ಹಬ್ಬಕ್ಕೆ ಸ್ಪೆಷಲ್ ಗೀರೈಸ್ ಘಮಲು ಹರಡಲಿ

ಹಬ್ಬದಲ್ಲಿ ತುಪ್ಪದ ಘಮಲು ಮನೆತುಂಬಾ ಹರಡುವಂತೆ ಮಾಡುವ ಗೀರೈಸ್ ಬಾಯಿಗೂ ರುಚಿ, ಹೊಟ್ಟೆಗೂ ಹಿತ. ರುಚಿಕರವಾದ ಗೀರೈಸ್ ಅನ್ನು ಸುಲಭವಾಗಿ ಮಾಡುವ ವಿಧಾನವನ್ನು ಇಲ್ಲಿ ತಿಳಿದುಕೊಳ್ಳಿ.

ಗೀರೈಸ್ ಗೆ ಏನೇನು ಬೇಕು?: 2 ಕಪ್ ಬಾಸುಮತಿ ಅಕ್ಕಿ, 1/4 ಕಪ್ ತುಪ್ಪ, 1/2 ಕಪ್ ತೆಂಗಿನ ಹಾಲು, 1 ಚೆಕ್ಕೆ, 1 ಲವಂಗ, 2 ಪಲಾವ್ ಎಲೆ, ಏಲಕ್ಕಿ ಪುಡಿ, 1 ಚಮಚ ಜೀರಿಗೆ, ತುಪ್ಪದಲ್ಲಿ ಕರಿದ ದ್ರಾಕ್ಷಿ, ಗೋಡಂಬಿ, ಉಪ್ಪು

ಗೀರೈಸ್ ಮಾಡುವ ವಿಧಾನ:
* ಜೀರಿಗೆ, ಪಲಾವ್ ಎಲೆ, ಏಲಕ್ಕಿ, ಚೆಕ್ಕೆ, ಲವಂಗವನ್ನು ತುಪ್ಪದಲ್ಲಿ ಹುರಿದುಕೊಳ್ಳಬೇಕು. ಅದಕ್ಕೆ ಅಕ್ಕಿಯನ್ನು ಹಾಕಿ ಕೆಲವು ಸೆಂಕೆಂಡ್ ಚೆನ್ನಾಗಿ ಹುರಿದುಕೊಳ್ಳಬೇಕು.

* ಈಗ ಬಾಣಲೆಯಲ್ಲಿರುವುದನ್ನು ಪ್ರೆಶರ್ ಕುಕ್ಕರ್ ಗೆ ಹಾಕಿ ಅದಕ್ಕೆ ತೆಂಗಿನ ಹಾಲು, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು 3 ಕಪ್ ನೀರು ಹಾಕಿ, ಉಳಿದ ತುಪ್ಪವನ್ನೂ ಬೆರೆಸಿ 3 ಕೂಗಿನವರೆಗೂ ಬೇಯಿಸಬೇಕು.

* ಕುಕ್ಕರ್ ತೆಗೆದ ನಂತರ, ತುಪ್ಪದಲ್ಲಿ ಹುರಿದ ದ್ರಾಕ್ಷಿ, ಗೋಡಂಬಿ ಬೆರೆಸಿದರೆ ಬಿಸಿಯಾದ ಗೀರೈಸ್ ತಿನ್ನಲು ರೆಡಿಯಾಗಿರುತ್ತೆ.