ಸಂಗಾತಿಯ ಆಯ್ಕೆ ಮೊದಲು ಇದನ್ನೊಮ್ಮೆ ಓದಿಕೊಳ್ಳಿ

ಸಂಬಂಧ ಒಂದು ಬದಿಯಾಗಿದ್ದರೆ

ಸಂಬಂಧದಲ್ಲಿ ಇಬ್ಬರು ಸಂಗಾತಿಗಳು ಸರಿಯಾದ ಪರಿಶ್ರಮ ವಹಿಸಬೇಕಾಗುತ್ತದೆ. ಸಂಬಂಧದಲ್ಲಿ ನೀವು ಹೆಚ್ಚಿನ ಭಾರ ಹೊರಬೇಕೆಂದು ನಿಮ್ಮ ಸಂಗಾತಿಯು ಬಯಸಿದರೆ ಆಗ ಖಂಡಿತವಾಗಿಯೂ ಇದು ಆರೋಗ್ಯಕಾರಿಯಲ್ಲ. ಎಲ್ಲಾ ಕೆಲಸ, ಮನೆಗೆ ಸಾಮಾನು ತರುವುದು ಮತ್ತು ಬಟ್ಟೆ ಹೊಗೆಯುವುದು ಹೀಗೆ ಪ್ರತಿಯೊಂದನ್ನು ನೀವೇ ಮಾಡುತ್ತಾ ಇದ್ದರೆ ಆಗ ಸಂಬಂಧದಲ್ಲಿ ಒಂಟಿತನ ಕಾಡಲು ಆರಂಭವಾಗುವುದು.

ಭಾವನಾತ್ಮಕವಾಗಿ ಸಂಬಂಧದಲ್ಲಿ ಬಂಧಿಯಾಗಲು ಬಯಸಿಲ್ಲ

ದೀರ್ಘ ಕಾಲದ ಸಂಬಂಧದ ಬಗ್ಗೆ ನೀವು ಈಗಲೇ ಯೋಚಿಸದೆ ಇರಬಹುದು. ಆದರೆ ಈ ಸಂಬಂಧಕ್ಕೆ ಅವರು ಬದ್ಧರಾಗಿದ್ದಾರೆಯಾ ಅಥವಾ ಇಲ್ಲವಾ ಎನ್ನುವುದನ್ನು ತಿಳಿಯಬೇಕು. ಸಂಬಂಧದ ಬಗ್ಗೆ ಬದ್ಧತೆಯಿಲ್ಲದೆ ಇದ್ದರೆ ಈ ಸಂಬಂಧವು ಯಾವುದೇ ಸಮಯದಲ್ಲೂ ಕುಸಿದು ಬೀಳಬಹುದು. ಜಗಳದ ವೇಳೆ ಆತ ಸಂಬಂಧ ಕೊನೆಗೊಳಿಸುವ ಬಗ್ಗೆ ಮಾತನಾಡುತ್ತಿದ್ದಾನೆಯಾ? ಆತ ಹೀಗೆ ಮಾಡುತ್ತಾ ಇದ್ದರೆ ಖಂಡಿತವಾಗಿಯೂ ಆತನಿಗೆ ಬದ್ಧತೆಯಿಲ್ಲ.

ಆತನ ಅಹಂ ದೊಡ್ಡದು

ಸಂಬಂಧದಲ್ಲಿ ಅಹಂ ಎನ್ನುವ ಪದವು ಬರಲೇಬಾರದು. ನಿಮ್ಮ ಸಂಗಾತಿಯು ಒಳ್ಳೆಯ ಜತೆಗಾರ ಮತ್ತು ಇಬ್ಬರ ಮಧ್ಯೆ ಅಹಂ ಇರಲೇಬಾರದು. ಆತ ಮಾಡಿದ ತಪ್ಪಿಗೆ ಯಾವತ್ತಾದರೂ ಕ್ಷಮೆ ಕೇಳಿದ್ದಾನೆಯಾ? ಆತನ ಅಹಂ ಕ್ಷಮೆ ಕೇಳಲು ಅಡ್ಡಿಯಾಗುತ್ತಿದೆಯಾ? ಹೀಗೆ ಇದ್ದರೆ ಸಂಬಂಧವು ಹೆಚ್ಚು ಕಾಲ ಉಳಿಯುವುದಿಲ್ಲ.

ತುಂಬಾ ಗೌಪ್ಯ ವಿಚಾರಗಳು ಇವೆಯಾ?

ಜತೆಯಾಗಿ ಬದುಕುತ್ತಾ ಇದ್ದರೂ ಆತನ ಬಗ್ಗೆ ಸಂಪೂರ್ಣ ಮಾಹಿತಿ ನಿಮಗೆ ತಿಳಿಯದೆ ಇದ್ದರೆ ನೀವು ಸಂಶಯ ಪಡಲೇಬೇಕು. ಆತ ತನ್ನ ಕುಟುಂಬ ಮತ್ತು ಸ್ನೇಹಿತರ ಬಗ್ಗೆ ಮಾತನಾಡುತ್ತಿದ್ದಾನೆಯಾ? ಅವರನ್ನು ನೀವು ಭೇಟಿಯಾಗಿದ್ದೀರಾ? ಆತ ತನ್ನ ಕನಸು, ಪ್ರೇರಣೆ, ನಿರಾಶೆ ಮತ್ತು ಚಿಂತೆಯ ಬಗ್ಗೆ ಮಾತನಾಡುತ್ತಾನೆಯಾ? ಈ ಎಲ್ಲಾ ಪ್ರಶ್ನೆಗಳಿಗೆ ನಿಮ್ಮ ಉತ್ತರ ಇಲ್ಲ ಎಂದಾದರೆ ಆತನ ಚಪಲಕ್ಕೆ ನೀವು ಮತ್ತೊಂದು ಸೇರ್ಪಡೆ ಎಂದು ಭಾವಿಸಿಕೊಳ್ಳಿ. ಆತ ಯಾವುದೇ ಸಂಬಂಧಕ್ಕೆ ಯೋಗ್ಯನಲ್ಲ.

ಸಂಬಂಧದಲ್ಲಿ ಸಂವಹನ ಶೂನ್ಯವಾಗಿದ್ದರೆ

ಸಂಬಂಧದಲ್ಲಿ ಸಂವಹನ ಎನ್ನುವುದು ತುಂಬಾ ಮುಖ್ಯ. ಬದ್ಧತೆಯಿರುವಂತಹ ಸಂಬಂಧದಲ್ಲಿ ಸಂಗಾತಿಗಳು ಪ್ರತಿಯೊಂದನ್ನು ಹಂಚಿಕೊಳ್ಳುತ್ತಾರೆ. ನಿಮ್ಮ ಸಂಗಾತಿಯು ಯಾವುದರ ಬಗ್ಗೆಯೂ ಮಾತನಾಡದೆ ಇದ್ದರೆ ಚಿಂತೆ ಮಾಡುವ ಸರದಿ ನಿಮ್ಮದಾಗಿದೆ.

ಆತನ ಹಾಸ್ಯಪ್ರವೃತ್ತಿ ತಮಾಷೆಯಾಗಿಲ್ಲವೇ?

ವ್ಯಕ್ತಿಯೊಬ್ಬನು ಯಾವ ವಿಷಯದ ಬಗ್ಗೆ ನಗುತ್ತಾನೆ ಎನ್ನುವುದು ಆತನ ನಡವಳಿಕೆ ಬಗ್ಗೆ ತಿಳಿಸುತ್ತದೆ. ಹೀಯಾಳಿಸುವಂತಹ ಜೋಕ್ ಗಳನ್ನು ಹೇಳುತ್ತಾ ನಗುತ್ತಾ ಇದ್ದರೆ ಅದು ಖಂಡಿತವಾಗಿಯೂ ನಿಮಗೆ ನಗು ಉಂಟು ಮಾಡಲಿಕ್ಕಿಲ್ಲ. ಭಾವನೆಗಳೇ ಇಲ್ಲದ ತಮಾಷೆಯನ್ನು ಸಂಬಂಧದಲ್ಲಿ ಹಾಸ್ಯವೆಂದು ಪರಿಗಣಿಸಲು ಸಾಧ್ಯವಿಲ್ಲ.