ನೀರಿಗೆ ಈ ಸಾಮಗ್ರಿಗಳನ್ನು ಬೆರೆಸಿ ಸ್ನಾನ ಮಾಡಿ ನೋಡಿ...

ಜೇನು

ಜೇನು ತುಪ್ಪವು ಸೌಂದರ್ಯವರ್ಧಕ ಗುಣಗಳನ್ನು ಒಳಗೊಂಡಿರುತ್ತದೆ. ತ್ವಚೆಯ ಮೇಲೆ ಜೇನು ತುಂಬಾ ಪರಿಣಾಮಗಳನ್ನು ಉಂಟು ಮಾಡುತ್ತದೆ. ತ್ವಚೆಯನ್ನು ಪೋಷಕಾಂಶಗೊಳಿಸುವುದರಿಂದ ಹಿಡಿದು ತುರಿಕೆ ಇತ್ಯಾದಿಗಳನ್ನು ಪರಿಹರಿಸುವವರೆಗೆ ಜೇನು ತುಪ್ಪ ಉಪಯೋಗಕಾರಿಯಾಗಿರುತ್ತದೆ. ಜೇನು ತುಪ್ಪದಲ್ಲಿ ಆಂಟಿಆಕ್ಸಿಡೆಂಟ್‌ಗಳ ಗಣಿಯೇ ಇರುತ್ತದೆ. ಹೀಗಾಗಿ ಜೇನು ತುಪ್ಪವನ್ನು ನಿಮ್ಮ ಸ್ನಾನದ ನೀರಿನಲ್ಲಿ ಬೆರೆಸಿಕೊಳ್ಳುವುದರಿಂದ ತ್ವಚೆಯು ಒಣಗುವಿಕೆಯನ್ನು ತಡೆಯಬಹುದು.

ಓಟ್‍ಮೀಲ್

ಓಟ್‌ಮೀಲ್ ತ್ವಚೆಗೆ ಒಳ್ಳೆಯದು ಎಂದು ಎಲ್ಲರಿಗೂ ತಿಳಿದಿರುವ ವಿಚಾರ. ಓಟ್‍ಮೀಲ್ ಹಲವಾರು ಲೋಶನ್‌ಗಳಲ್ಲಿ ಮತ್ತು ಕ್ರೀಮ್‌ಗಳಲ್ಲಿ ಕಂಡು ಬರುತ್ತದೆ. ಓಟ್‍ಮೀಲ್ ತ್ವಚೆಯ ಮೇಲೆ ಉಪಶಮನಕಾರಿ ಗುಣವನ್ನು ವ್ಯಕ್ತಪಡಿಸುತ್ತದೆ. ಅದರಲ್ಲೂ ಒಣ ಮತ್ತು ತುರಿಕೆ ಇರುವ ತ್ವಚೆಗೆ ಇದು ಒಳ್ಳೆಯದು. ಓಟ್‍ಮೀಲ್ ಬಾತ್ ನಿಮ್ಮ ತ್ವಚೆಗೆ ಆಹ್ಲಾದಕತೆಯನ್ನು ಒದಗಿಸುತ್ತದೆ. ಇದಕ್ಕಾಗಿ ಒಂದು ಕಪ್ ಓಟ್ಸ್ ಅನ್ನು ತೆಗೆದುಕೊಂಡು ಒಂದು ಟಬ್‍ನಲ್ಲಿ ಹಾಕಿ. ಈಗ ಇದರಲ್ಲಿ ನೀವು ಸಹ ಮುಳುಗಿ. ಹೀಗೆ ಓಟ್‍ಮೀಲ್ ಬಾತ್ ನಿಮಗೆ ಯಾವಾಗಲೂ ರಿಲ್ಯಾಕ್ಸಿಂಗ್ ನೀಡುತ್ತದೆ.

ಹಾಲು

ಹಾಲು ಅಂದಿನ ಕಾಲದಿಂದಲೂ ಸ್ನಾನದಲ್ಲಿ ಬಳಸಲ್ಪಡುತ್ತಿದೆ. ತ್ವಚೆಯ ಒಣಗುವಿಕೆಯನ್ನು ಮತ್ತು ಉರಿಯೂತ ಹಾಗು ಕೆಂಪಾಗುವಿಕೆಯನ್ನು ನಿವಾರಿಸಲು ಹಾಲು ಒಳ್ಳೆಯದು. ಮೊಡವೆ ಮುಂತಾದ ಗುಳ್ಳೆಗಳನ್ನು ನಿವಾರಿಸಲು ಸಹ ಹಾಲು ಸಹಾಯ ಮಾಡುತ್ತದೆ. ಬಾತ್ ಟಬ್‌ಗೆ ಎರಡು ಕಪ್ ಹಾಲನ್ನು ಹಾಕಿ ಅದರಲ್ಲಿ ನಿಮ್ಮನ್ನು ನೀವು ನೆನೆಸಿಕೊಳ್ಳಿ. ಹಾಲು ನಿಮ್ಮ ದೇಹಕ್ಕೆ ವಿಶ್ರಾಂತಿಯನ್ನು ನೀಡುತ್ತದೆ ಮತ್ತು ಆರೋಗ್ಯಕರವಾದ ಆಕರ್ಷಕ ತ್ವಚೆಯನ್ನು ನೀಡುತ್ತದೆ.

ಗ್ರೀನ್ ಟೀ

ಆಂಟಿ ಆಕ್ಸಿಡೆಂಟ್ ಮತ್ತು ವಿಟಮಿನ್‌ಗಳಿಂದ ಸಮೃದ್ಧವಾಗಿರುವ ಗ್ರೀನ್ ಟೀ ಬ್ಯಾಗನ್ನು ಬಿಸಿ ನೀರಿನಲ್ಲಿ ನೆನೆಸಿದರೆ ಅದರಲ್ಲಿರುವ ಪೋಷಕಾಂಶಗಳು ನೀರನ್ನು ಸೇರುತ್ತವೆ. ಹದಿನೈದು ನಿಮಿಷ ಬಿಟ್ಟು ಆ ನೀರಿನಲ್ಲಿ ಸ್ನಾನ ಮಾಡುವುದರಿಂದ ಫ್ರೀ ರ‍್ಯಾಡಿಕಲ್‌ಗಳಿಂದ ತ್ವಚೆಯ ಮೇಲೆ ಉಂಟಾಗಿರುವ ಹಾನಿಯನ್ನು ತಪ್ಪಿಸಬಹುದು. ಜೊತೆಗೆ ಇದು ಸುಕ್ಕುಗಳನ್ನು ಮತ್ತು ಕಲೆಗಳನ್ನು ನಿವಾರಿಸುತ್ತದೆ.

ತೆಂಗಿನ ಎಣ್ಣೆ

ತೆಂಗಿನ ಎಣ್ಣೆ ಕೇವಲ ಅಡುಗೆ ಮತ್ತು ಕೂದಲಿಗೆ ಮಾತ್ರ ಬಳಸಲ್ಪಡುವುದಿಲ್ಲ. ಇದನ್ನು ಸ್ನಾನಕ್ಕೂ ಸಹ ಬಳಸಬಹುದು. ತೆಂಗಿನ ಎಣ್ಣೆಯು ತ್ವಚೆಯನ್ನು ಮೃದು ಮಾಡುತ್ತದೆ ಮತ್ತು ಹೈಡ್ರೇಟ್ ಮಾಡುತ್ತದೆ. ಇದರಿಂದ ನಿಮ್ಮ ಕೂದಲು ಸಹ ಮೃದುವಾಗುವುದರ ಜೊತೆಗೆ ರೇಷ್ಮೆಯಂತೆ ಹೊಳೆಯುತ್ತದೆ. ಆದ್ದರಿಂದ ನಿಮ್ಮ ಸ್ನಾನದ ನೀರಿಗೆ ಒಂದೆರಡು ಕಪ್ ತೆಂಗಿನಎಣ್ಣೆಯನ್ನು ಬೆರೆಸಿಕೊಂಡು ಅದರಲ್ಲಿ ನಿಮ್ಮನ್ನು ನೀವು ನೆನೆಸಿಕೊಳ್ಳಿ. ಈ ಸ್ನಾನವನ್ನು ವಾರಕ್ಕೆ ಎರಡು ಬಾರಿ ಮಾಡಿ. ಮೃದು ತ್ವಚೆಯನ್ನು ಪಡೆಯಿರಿ.

ಆಲೀವ್ ಎಣ್ಣೆ

ತೆಂಗಿನ ಎಣ್ಣೆಯಂತೆಯೇ ಆಲೀವ್ ಎಣ್ಣೆ ಸಹ ನಿಮಗೆ ಮೃದು ತ್ವಚೆಯನ್ನು ನೀಡುತ್ತದೆ. ಆಲೀವ್ ಎಣ್ಣೆಯು ತ್ವಚೆಯನ್ನು ಮೃದು ಮಾಡುತ್ತದೆ ಮತ್ತು ಹೈಡ್ರೇಟ್ ಮಾಡುತ್ತದೆ. ಜೊತೆಗೆ ಒಣ ಹಾಗು ನಿರ್ಜೀವ ತ್ವಚೆಯನ್ನು ನಿವಾರಿಸುತ್ತದೆ. ಹಾಗು ನಿಮ್ಮ ಕೂದಲು ರೇಷ್ಮೆಯಂತೆ ಹೊಳೆಯುವಂತೆ ಮಾಡುತ್ತದೆ. ಅದಕ್ಕಾಗಿ ಆಲೀವ್ ಎಣ್ಣೆಯಲ್ಲಿ ಸ್ನಾನ ಮಾಡಿ.

ನಿಂಬೆರಸ

ನಿಮ್ಮ ಸ್ನಾನದ ನೀರಿಗೆ ನಿಂಬೆರಸವನ್ನು ಹಾಕುವುದರಿಂದ ಉತ್ತಮ ಫಲಿತಾಂಶಗಳನ್ನು ನಿಮ್ಮದಾಗಿಸಿಕೊಳ್ಳಬಹುದು. ನಿಂಬೆ ರಸವು ನಿಮ್ಮ ತ್ವಚೆಯಲ್ಲಿನ ರಂಧ್ರಗಳನ್ನು ಬಿಗಿಯಾಗಿರಿಸುತ್ತದೆ ಮತ್ತು ಮುಚ್ಚಿರುತ್ತದೆ. ಇದರಿಂದ ಮೊಡವೆ ಇತ್ಯಾದಿ ಕಾಣಿಸಿಕೊಳ್ಳುವುದಿಲ್ಲ. ನಿಮ್ಮ ತ್ವಚೆಯನ್ನು ನೀವು ಎಕ್ಸ್‌ಫೋಲಿಯೇಟ್ ಮಾಡಬೇಕು ಎಂದು ಬಯಸಿದಲ್ಲಿ, ನಿಂಬೆರಸವನ್ನು ಸ್ನಾನದ ನೀರಿಗೆ ಹಾಕಿಕೊಳ್ಳಿ. ಇದು ಆರೋಗ್ಯಕರವಾದ ಹೊಳೆಯುವ ತ್ವಚೆಯನ್ನು ನಿಮಗೆ ನೀಡುತ್ತದೆ.