ಸಂಗಾತಿ ಜತೆ ಬಾಂಧವ್ಯ ಬೆಸೆಯುವುದು ಹೇಗೆ?

ಹೆಚ್ಚು ಕೇಳುಗರಾಗಿ

ಆರಂಭದಲ್ಲಿ ಸಂಗಾತಿಯನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳಲು ನೀವು ಹೆಚ್ಚು ಕೇಳುಗರಾಗಬೇಕು. ಇದರಿಂದಾಗಿ ನಿಮಗೆ ಸರಿಯಾಗಿ ಸಂವಹನ ನಡೆಸಲು ಸಾಧ್ಯವಾಗುವುದು. ಕೆಲವೊಂದು ಸಲ ಆರಂಭಿಕ ಹಂತದಲ್ಲಿ ನಿಮ್ಮ ಸಂಗಾತಿಯು ಏನಾದರೂ ಹೇಳಲು ಹಿಂಜರಿಯಬಹುದು. ಇದರಿಂದಾಗಿ ನೀವು ತುಂಬಾ ಎಚ್ಚರಿಕೆಯಿಂದ ಕೇಳಿ ಮತ್ತು ಅವರು ನಿಮ್ಮೊಂದಿಗೆ ಮಾತನಾಡಲು ಯಾವುದೇ ಹಿಂಜರಿಕೆ ಮಾಡದಂತೆ ಮಾಡಿ. ಸಂಗಾತಿಯು ಮಾತನಾಡುತ್ತಿರುವ ವೇಳೆ ನೀವು ಮಧ್ಯದಲ್ಲಿ ಮಾತನಾಡಲು ಹೋಗಬೇಡಿ. ಅವರು ಸಂಪೂರ್ಣವಾಗಿ ತಮ್ಮ ಭಾವನೆಗಳನ್ನು ವ್ಯಕ್ತ ಮಾಡಲಿ. ಇದರಿಂದ ಸಂಗಾತಿಯನ್ನು ಅರ್ಥ ಮಾಡಿಕೊಳ್ಳಲು ನಿಮಗೆ ನೆರವಾಗುವುದು.

Most Read: ನಿಮ್ಮ ಬಾಯ್ ಪ್ರೆಂಡ್ ಈ 7 ಚಿಹ್ನೆಗಳನ್ನು ಇಷ್ಟಪಡುತ್ತಾರೆ ಆದರೆ ಅದು ನಿಮ್ಮ ಮೇಲಿನ ಪ್ರೀತಿಯಲ್ಲ!

ಸಂಗಾತಿ ಮುಖದಲ್ಲಿ ಯಾವಾಗಲೂ ನಗು ತರಲು ಪ್ರಯತ್ನಿಸಿ

ಸಂಗಾತಿಯ ಮುಖದಲ್ಲಿ ನಗು ತರಿಸುವುದಕ್ಕಿಂತ ದೊಡ್ಡ ವಿಚಾರ ಬೇರೊಂದಿಲ್ಲ. ಸಂಬಂಧದಲ್ಲಿ ಸಂಗಾತಿಯ ಮುಖದಲ್ಲಿ ನಗು ತರುವುದು ನೀವು ಮಾಡುವಂತಹ ದೊಡ್ಡ ಸಾಧನೆ. ನಿಮ್ಮ ಸಂಗಾತಿಯು ಯಾವಾಗಲೂ ನಗುತ್ತಿರುವಂತೆ ಮಾಡಲು ನೀವು ಪ್ರಯತ್ನಿಸುತ್ತಾ ಇರಿ. ಇದರಿಂದ ಸಂಗಾತಿ ಜತೆಗಿನ ಸಂಬಂಧವು ಮತ್ತಷ್ಟು ಬಲವಾಗುವುದು ಮತ್ತು ಪರಸ್ಪರರ ಜತೆಗೆ ನೀವಿಬ್ಬರು ತುಂಬಾ ಹೊಂದಾಣಿಕೆಯಿಂದ ಇರಬಹುದು.

ಬೇಕು ಬೇಡಗಳನ್ನು ಸರಿಯಾಗಿ ತಿಳಿಯಿರಿ

ಸಂಗಾತಿಯನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳುವ ಮತ್ತೊಂದು ವಿಧಾನವೆಂದರೆ ನೀವು ಅವರ ಬೇಕು ಬೇಡಗಳನ್ನು ಸರಿಯಾಗಿ ತಿಳಿಯಬೇಕು. ಪ್ರತಿಯೊಂದು ಸಂದರ್ಭದಲ್ಲಿ ನೀವು ಅವರಿಗೆ ಏನು ಇಷ್ಟ ಮತ್ತು ಏನು ಇಷ್ಟವಿಲ್ಲ ಎಂದು ಕೇಳುತ್ತಾ ಇರಲು ಆಗಲ್ಲ. ಸಂಗಾತಿಯನ್ನು ನೀವು ತುಂಬಾ ಗಮನಿಸಬೇಕು ಮತ್ತು ಅವರಿಗೆ ಯಾವ ಆಹಾರ ಇಷ್ಟ, ಬಣ್ಣ ಇಷ್ಟ ಎಂದು ತಿಳಿಯಬೇಕು.

ಸಪ್ರೈಸ್ ನೀಡಿ

ಸಂಗಾತಿಯ ಮನಸ್ಸನ್ನು ಗೆಲ್ಲಲು ಸಪ್ರೈಸ್ ಗಿಂತ ಉತ್ತಮ ಸಾಧನ ಮತ್ತೊಂದಿಲ್ಲ. ಸಂಗಾತಿಯ ಮನಸ್ಸನ್ನು ಗೆಲ್ಲಲು ದೊಡ್ಡ ಮಟ್ಟದ ಹಣ ವ್ಯಯ ಮಾಡಬೇಕೆಂದಿಲ್ಲ.ಕೆಲವೊಂದು ಸಲ ಸಣ್ಣ ಸಣ್ಣ ಸಪ್ರೈಸ್ ಕೂಡ ದೊಡ್ಡ ಪ್ರಭಾವ ಬೀರುವುದು. ಅಡುಗೆ ಮಾಡುವುದು, ಸಣ್ಣ ಕವಿತೆ ಬರೆಯುವುದು, ಸಂಗಾತಿ ಕೆಲಸದಲ್ಲಿ ಜತೆ ನೀಡುವುದು ಇತ್ಯಾದಿಗಳು.

Most Read: ಮದುವೆಯಾಗುವ ವಿಚಾರವಿದ್ದರೆ ಇಂತಹ ಸಲಹೆಗಳಿಂದ ಜಾಗೃತರಾಗಿರಿ!

ಅಗತ್ಯತೆಗಳನ್ನು ತಿಳಿಯಿರಿ

ಹೂವುಗಳು ಹಾಗು ಚಾಕಲೇಟ್ ಗಳನ್ನು ಸಮಯಕ್ಕೆ ಸಮಯಕ್ಕೆ ನೀಡುತ್ತಲಿರುವುದು ನಿಮ್ಮ ಸಂಗಾತಿಯೊಂದಿಗೆ ಬಾಂಧವ್ಯ ಬೆಸೆಯಲು ಸರಿಯಾದ ವಿಧಾನವಲ್ಲ. ಸಂಗಾತಿಯ ಅಗತ್ಯತೆಗಳನ್ನು ಅರಿತುಕೊಂಡು ಅದಕ್ಕೆ ಸ್ಪಂದಿಸಬೇಕು. ದಿನಾಲೂ ನಿಮ್ಮ ಸಂಗಾತಿಯು ಯಾವೆಲ್ಲಾ ವಸ್ತುಗಳನ್ನು ಬಳಸುತ್ತಾರೆ ಎಂದು ತಿಳಿಯಿರಿ ಮತ್ತು ಅದಕ್ಕೆ ಅನುಗುಣವಾಗಿ ಅವರಿಗೆ ಇದನ್ನು ನೀಡುತ್ತಲಿರಿ. ಆಗ ನೀವು ಅವರ ಬಗ್ಗೆ ತುಂಬಾ ಕಾಳಜಿ ವಹಿಸುತ್ತಿದ್ದೀರಿ ಎಂದು ತಿಳಿಯುವುದು. ಸಣ್ಣ ವಿಚಾರದಲ್ಲೂ ನೀವು ಸಂಗಾತಿಯ ಬಗ್ಗೆ ಗಮನಹರಿಸಿದರೆ ಅವರಿಗೆ ತುಂಬಾ ಸಂತೋಷವಾಗುವುದು.