ಆ ಒಂದು ಕ್ಷಣದಲ್ಲಿ ಎದುರಿನ ವ್ಯಕ್ತಿಗೆ ಆಕರ್ಷಿತವಾಗಿ ಬಿಡುತ್ತೇವೆ!

ವಾಸ್ತವ #1

ಒಂದು ಅಧ್ಯಯನವು ಮನುಷ್ಯರು ಇತರರ ಸುಂದರ ಮುಖವನ್ನು ನೋಡಿ ಆಕರ್ಷಿತರಾಗುತ್ತಾರೆ ಎಂದು ತಿಳಿಸಿತು. ಓರೆ ಕೋರೆಗಳಿಲ್ಲದ ಮುಖವನ್ನು ನೋಡಿದರೆ ಎಂತಹವರಾದರೂ ಆಕರ್ಷಿತರಾಗುತ್ತಾರೆ. ಇದಕ್ಕೆ ಅಲ್ಲವೇ ಚಲನಚಿತ್ರ ನಟ-ನಟಿಯರು ನಮಗೆ ಆಕರ್ಷಕವಾಗಿ ಕಾಣುವುದು. ಅವರ ಮುಖವು ತಿದ್ದಿ ತೀಡಿದಂತೆ ಆಕರ್ಷಕವಾಗಿರುತ್ತದೆ. ಅದೇ ಅವರ ಆಕರ್ಷಣೆಯ ಗುಟ್ಟು ಎಂದು ನಮಗೂ ಗೊತ್ತು, ಅವರಿಗೂ ಗೊತ್ತು.

ವಾಸ್ತವ #2

ಈ ಅಧ್ಯಯನವು ನಾವು ಮತ್ತೊಬ್ಬರ ದೇಹದ ಆಕಾರವನ್ನು ನೋಡಿ ಆಕರ್ಷಿತರಾಗುತ್ತೇವೆ ಎಂದು ತಿಳಿಸಿತು. ಬಳಕುವ ಬಳ್ಳಿ, ಸಿಕ್ಸ್-ಪ್ಯಾಕ್ ಸುಂದರಾಂಗ, ಇತರೆ ಮಾದರಿಯ ವ್ಯಕ್ತಿಗಳ ದೇಹದ ಆಕಾರವನ್ನೆ ನೋಡಿ ನಾವು ಆಕರ್ಷಿತರಾಗುತ್ತೇವೆ. ಅದರಲ್ಲಿಯೂ ನಮಗೆ ಗೊತ್ತೇ ಇಲ್ಲದೆ ಆಕರ್ಷಿತರಾಗುತ್ತೇವೆ ಎಂಬುದು ಸತ್ಯ.

ವಾಸ್ತವ #3

ಆರೋಗ್ಯಕರವಾಗಿರುವ ಲುಕ್ (ಯೌವನ) ನಮ್ಮನ್ನು ಆಕರ್ಷಿಸುತ್ತದೆ. ಅದಕ್ಕೆ ಅಲ್ಲವೇ ರಜನಿಕಾಂತ್, ಅಮಿತಾಬ್ ಮುದುಕರು ಎಂದು ನಾವು ಒಪ್ಪುವುದಿಲ್ಲ. ರೇಖಾ-ಶ್ರೀದೇವಿಯವರನ್ನು ಸಹ ನಾವು ಹೀಗೆಯೇ ನೋಡುತ್ತೇವೆ. ಯೌವನ ವಯಸ್ಸಿನಿಂದಲ್ಲ, ಆರೋಗ್ಯಕರವಾಗಿ ಕಾಣುವುದರಲ್ಲಿ ಅಡಗಿದೆ.

ವಾಸ್ತವ #4

ನೀವು ಯಾರನ್ನಾದರೂ ಧ್ವನಿಯನ್ನು ಕೇಳಿಯೇ ಇಷ್ಟಪಟ್ಟಿದ್ದೀರಾ? ಹೌದು, ಧ್ವನಿ ಸಹ ನಿಮ್ಮನ್ನು ಮೋಡಿ ಮಾಡುತ್ತದೆ. ಮಧುರವಾಗಿ ಮಾತನಾಡುವ ಹೆಂಗಸರು ಗಂಡಸರಿಗೆ ಪ್ರಿಯವಾದರೆ, ಕಂಚಿನ ಕಂಠದ ಪುರುಷರ ಧ್ವನಿ ಮಹಿಳೆಯರಿಗೆ ಪ್ರಿಯವಾಗಿರುತ್ತದೆ.

ವಾಸ್ತವ #5

ನೀವು ಇದನ್ನು ನಂಬಲಾರಿರಿ! ಯಾರು ತುಂಬಾ ದೂರ ಓಡುತ್ತಾರೋ? ಅವರು ಆಕರ್ಷಕವಾಗಿ ಕಾಣುತ್ತಾರೆ. ಅಥ್ಲೆಟಿಕ್‌ನಲ್ಲಿ ಪಾಲ್ಗೊಳ್ಳುವ ವ್ಯಕ್ತಿಗಳಲ್ಲಿ ಟೆಸ್ಟೋಸ್ಟಿರೋನ್ ಮಟ್ಟಗಳು ಹೆಚ್ಚಾಗಿರುತ್ತವೆ. ಜೊತೆಗೆ ಓಟವು ದೇಹವನ್ನು ಉತ್ತಮ ಆಕಾರದಲ್ಲಿಡುತ್ತದೆ. ಪುರುಷರು ಓಡುತ್ತಿದ್ದಲ್ಲಿ, ಅವರಲ್ಲಿ ವೀರ್ಯಗಳ ಸಂಖ್ಯೆ ಸಹ ಅಧಿಕವಾಗಿ ಇರುತ್ತವೆ.

ವಾಸ್ತವ #6

ಆಧುನಿಕ ವಿಶ್ವದಲ್ಲಿ ಬುದ್ಧಿವಂತಿಕೆ ಮತ್ತು ಜ್ಞಾನ ಸಹ ಆಕರ್ಷಣೆಯ ಅಂಶಗಳಾಗಿ ಪರಿಗಣಿಸಲ್ಪಡುತ್ತವೆ.

ವಾಸ್ತವ #7

ಕೊನೆಯ ಅಂಶ ಸಾಮಾಜಿಕ ಸ್ಥಾನಮಾನ ಮತ್ತು ಸಂಪತ್ತು ಸಹ ಇಂದಿನ ದಿನಗಳಲ್ಲಿ ಆಕರ್ಷಣೆಯ ಅಂಶವಾಗಿ ಪರಿಗಣಿಸಲ್ಪಡುತ್ತದೆ. ಆದರೆ ತಾಳಿ, ಹಾಗೆಂದು ಹಣವೊಂದಿದ್ದರೆ ಸಾಕು ಎಂದು ಭಾವಿಸಬೇಡಿ. ಅದರ ಜೊತೆಗೆ ನಿಮ್ಮನ್ನು ಮೇಲೆ ಎದ್ದು ತೋರುವಂತೆ ಮಾಡುವ ಕೆಲವೊಂದು ಅಂಶಗಳು ಇರಬೇಕು ಎಂಬುದನ್ನು ಮರೆಯಬೇಡಿ.