Just In
- 39 min ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
- 1 hr ago ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
- 2 hrs ago ದಿನ ಭವಿಷ್ಯ ಏಪ್ರಿಲ್ 20: ಶನಿವಾರದ ಈ ಶುಭ ದಿನ ನಿಮ್ಮ ರಾಶಿಗೆ ಹೇಗಿರಲಿದೆ?
- 4 hrs ago ವೃಷಭ ರಾಶಿಗೆ ಗುರು ಸಂಚಾರ: 10ನೇ ಮನೆಯಲ್ಲಿ ಗುರು ಸಿಂಹ ರಾಶಿಯವರು ಆಸ್ತಿ ಖರೀದಿಸಬಹುದು
Don't Miss
- News RCB: ಆರ್ಸಿಬಿ ಫ್ರಾಂಚೈಸ್ನಿಂದ ಬೆಂಗಳೂರಿನ ಮೂರು ಕೆರೆಗಳ ಪುನಶ್ಚೇತನ
- Movies Srirasthu shubhamasthu: ನಿಧಿ ಹುಡುಕಲು ಹೋದ ಸೊಸೆ ಮಾವನಿಗೆ ಸಿಕ್ಕಿದ್ದು ಬರೀ ಬೂದಿನಾ?
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಗುವಾಗ ಬಾಯಿಯ ಸುತ್ತಲೂ ಬೀಳುವ ನೆರಿಗೆಗಳಿಗೆ ಮನೆಮದ್ದುಗಳು
ನಗುವೆ ಸ್ವರ್ಗವೆನ್ನುವ ಮಾತಿದೆ. ನಕ್ಕರೆ ಯಾವುದೇ ಆರೋಗ್ಯ ಸಮಸ್ಯೆಗಳು ಕಾಡದು ಎಂದು ಹೇಳುತ್ತಾರೆ. ಆದರೆ ನಗುವಿನಿಂದ ಬಾಯಿಯ ಸುತ್ತಲು ನೆರಿಗೆ ಮೂಡುವುದು ಎಂದು ಕೇಳಿದರೆ ನಿಮಗೆ ಖಂಡಿತವಾಗಿಯೂ ಅಚ್ಚರಿಯಾಗುವುದು. ಯಾಕೆಂದರೆ ಅತಿಯಾಗಿ ನಗುವುದರಿಂದ ಬಾಯಿಯ ಸುತ್ತಲಿನ ಪ್ರದೇಶದಲ್ಲಿ ನೆರಿಗೆ ಮೂಡುವುದು. ಆದರೆ ಇಷ್ಟು ಮಾತ್ರ ಓದಿಕೊಂಡು ನೀವು ನಗುವನ್ನು ನಿಲ್ಲಿಸಬೇಡಿ. ಯಾಕೆಂದರೆ ಸಂಪೂರ್ಣ ಲೇಖನ ಓದಿದರೆ ನಗುವಿನಿಂದ ಮೂಡುವಂತಹ ನೆರಿಗೆ ನಿವಾರಣೆ ಮಾಡುವುದು ಹೇಗೆ ಎಂದು ತಿಳಿದುಬರಲಿದೆ.
ಇದರ ನಿವಾರಣೆಗೆ ಹಲವಾರು ರೀತಿಯ ಕಾಸ್ಮೆಟಿಕ್ ಶಸ್ತ್ರಚಿಕಿತ್ಸೆಗಳು ಮತ್ತು ರಾಸಾಯನಿಕ ಚಿಕಿತ್ಸೆಗಳು ಇವೆ. ಇದು ವೇಗವಾಗಿ ನೆರಿಗೆ ನಿವಾರಣೆ ಮಾಡುವುದು. ಆದರೆ ಅದರಿಂದ ಅಡ್ಡಪರಿಣಾಮಗಳು ಕೂಡ ಇದೆ. ಇದಕ್ಕಾಗಿಯೇ ಕೆಲವೊಂದು ನೈಸರ್ಗಿಕವಾದ ವಿಧಾನಗಳನ್ನು ಈ ಲೇಖನ ಮೂಲಕ ನಿಮಗೆ ಹೇಳಿಕೊಡಲಿದ್ದೇವೆ. ಇದು ಯಾವುದೆಂದು ತಿಳಿದು ನಗುವಿನಿಂದ ಮೂಡಿರುವ ನೆರಿಗೆ ನಿವಾರಣೆ ಮಾಡಿಕೊಂಡು ನಗುತ್ತಾ ಇರಿ....
ನೀರು ಸಾಕಷ್ಟು ಕುಡಿಯಿರಿ
ಸರಿಯಾದ ಪ್ರಮಾಣದಲ್ಲಿ ನೀರು ಸೇವಿಸಿದರೆ ಅದರಿಂದ ಚರ್ಮವು ಮಾಯಿಶ್ಚರೈಸ್ ಮತ್ತು ತೇವಾಂಶದಿಂದ ಇರುವುದು. ನಿರ್ಜಲೀಕರಣದಿಂದ ಉಂಟಾದ ಒಣ ಚರ್ಮವು ನೆರಿಗೆ ಮೂಡಿಸುವುದು. ಇದರಿಂದ ನಗುವಿನಿಂದ ಮೂಡುವಂತಹ ನೆರಿಗೆ ನಿವಾರಣೆಗೆ ಮೊದಲ ಹಾಗೂ ಪ್ರಮುಖ ನೈಸರ್ಗಿಕ ಮದ್ದು ಎಂದರೆ ಅದು ಸರಿಯಾದ ಪ್ರಮಾಣದ ನೀರು ಕುಡಿಯುವುದು.
ಲಿಂಬೆರಸ
ಬಾಯಿಯ ಸುತ್ತಲಿನ ಚರ್ಮವನ್ನು ಬಿಗಿಗೊಳಿಸುವಂತಹ ಕೆಲವೊಂದು ಗುಣಗಳು ಲಿಂಬೆರಸದಲ್ಲಿ ಇದೆ. ಇದರಲ್ಲಿ ಇರುವಂತಹ ವಿಟಮಿನ್ ಸಿ ಫ್ರೀ ರ್ಯಾಡಿಕಲ್ ತಡೆಯುವುದು. ಲಿಂಬೆರಸವನ್ನು ನೇರವಾಗಿ ಮುಖದಲ್ಲಿರುವ ನೆರಿಗೆ ಮೇಲೆ ಹಚ್ಚಿ ಅಥವಾ ಒಂದು ತುಂಡು ಲಿಂಬೆ ತೆಗೆದುಕೊಂಡು ಅದನ್ನು ನೆರಿಗೆ ಮೇಲೆ ಹಚ್ಚಿ. ಇದು ನೆರಿಗೆ ನಿವಾರಣೆ ಮಾಡುವುದು.
ಮೊಟ್ಟೆಯ ಲೋಳೆ
ನಗುವಿನಿಂದ ಮೂಡಿರುವಂತಹ ನೆರಿಗೆ ನಿವಾರಣೆ ಮಾಡಲು ಮೊಟ್ಟೆಯ ಲೋಳೆ ತುಂಬಾ ಪರಿಣಾಮಕಾರಿ. ಒಂದು ಮೊಟ್ಟೆಯನ್ನು ಪಿಂಗಾಣಿಗೆ ಹಾಕಿ ಕಲಸಿಕೊಳ್ಳಿ. ಇದಕ್ಕೆ ಒಂದು ಚಮಚ ಜೇನುತುಪ್ಪ ಹಾಕಿಕೊಂಡು ಸರಿಯಾಗಿ ಮಿಶ್ರಣ ಮಾಡಿ. ಇದನ್ನು ಬಾಯಿಯ ಸುತ್ತಲಿನ ಚರ್ಮಕ್ಕೆ ಹಚ್ಚಿಕೊಳ್ಳಿ ಮತ್ತು 15-20 ನಿಮಿಷ ಕಾಲ ಹಾಗೆ ಬಿಡಿ. 20 ನಿಮಿಷ ಬಳಿಕ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಉತ್ತಮ ಫಲಿತಾಂಶಕ್ಕಾಗಿ ವಾರದಲ್ಲಿ ಎರಡು ಸಲ ಬಳಸಿ.
ಅಲೋವೆರಾ
ಅಲೋವೆರಾದಲ್ಲಿ ವಿಟಮಿನ್ ಸಿ ಮತ್ತು ಇ ಇದ್ದು, ಚರ್ಮದ ಬಿಗಿತನ ಕಾಪಾಡುವುದು ಹಾಗೂ ತೇವಾಂಶದಿಂದ ಇಡುವುದು. ಇದು ಚರ್ಮಕ್ಕೆ ಪೋಷಣೆ ನೀಡಿ ಸರಿಯಪಡಿಸುವುದು. ಇದರಿಂದ ಬಾಯಿಯ ಸುತ್ತಲಿನ ನೆರಿಗೆ ನಿವಾರಣೆಯಾಗುವುದು. ಒಂದು ಅಲೋವೆರಾ ಎಲೆ ತೆಗೆದುಕೊಂಡು ಅದರ ಲೋಳೆ ತೆಗೆಯಿರಿ. ಅದನ್ನು ಮುಖದಲ್ಲಿರುವ ನೆರಿಗೆ ಮೇಲೆ ಹಚ್ಚಿಕೊಳ್ಳಿ. ಐದು ನಿಮಿಷ ಬಿಟ್ಟು ಸಾಮಾನ್ಯ ನೀರಿನಿಂದ ತೊಳೆಯಿರಿ.
ಅರಿಶಿನ
ಅರಿಶಿನದಲ್ಲಿ ವಯಸ್ಸಾಗುವ ಲಕ್ಷಣಗಳನ್ನು ತಡೆಯುವ ಗುಣಗಳು ಇವೆ. ಇದು ಬಾಯಿ ಸುತ್ತಲಿನ ನೆರಿಗೆ ಮತ್ತು ಗೆರೆಗಳ ನಿವಾರಣೆ ಮಾಡಿ ಚರ್ಮವು ತುಂಬಾ ನಯವಾಗಿರುವಂತೆ ಮಾಡುವುದು. ಒಂದು ಚಮಚ ಅರಿಶಿನವನ್ನು ಪಿಂಗಾಣಿಗೆ ಹಾಕಿ, ಅದಕ್ಕೆ ಒಂದು ಚಮಚ ತೆಂಗಿನೆಣ್ಣೆ ಹಾಕಿ ಸರಿಯಾಗಿ ಮಿಶ್ರಣ ಮಾಡಿ. ಇದನ್ನು ನೆರಿಗೆ ಇರುವ ಜಾಗಕ್ಕೆ ಹಚ್ಚಿಕೊಳ್ಳಿ ಮತ್ತು 15 ನಿಮಿಷ ಕಾಲ ಹಾಗೆ ಬಿಡಿ. ಬಳಿಕ ನೀರಿನಿಂದ ತೊಳೆಯಿರಿ.
ಪಪ್ಪಾಯಿ
ಬಾಯಿಯ ಸುತ್ತಲು ಇರುವಂತಹ ನೆರಿಗೆ ಮತ್ತು ಗೆರೆಗಳನ್ನು ನಿವಾರಣೆ ಮಾಡುವಲ್ಲಿ ಪಪ್ಪಾಯಿ ಪ್ರಮುಖ ಪಾತ್ರ ವಹಿಸುವುದು. ಇದು ನೆರಿಗೆಗಳನ್ನು ಬೇಗನೆ ನಿವಾರಣೆ ಮಾಡುವುದು. ಒಂದು ಪಪ್ಪಾಯಿಯನ್ನು ತುಂಡು ಮಾಡಿಕೊಂಡು ಅದರ ತಿರುಳು ತೆಗೆದು ನೆರಿಗೆ ಇರುವ ಜಾಗಕ್ಕೆ ಹಚ್ಚಿಕೊಳ್ಳಿ. 15 ನಿಮಿಷ ಕಾಲ ಹಾಗೆ ಬಿಡಿ. ಇದರ ಬಳಿಕ ನೀರಿನಿಂದ ತೊಳೆಯಿರಿ ಮತ್ತು ಒಣಗಲು ಬಿಡಿ.
ಗ್ರೀನ್ ಟೀ
ಗ್ರೀನ್ ಟೀಯಲ್ಲಿ ಇರುವಂತಹ ವಯಸ್ಸಾಗುವ ಲಕ್ಷಣ ತಡೆಯುವ ಗುಣಗಳು ಚರ್ಮದಲ್ಲಿ ಕಾಣಿಸಿಕೊಳ್ಳುವಂತಹ ನೆರಿಗೆ ನಿವಾರಣೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸುವುದು. ಇದರಲ್ಲಿ ಇರುವಂತಹ ಅ್ಯಂಟಿಆಕ್ಸಿಡೆಂಟ್ ಗಳು ಬಾಯಿಯ ಸುತ್ತಲಿನ ಚರ್ಮವನ್ನು ಬಿಗಿಗೊಳಿಸುವುದು. ಸ್ವಲ್ಪ ಗ್ರೀನ್ ಟೀ ಮಾಡಿಕೊಂಡು ಅದು ತಣ್ಣಗಾದ ಬಳಿಕ ಫ್ರಿಡ್ಜ್ ನಲ್ಲಿಡಿ. ಸ್ವಲ್ಪ ಸಮಯ ಬಿಟ್ಟು ತೆಗೆದು ಅದನ್ನು ನೆರಿಗೆ ಇರುವ ಜಾಗ ಮತ್ತು ಸಂಪೂರ್ಣ ಮುಖಕ್ಕೆ ಹಚ್ಚಿಕೊಳ್ಳಿ. ಇದರಿಂದ ನಗುವಿನಿಂದಾದ ನೆರಿಗೆ ಕಡಿಮೆಯಾಗುವುದು.
ಮುಖದ ವ್ಯಾಯಾಮ
ಮುಖದ ವ್ಯಾಯಾಮದಿಂದ ಬಾಯಿಯ ಸುತ್ತಲು ಇರುವಂತಹ ನೆರಿಗೆ ಕಡಿಮೆ ಮಾಡಬಹುದು. ಹಲವಾರು ರೀತಿಯ ಮುಖದ ವ್ಯಾಯಾಮಗಳು ನೆರಿಗೆ ಕಡಿಮೆ ಮಾಡುವುದು. ಇದರಲ್ಲಿ ಒಂದನ್ನು ಇಲ್ಲಿ ಹೇಳಿಕೊಡಲಾಗುವುದು. ಹಲ್ಲುಗಳನ್ನು ಕಚ್ಚಿಕೊಳ್ಳಿ ಮತ್ತು ಜೋರಾಗಿ ನಗಿ. 10 ಸೆಕೆಂಡು ಹಾಗೆ ಇರಿ ಮತ್ತು ಇದನ್ನು ಪುನರಾವರ್ತಿಸಿ. ದಿನದಲ್ಲಿ 15-20 ಸಲ ಹೀಗೆ ಮಾಡಿ ಮತ್ತು ಮುಖದಲ್ಲಿ ವ್ಯತ್ಯಾಸ ಕಂಡುಕೊಳ್ಳಿ.