿ ಚರ್ಮದಲ್ಲಿ ಕಾಲಜನ್ ಉತ್ಪತ್ತಿ ಹೆಚ್ಚು ಮಾಡಿ ಸ್ಥಿತಿಸ್ಥಾಪಕತ್ವ ಹೆಚ್ಚಿಸುವುದು.

ಕೂದಲಿಗೆ

ಪದರ ನಿರ್ಮಾಣ ತಡೆಯುವುದು

ಸ್ಟ್ರಾಬೆರಿಯು ಕಿತ್ತೊಗೆಯುವ ಗುಣವನ್ನು ಹೊಂದಿದೆ. ಇದರಿಂದ ಇದು ತಲೆಬುರುಡೆಯಲ್ಲಿ ಕಲ್ಮಷಗಳಿಂದ ನಿರ್ಮಾಣವಾಗುವ ಪದರ ತಡೆದು ಸೋಂಕನ್ನು ದೂರವಿಡುವುದು. ಇದು ತಲೆಬುರುಡೆಯಿಂದ ಸತ್ತಚರ್ಮ ಕೋಶಗಳನ್ನು ತೆಗೆದು ತಲೆಹೊಟ್ಟನ್ನು ದೂರವಿಡುವುದು.

ಕೂದಲಿಗೆ ಕಾಂತಿ ತರುವುದು

ಸ್ಟ್ರಾಬೆರಿಯಲ್ಲಿ ಕಾಂತಿಯುಂಟು ಮಾಡುವ ಗುಣಗಳು ಇವೆ. ಇದು ಕೂದಲಿಗೆ ಕಾಂತಿ ನೀಡುವುದು. ಎಣ್ಣೆ ಅಥವಾ ಶಾಂಪೂಗಳನ್ನು ಬಳಸುವ ಬದಲು ಈ ಹಣ್ಣನ್ನು ಬಳಸಿದರೆ ನಿಸ್ತೇಜ ಕೂದಲು ಫಲಫಲ ಹೊಳೆಯುವುದು.

ಕೂದಲನ್ನು ನಯಗೊಳಿಸುವುದು

ಕೂದಲು ಗಡುಸಾಗಿದ್ದರೆ ಅದು ತುಂಬಾ ಕೆಟ್ಟದಾಗಿ ಕಾಣುವುದು ಮತ್ತು ಅದರ ನಿರ್ವಹಣೆ ಕೂಡ ಕಷ್ಟ. ಸ್ಟ್ರಾಬೆರಿ ಬಳಸಿದರೆ ಅದರಿಂದ ಗಡಸು ಕೂದಲನ್ನು ನಯವಾಗಿಸಿಕೊಂಡು ನಿರ್ವಹಣೆಗೂ ಸುಲಭವಾಗುವುದು.

ಕೂದಲು ತೆಳುವಾಗದಂತೆ ತಡೆಯುವುದು

ವಿಟಮಿನ್ ಸಿ ಹೊಂದಿರುವ ಸ್ಟ್ರಾಬೆರಿಯು ಕೂದಲು ತೆಳುವಾಗದಂತೆ ತಡೆಯುವುದು. ಇದು ಪರಿಣಾಮಕಾರಿಯಾಗಿ ಕೂದಲಿನ ಬುಡಕ್ಕೆ ಪುನಶ್ಚೇತನ ನೀಡುವುದು ಮತ್ತು ಕೂದಲು ದಪ್ಪ ಹಾಗೂ ಆರೋಗ್ಯವಾಗಿರುವಂತೆ ಮಾಡುವುದು.

ಕೂದಲು ಉದುರುವಿಕೆ ತಡೆಯುವುದು

ಸ್ಟ್ರಾಬೆರಿಯು ಕೂದಲು ಉದುರುವಿಕೆ ತಡೆಯುವುದರಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುವುದು. ಈ ಹಣ್ಣಿನಲ್ಲಿ ಇರುವಂತಹ ಪ್ರಬಲ ಆ್ಯಂಟಿಆಕ್ಸಿಡೆಂಟ್ ತಲೆಬುರುಡೆಗೆ ಪೋಷಣೆ ನೀಡಿ ಕೂದಲಿನ ಬುಡವನ್ನು ಬಲಗೊಳಿಸುವುದು ಮತ್ತು ಇದರಿಂದ ಕೂದಲು ಉದುರುವುದ ತಪ್ಪುವುದು.