ಪ್ರೇಮಿಗಳ ದಿನದಂದು ಹಸಮಣೆಯೇರಿದ ಸೆಲೆಬ್ರಿಟಿಗಳು

Relationship

oi-Reena

By Hema S

Published: Tuesday, February 7, 2012, 17:53 [IST]

ಮದುವೆಯೆಂಬುದು ಸ್ವರ್ಗದಲ್ಲಿ ನಿಶ್ಚಿತವಾಗಿರುತ್ತದೆ ಎಂದು ಹೇಳುವರಿದ್ದಾರೆ. ಕೆಲವೊಮ್ಮೆ ಆಗಿರಬಹುದಾ ಅನಿಸುತ್ತದೆ. ಏಕೆಂದರೆ ಎಷ್ಟೋ ಜನರನ್ನು ನಾವು ನೋಡುತ್ತಿದ್ದರೂ ಪ್ರೀತಿಯೆಂಬುದು ಹುಟ್ಟುವುದು ಕೇವಲ ಒಬ್ಬ ವ್ಯಕ್ತಿಯಲ್ಲಿ ಮಾತ್ರ. ಪ್ರೀತಿ ಪ್ರೇಮ ಎಂಬ ಪ್ರಣಯ ಕತೆಗಳು ಯಾವತ್ತಿಗೂ ಜನರ ಮೆಚ್ಚುಗೆಯನ್ನು ಪಡೆಯುತ್ತದೆ.

ಪ್ರೇಮಿಸಿ ಮದುವೆಯಾದವರ ಪಟ್ಟಿ ತುಂಬಾ ದೊಡ್ಡದಿದೆ. ಕೆಲವರು ಮದುವೆಯಾಗಿ ಪ್ರೀತಿಸುತ್ತಾರೆ. ಅದರಲ್ಲೂ ಕೆಲ ನಟ-ನಟಿರ ಪರದೆಯಲ್ಲಿಷ್ಟೇ ಅಲ್ಲ ನಿಜ ಜೀವನದಲ್ಲಿ ಪ್ರೀತಿಸಿ ಮದುವೆಯಾಗುತ್ತರೆ. ಮುಂದೆ ಅವರು ಕೂಡಿ ಬಾಳುತ್ತಾರೊ ಎಂದು ಜನ ಸಾಮಾನ್ಯರು ತಾರೆಯರತ್ತ ಸಂಶಯದ ದೃಷ್ಟಿ ಬೀರುತ್ತಾರೆ.

ಹೊಸ ವರ್ಷದಲ್ಲಿ ಮಗು ಪಡೆಯಲು ಕೆಲವರು ಬಯಸುತ್ತಾರೆ. ಪ್ರೇಮಿಗಳ ದಿನ ಎಷ್ಟೋ ಜನರು ಮದುವೆಯಾಗುತ್ತಾರೆ. ಅದರಲ್ಲಿ ಕೆಲವರು ಮತ್ತೊಂದು ಪ್ರೇಮಿಗಳ ದಿನದಂದು ಡೈವೋರ್ಸ್ ಕೂಡ ಕೊಟ್ಟಿರುತ್ತಾರೆ.

ಪ್ರೇಮಿಗಳ ದಿನದಂದು ಮದುವೆಯಾದ ಕೆಲವು ಸೆಲೆಬ್ರಿಟಿಗಳ ಪಟ್ಟಿ ಇಲ್ಲಿದೆ.

1. ಶಾರೋನ್ ಸ್ಟೋನ್ ಮತ್ತು ಪಿಲ್ ಬ್ರೋನ್ ಸ್ಟೈನ್ : ಪಿಲ್ ಬ್ರೋನ್ ಸ್ಟೈನ್ ಖ್ಯಾತ ಪತ್ರಕರ್ತ. ಅವರು ಶಾರೋನ್ ಸ್ಪೋನ್ ಅನ್ನು 1998ರಲ್ಲಿ ಮದುವೆಯಾದರು. ಈ ಜೋಡಿಯು 6 ವರ್ಷಗಳ ಕಾಲ ದಾಂಪತ್ಯ ನಡೆಸಿ ನಂತರ ವಿಚ್ಛೇಧನ ಪಡೆದುಕೊಂಡರು. ಈ ದಂಪತಿಗಳಿಗೆ ಒಬ್ಬ ದತ್ತು ಪುತ್ರನಿದ್ದು iಇವರು ಡಿವೋರ್ಸ್ ಆಗಿದ್ದರೂ ಅವನನ್ನು ಸಾಕುವ ಹೊಣೆ ಇಬ್ಬರೂ ಹೊತ್ತುಕೊಂಡಿದ್ದಾರೆ.

2. ಮೆಗ್ ರೆಯಾನ್ ಮತ್ತು ಡೆನ್ನೀಸ್ ಕ್ವಾಡ್: ಜನಪ್ರಿಯ ನಟಿಯಾಗಿದ್ದ ಮೆಗ್ ರೆಯಾನ್ ಜನವರಿ 14ರಂದು ಜನಪ್ರಿಯ ನಟನಾಗಿ ಹೆಸರುಗಳಿಸದ್ದ ಡೆನ್ನೀಸ್ ಕ್ವಾಡ್ ಅನ್ನು ಮದುವೆಯಾದರು.

3. ಮಂದಿರಾ ಬೇಡಿ ಮತ್ತು ರಾಜ್ ಕುಶ್ವಾಲ್: ಜನಪ್ರಿಯ ಬಾಲಿಹುಡ್ ನಟಿ ಮಂದಿರಾ ಬೇಡಿ, ಬಾಲ್ ಸಿನಿಮಾ ನಿರ್ದೇಶಕ
ರಾಜ್ ಕುಶ್ವಾಲ್ ಅನ್ನು ಪ್ರೇಮಿಗಳ ದಿನದಂದು ಕೈ ಹಿಡಿದರು. ಆದರೆ ಅವರ ಮದುವೆ ಆ ದಿನ ಎರಡು ಬಾರಿ ನಡೆಯುತು. ಮಂದಿರಾಳದು ಸಿಖ್ ಧರ್ಮವಾಗಿದ್ದು ರಾಜ್ ಹಿಂದೂ ಧರ್ಮದವನಾದ್ದರಿಂದ ಎರಡೂ ಧರ್ಮದ ಶಾಸ್ತ್ರದಂತೆ 2ನೇ ಬಾರಿ ಮದುವೆ ನಡೆಯಿತು.

4. ಸಲ್ಮಾ ಹಾಯಕ್ ಮತ್ತು ಫ್ರಾಂಕೋಯಿಸ್ ಪಿನಾಲ್ಟ್ : ಬಾಲಿವುಡ್ ನ ಹಾಟ್ ನಟಿಯಾಗಿದ್ದ ಸಲ್ಮಾ ಹಯೆಕ್ 2009ರಲ್ಲಿ ಅಗರ್ಭ ಶ್ರೀಮಂತ ಪಿನಾಲ್ಟ್ ಅನ್ನು ಪ್ಯಾರಿಸಿನಲ್ಲಿ ಮದುವೆಯಾದರು.

5. ಏಂಡ್ರಿನಾ ಲಿಮಾ ಮತ್ತು ಮಾರ್ಕೋ ಜಾರಿಕ್ : ಇವರಿಬ್ಬರ ಮದುವೆ ಪ್ರೇಮಿಗಳ ದಿನದಲ್ಲಿ ಆಗಿದ್ದು ಅಷ್ಟೇ ಅಲ್ಲದೆ ಇದೊಂದು ರಹಸ್ಯ ಮದುವೆಯಾಗಿತ್ತು. ಏಂಡ್ರಿನಾ ಲಿಮಾ ಅವಳ ಜೊತೆ ಬಾಸ್ಕೆಟ್ ಬಾಲ್ ಆಡಲು ಬರ್ತಾ ಇದ್ದ ಮಾರ್ಕೋ ಜಾರಿಕ್ ಜೊತೆ ಓಡಿಹೋಗಿ ಮದುವೆಯಾಗಿದ್ದಳು.