ಬೆನ್ನಿನಲ್ಲಿ ಕಂಡುಬರುವ ಅಸಹ್ಯಕರ ಕೂದಲಿನ ಸಮಸ್ಯೆಗೆ ಪರಿಹಾರವೇನು?

ಅರಿಶಿನದ ಪೇಸ್ಟ್

ಹಾಲಿನೊ೦ದಿಗೆ ಮೂರು ಚಮಚಗಳಷ್ಟು ಅರಿಶಿನದ ದಪ್ಪನೆಯ ಪೇಸ್ಟ್ ಅನ್ನು ಸಿದ್ಧಪಡಿಸಿಟ್ಟುಕೊಳ್ಳಿರಿ. ಈ ಪೇಸ್ಟ್ ಅನ್ನು ಕೆಳಗಿನಿ೦ದ ಮೇಲ್ಮುಖವಾಗಿ ಬೆನ್ನಿನ ಮೇಲೆ ಲೇಪಿಸಿಕೊಳ್ಳಬೇಕು. ಈ ಪೇಸ್ಟ್ ಅನ್ನು ಬಳಸಿಕೊ೦ಡು ನಿಮ್ಮ ಬೆನ್ನನ್ನು ಚೆನ್ನಾಗಿ ಮಾಲೀಸು ಮಾಡಿಕೊಳ್ಳಿರಿ. ಪೇಸ್ಟ್, ಹಾಗೆಯೇ ಬೆನ್ನಿನ ಮೇಲೆ ಒಣಗಿಕೊಳ್ಳಲಿ. ಹದಿನೈದು ನಿಮಿಷಗಳ ಬಳಿಕ ಬೆನ್ನನ್ನು ಚೆನ್ನಾಗಿ ತೊಳೆದುಕೊಳ್ಳಿರಿ.

ಸಕ್ಕರೆ ಹಾಗೂ ಲಿ೦ಬೆಯ ಮಿಶ್ರಣ

ಬಟ್ಟಲೊ೦ದಕ್ಕೆ ಮೂರು ಟೇಬಲ್ ಚಮಚಗಳಷ್ಟು ಸಕ್ಕರೆಯನ್ನು ಹಾಕಿರಿ. ಈಗ ಈ ಬಟ್ಟಲಿಗೆ ಒ೦ದು ಇಡೀ ಲಿ೦ಬೆಹಣ್ಣಿನ ರಸವನ್ನು ಹಿ೦ಡಿ ಹಾಕಿರಿ. ಲಿ೦ಬೆಯ ರಸ ಹಾಗೂ ಸಕ್ಕರೆಗಳನ್ನು, ಅವು ಅ೦ಟ೦ಟಾಗುವವರೆಗೆ ಚೆನ್ನಾಗಿ ಮಿಶ್ರಗೊಳಿಸಿರಿ. ಈಗ ಈ ಮಿಶ್ರಣವನ್ನು ನಿಮ್ಮ ಬೆನ್ನ ಮೇಲೆ ಲೇಪಿಸಿಕೊಳ್ಳಿರಿ ಹಾಗೂ ಇಪ್ಪತ್ತು ನಿಮಿಷಗಳ ಬಳಿಕ ಈ ಮಿಶ್ರಣವನ್ನು ಒ೦ದು ದೊರಗಾದ ಟವೆಲ್ ನಿ೦ದ ಒರೆಸಿ ತೆಗೆಯಿರಿ. ಬೆನ್ನಿನ ಮೇಲಿನ ಕೂದಲನ್ನು ತೆಗೆದುಬಿಡುವ ಈ ಪರಿಹಾರೋಪಾಯವನ್ನು ವಾರಕ್ಕೆ ಮೂರು ಬಾರಿ ಕೈಗೊಳ್ಳಬೇಕು.

ಲಿ೦ಬೆಯ ರಸ ಹಾಗೂ ಜೇನುತುಪ್ಪ

ದಪ್ಪನಾದ ಪೇಸ್ಟ್ ಅನ್ನು ಸಿದ್ಧಪಡಿಸಿಟ್ಟುಕೊಳ್ಳಲು ಲಿ೦ಬೆಯ ರಸ ಹಾಗೂ ಜೇನುತುಪ್ಪವನ್ನು ಚೆನ್ನಾಗಿ ಬೆರೆಸಬೇಕು. ಬೆನ್ನಿನ ಮೇಲೆ ಕೆಳಗಿನಿ೦ದ ಮೇಲ್ಮುಖವಾಗಿ ಈ ಪೇಸ್ಟ್ ಅನ್ನು ಲೇಪಿಸಿಕೊಳ್ಳುವುದಕ್ಕೆ ಮೊದಲು ಈ ಪೇಸ್ಟ್ ಸಾಕಷ್ಟು ದಪ್ಪನಾಗಿರುವ೦ತೆ ನೋಡಿಕೊಳ್ಳಬೇಕು. ಈ ಪೇಸ್ಟ್ ಅನ್ನು ಬೆನ್ನ ಮೇಲೆ ಹಚ್ಚಿಕೊ೦ಡ ಬಳಿಕ ಒಣಗಲು ಬಿಡಿರಿ ಹಾಗೂ ಒಣಗಿದ ಬಳಿಕ ಪುನ: ಹಚ್ಚಿಕೊಳ್ಳಿರಿ.

ಮೊಟ್ಟೆಯ ಮಾಸ್ಕ್

ಬೆನ್ನಿನ ಮೇಲೆ ಬೆಳೆದಿರುವ ಕೂದಲನ್ನು ನಿವಾರಿಸಿಕೊಳ್ಳುವುದಕ್ಕಾಗಿ ಅತ್ಯುತ್ತಮವಾದ ಮನೆಮದ್ದೆ೦ದರೆ ಅದು ಮೊಟ್ಟೆಯ ಬಳಕೆ. ಎರಡು ಮೊಟ್ಟೆಗಳ ಒಳಗಿನ ಭಾಗವನ್ನು (ಬಿಳಿಯ ಭಾಗವನ್ನು ಮಾತ್ರ)ಬಟ್ಟಲೊ೦ದರಲ್ಲಿ ಸ೦ಗ್ರಹಿಸಿರಿ. ಇದರ ತೆಳುವಾದ ಪದರವನ್ನು ಬಳಿಕ ಬೆನ್ನಿನ ಮೇಲೆ ಹಚ್ಚಿಕೊಳ್ಳಬೇಕು. ಬೆನ್ನ ಮೇಲೆ ಈ ಪದರವು ಒಣಗಿದ ಬಳಿಕ ಬೆನ್ನಿನಿ೦ದ ಈ ಪದರವನ್ನು ಕಿತ್ತು ತೆಗೆಯಿರಿ. ಹೀಗೆ ಮಾಡಿದಲ್ಲಿ ಬೆನ್ನ ಮೇಲಿನ ಕೂದಲು ಸುಲಭವಾಗಿ ನಿವಾರಣೆಯಾಗುತ್ತದೆ.

ಅರಿಶಿನ ಹಾಗೂ ಉಪ್ಪು - ಇವುಗಳ ಮಿಶ್ರಣದ ಪೇಸ್ಟ್

ಬೆನ್ನಿನ ಮೇಲಿರಬಹುದಾದ ಕೂದಲನ್ನು ಶಾಶ್ವತವಾಗಿ ನಿವಾರಿಸುವ ನಿಟ್ಟಿನಲ್ಲಿ ಅರಿಶಿನ ಹಾಗೂ ಉಪ್ಪು ಇವುಗಳ ಮಿಶ್ರಣವು ಮತ್ತೊ೦ದು ಮನೆಮದ್ದಾಗಿರುತ್ತದೆ. ಈ ಮಿಶ್ರಣದಲ್ಲಿರುವ ಉಪ್ಪು ಬೆನ್ನಿನ ಮೇಲಿನ ಕೂದಲುಗಳ ಬೇರುಗಳನ್ನು ಸಡಿಲಗೊಳಿಸುತ್ತದೆ ಹಾಗೂ ಅರಿಶಿನವು ಆ ಭಾಗದ ತ್ವಚೆಯ ಕಾ೦ತಿಯನ್ನು ಹೆಚ್ಚಿಸುತ್ತದೆ.