ಕಲೆರಹಿತ ಬೆನ್ನು ನಿಮ್ಮದಾಗಬೇಕೆ?

ಮಹಿಳೆಯರಿಗೆ ಪುರುಷರಿಗಿಂತ ಸೌಂದರ್ಯ ಪ್ರಜ್ಞೆ ಅಧಿಕವಿರುತ್ತದೆ. ಅಲ್ಲದೆ ಫ್ಯಾಷನಬಲ್ ಡ್ರೆಸ್ ಧರಿಸುವಾಗ ತ್ವಚೆ ಆರೈಕೆ ಕೊಡುವುದು ಅಗತ್ಯ. ಡೀಪ್ ನೆಕ್ ನ ಡ್ರೆಸ್ ಧರಿಸುವುದು ಈಗೀನ ಫ್ಯಾಷನ್ ಆಗಿದೆ. ಸೀರೆ ಬ್ಲೌಸ್ ಅಂತೂ ತುಂಬಾ ಡೀಪ್ ಆಗಿರಬೇಕೆಂದು ಟೈಲರ್ ಗೆ ಅಳತೆ ಕೊಡುವಾಗ ಹೇಳಿಯೇ ಬ್ಲೌಸ್ ಸ್ಟಿಚ್ ಮಾಡಲು ಕೊಡುತ್ತಾರೆ. ಈ ರೀತಿಯ ಡೀಪ್ ನೆಕ್ ನ ಡ್ರೆಸ್ ಹಾಕುವಾಗ ಬೆನ್ನು ಕೂಡ ಸುಂದರವಾಗರಬೇಕು. ಬೆನ್ನಿನಲ್ಲಿ ಮೊಡವೆ, ಕಲೆಗಳಿದ್ದರೆ ನೋಡುಗರಿಗೆ ನಿಮ್ಮ ಬ್ಲೌಸ್ ಅಥವಾ ಡ್ರೆಸ್ ಡಿಸೈನ್ ಗಿಂತ ನಿಮ್ಮ ಕಲೆಯೇ ಎದ್ದು ಕಾಣುವಂತಾಗುವುದು.

ಬೆನ್ನಿನಲ್ಲಿ ಕಲೆಗಳಿದ್ದರೆ ನಿಮ್ಮ ಇಷ್ಟದ ಡ್ರೆಸ್ ಧರಿಸಲು ಆಗುವುದಿಲ್ಲವೆಂದು ಚಿಂತೆ ಮಾಡಬೇಡಿ. ಈ ಕೆಳಗಿನಂತೆ ಮಾಡಿದರೆ ಕಲೆರಹಿತ ಸುಂದರ ಬೆನ್ನು ನಿಮ್ಮದಾಗುವುದು.

ಸ್ಟೀಮ್ ಬಾತ್: ಹಬೆ ನಿಮ್ಮ ತ್ವಚೆಯನ್ನು ಸುಂದರವಾಗಿಸಲು ಸಹಾಯಮಾಡುತ್ತದೆ. ಏಕೆಂದರೆ ಹಬೆ ಬಿದ್ದಾಗ ತಾಗಿದಾಗ ರಂಧ್ರಗಳು ತೆರೆದುಕೊಳ್ಳುತ್ತದೆ. ಬಿಸಿ ನೀರನ್ನು ಕಾಯಿಸಿ ಅದರ ಹಬೆಗೆ ನಿಮ್ಮ ಬೆನ್ನನ್ನು 5-10 ನಿಮಿಷ ಕಾಲ ಹಿಡಿಯರಿ. ಈ ರೀತಿ ಮಾಡುತ್ತಾ ಬಂದರೆ ಬೆನ್ನಿನಲ್ಲಿರುವ ಕಲೆಗಳು ಕಡಿಮೆಯಾಗುವುದು.

ಸ್ಕ್ರಬ್: ಬೆನ್ನನ್ನು ಚೆನ್ನಾಗಿ ತಿಕ್ಕಿ, ನಿಮಗೆ ಸಾಧ್ಯವಾಗದಿದ್ದರೆ ಮನೆಯಲ್ಲಿ ಅಮ್ಮ ಅಥವಾ ಸಹೋದರಿಯ ಕೈಯಿಂದ ತಿಕ್ಕಿಸಿಕೊಳ್ಳಿ. ಬೆನ್ನಿಗೆ ನಿಂಬೆ ಹಣ್ಣು ಹಚ್ಚಿ ಬೆನ್ನು ತಿಕ್ಕಿ ಸ್ವಲ್ಪ ಹೊತ್ತು ಬಿಟ್ಟು ಬೆನ್ನು ಉಜ್ಜಿದರೆ ಕಲೆ ಕಡಿಮೆಯಾಗುವುದು.

ಕಲೆಯನ್ನು ಮರೆ ಮಾಚುವುದು: ಮೊಡವೆ ಕಲೆಯಿದ್ದರೆ ಕನ್ಸೀಲರ್ ಹಚ್ಚಿ ಮರೆ ಮಾಚಿ ನಂತರ ಡೀಪ್ ನೆಕ್ ಡ್ರೆಸ್ ಹಾಕಬಹುದು.

ಎಣ್ಣೆ ಮಸಾಜ್: .ತ್ವಚೆಗೆ ಎಣ್ಣೆ ಮಸಾಜ್ ಮಾಡುತ್ತಿದ್ದರೆ ತ್ವಚೆ ಒಣಗುವುದಿಲ್ಲ ಹಾಗೂ ಕಲೆಗಳು ಉಂಟಾಗುವುದಿಲ್ಲ.