ಗಂಡ-ಹೆಂಡತಿಯರ ನಡುವೆ ಹೀಗೆಲ್ಲಾ ಆದರೆ, ಜೀವನ ಬಲು ಕಷ್ಟ!

ಪರಸ್ಪರ ಜತೆಯಾಗಿ ಸಮಯ ಕಳೆಯದೇ ಇರುವುದು

ಹಿಂದೆ ವಾರಾಂತ್ಯ ಬಂದರೆ ಸಾಕು ನೀವಿಬ್ಬರು ಜತೆಯಾಗಿ ಹೊರಗಡೆ ತಿರುಗಾಡಲು ಹೋಗಿ ಯಾವುದಾದರೂ ಸಿನಿಮಾ ನೋಡಿಕೊಂಡು, ರಾತ್ರಿ ಡಿಸ್ಕೋಗೆ ಹೋಗಿ ಅಲ್ಲೇ ಊಟ ಮಾಡಿ ಬರುತ್ತಾ ಇದ್ದೀರಿ. ಆದರೆ ಇಂದಿನ ದಿನಗಳಲ್ಲಿ ಆತ ತನ್ನ ಸ್ನೇಹಿತರು ಅಥವಾ ಮಹಿಳಾ ಸಹೋದ್ಯೋಗಿಗಳೊಂದಿಗೆ ಹೆಚ್ಚಿನ ಸಮಯ ಕಳೆಯುತ್ತಾ ಇರಬಹುದು. ಆತ ಹೊರಗಡೆ ಹೋಗದೆ ಇರಲು ಕೆಲವೊಂದು ಕಾರಣಗಳನ್ನು ಹುಡುಕಬಹುದು. ಇಂತಹ ಸಮಯದಲ್ಲಿ ನೀವು ಸಂಬಂಧದಿಂದ ದೂರವಾಗುವುದು ಒಳ್ಳೆಯದು.

ಪದೇ ಪದೆ ಜಗಳ

ಪ್ರತಿಯೊಂದು ಸಂಬಂಧಕ್ಕೂ ತನ್ನದೇ ಆಗಿರುವಂತಹ ಏರಿಳಿತಗಳು ಇದ್ದೇ ಇರುತ್ತದೆ. ಪ್ರತಿಯೊಬ್ಬ ದಂಪತಿ ಕೂಡ ಕೆಲವೊಂದು ಸಲ ಜಗಳವಾಡಿ, ವಾಗ್ವಾದ ಮಾಡುವರು. ಪ್ರೀತಿಯ ಸಂಬಂಧವೆಂದರೆ ಅದರಲ್ಲಿ ಹೊಟ್ಟೆಕಿಚ್ಚಿನಿಂದ ಹಿಡಿದು ಸಣ್ಣ ಜಗಳದ ಬಳಿಕದ ಆರೈಕೆಯು ಸೇರಿರುವುದು. ಆದರೆ ನೀವು ಹೋದ ಬಂದ ಕಡೆಯೆಲ್ಲಾ ಜಗಳವಾಡುತ್ತಾ ಇದ್ದರೆ ಆಗ ನೀವು ಇಂತಹ ಸಂಬಂಧದಿಂದ ದೂರವಾಗುವ ಕರೆಗಂಟೆಯಿದು. ಜಗಳವು ಒಳ್ಳೆಯ ರಜಾ ಪ್ರವಾಸವನ್ನು ಕೆಡಿಸಿದರೆ ಆಗ ನೀವು ದೂರವಾಗುವುದೇ ಒಳಿತು.

ದೂರುತ್ತಿರುವುದು

ನಿಮ್ಮ ಸಂಗಾತಿಯು ಹೋದ ಕಡೆಯೆಲ್ಲಾ ಅಂದರೆ ರಾತ್ರಿ ಪಾರ್ಟಿ ಮತ್ತು ಆತನ ಕೆಲಸದ ಜಾಗದಲ್ಲಿ ನಿಮ್ಮನ್ನು ದೂರುತ್ತಾ ಇದ್ದರೆ ಆಗ ನೀವು ಇದರ ಬಗ್ಗೆ ಏನಾದರೂ ಮಾಡಲೇಬೇಕು. ಆತನ ಸ್ನೇಹಿತರು ಅಥವಾ ಸಹೋದ್ಯೋಗಿಗಳು ಆತ ನಿಮ್ಮ ದೂರುತ್ತಿರುವ ಬಗ್ಗೆ ಹೇಳಿದ್ದರೆ ಆತ ನಿಮಗೋಸ್ಕರ ಇರುವವನಲ್ಲ. ಇದನ್ನು ಒಂದೆರಡು ಸಲ ನೀವು ಕಡೆಗಣಿಸಬಹುದು. ಆದರೆ ಪ್ರತೀ ಸಲ ಹೀಗೆ ಆದರೆ ನೀವು ಗುಡ್ ಬೈ ಹೇಳಬೇಕು.

ನೀವೇ ಎಲ್ಲಾ ಕೆಲಸಗಳನ್ನು ಮಾಡಬೇಕು

ಸಂಬಂಧವು ಗಟ್ಟಿಯಾಗಬೇಕೆಂದರೆ ಆಗ ಪರಸ್ಪರ ಇಬ್ಬರು ಜತೆಯಾಗಿದ್ದುಕೊಂಡು ಕೆಲಸ ಮಾಡಬೇಕು. ಆದರೆ ನೀವು ಏಕಾಂಗಿಯಾಗಿ ಸಂಬಂಧದ ರಥವನ್ನು ಎಳೆಯುತ್ತಾ ಇದ್ದರೆ ಖಂಡಿತವಾಗಿಯೂ ಜೀವನದ ಒಂದು ಹಂತದಲ್ಲಿ ನೀವು ಆಯಾಸಗೊಳ್ಳುತ್ತೀರಿ. ಒಂದೇ ಬದಿಯಿಂದ ಪ್ರಯತ್ನ ನಡೆಯುತ್ತಿದ್ದರೆ ಸಂಬಂಧವು ಸ್ಥಿರವಾಗಿರಲ್ಲ ಎಂದು ನೀವು ಅರಿತುಕೊಳ್ಳಬೇಕು.

ನಂಬಿಕೆಯ ಕೊರತೆ

ಸಂಗಾತಿಯು ಯಾವಾಗಲೂ ನಿಮ್ಮ ಇಮೇಲ್, ಮೊಬೈಲ್ ಕರೆ, ಮೆಸೇಜ್ ಮತ್ತು ಸಾಮಾಜಿಕ ಜಾಲತಾಣದ ಬಗ್ಗೆ ಯಾವಾಗಲೂ ಗಮನಿಸುತ್ತಾ ಇದ್ದರೆ ನಿಮ್ಮ ಸಂಬಂಧದಲ್ಲಿ ನಂಬಿಕೆ ಇಲ್ಲವೆಂದು ತಿಳಿದುಕೊಳ್ಳಬೇಕು. ಪ್ರೀತಿಯೆಂದರೆ ಪರಸ್ಪರರ ಮೇಲೆ ನಂಬಿಕೆ ಇಟ್ಟುಕೊಳ್ಳುವುದು. ಆಕೆ/ಆತ ನಿಮ್ಮ ಮೇಲೆ ನಂಬಿಕೆ ಇಡದಿದ್ದರೆ ಆಗ ಪ್ರೀತಿ ಮೂಡಲು ಹೇಗೆ ಸಾಧ್ಯ? ಅರೋಗ್ಯಕರ ಸಂಬಂಧದ ಬುನಾದಿಯೇ ನಂಬಿಕೆ. ಅದು ಇಲ್ಲವಾದಲ್ಲಿ ಸಂಬಂಧವೇ ಇರಲ್ಲ.

ಪ್ರಶಂಸಿಸದೆ ಇರುವುದು

ನೀವು ಧರಿಸುವ ಬಟ್ಟೆ, ಮಾಡಿದ ಅಡುಗೆ ಅಥವಾ ವೃತ್ತಿಯಲ್ಲಿ ನಿಮಗೆ ಸಿಕ್ಕಿರುವ ಭಡ್ತಿ ಬಗ್ಗೆ ಆತ/ ಆಕೆ ಯಾವಾಗಲೂ ಪ್ರಶಂಸೆ ಮಾಡುತ್ತಿದ್ದ. ಆತ ಪ್ರಶಂಸೆ ಮಾಡುತ್ತಿದ್ದ ಪದಗಳು ನಿಮಗೆ ಯಾವಾಗಲೂ ಪ್ರೇರಣೆಯಾಗಿರುತ್ತಿತ್ತು. ಸಂಗಾತಿಯನ್ನು ಪ್ರಶಂಸೆ ಮಾಡುವುದು ಆತ/ಆಕೆಯ ಮೇಲೆ ಪ್ರೀತಿ ತೋರಿಸಿದಂತೆ. ಪ್ರಶಂಸೆ ಮಾಡದೆ ಇರುವುದು ಸಂಗಾತಿಯು ನಿಮಗೆ ಬೆಂಬಲ ನೀಡುತ್ತಿಲ್ಲವೆಂದರ್ಥ. ಇದು ನಿಮಗೆ ತುಂಬಾ ಕೆಟ್ಟ ಅನುಭವವಾಗಬಹುದು. ಇದರ ಬಳಿಕ ನೀವು ದೂರ ಹೋಗುವುದೇ ಒಳಿತು.