ಹಾಗಲಕಾಯಿ ಸುಕ್ಕಾ ರೆಸಿಪಿ

ಹಾಗಲಕಾಯಿ ಕಹಿಯಾಗಿದ್ದರೂ ಅದನ್ನು ಸರಿಯಾದ ಪದಾರ್ಥಗಳನ್ನು ಬಳಸಿ ಮಾಡಿದರೆ ಹೆಚ್ಚೇನು ಕಹಿ ಅನಿಸದೆ ತುಂಬಾ ರುಚಿಕರವಾಗಿರುತ್ತದೆ. ಇಲ್ಲಿ ನಾವು ಆ ರೀತಿಯ ಹಾಗಲಕಾಯಿ ಸುಕ್ಕಾ ರೆಸಿಪಿ ನೀಡಿದ್ದೇವೆ.

ಇದನ್ನು ಬೇಗನೆ ಮಾಡಬಹುದಾಗಿದ್ದು, ಅನ್ನದ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ:

ಬೇಕಾಗುವ ಸಾಮಾಗ್ರಿಗಳು
ಹಾಗಲಕಾಯಿ 4(ಸಾಧಾರಣ ಗಾತ್ರದ್ದು)
ಈರುಳ್ಳಿ 2
ಟೊಮೆಟೊ 2
ಆಲೂಗಡ್ಡೆ 1
ಹಸಿ ಮೆಣಸಿನಕಾಯಿ 3
ಅರಿಶಿಣ ಪುಡಿ 1/4 ಚಮಚ
ಖಾರದ ಪುಡಿ 1/4 ಚಮಚ
ಜೀರಿಗೆ ಪುಡಿ 1/4 ಚಮಚ
ತೆಂಗಿನ ತುರಿ 4-5 ಚಮಚ
ರುಚಿಗೆ ತಕ್ಕ ಉಪ್ಪು
ನಿಂಬೆ ರಸ 2 ಚಮಚ
ಕರಿ ಬೇವಿನ ಎಲೆ
ಎಣ್ಣೆ 2 ಚಮಚ

ತಯಾರಿಸುವ ವಿಧಾನ:

* ಉಪ್ಪು, ಖಾರದ ಪುಡಿ, ಅರಿಶಿಣ ಪುಡಿ, ನಿಂಬೆ ರಸವನ್ನು ಕತ್ತರಿಸಿದ ಹಾಗಲಕಾಯಿ ಜೊತೆ ಹಾಕಿ ಮಿಕ್ಸ್ ಮಾಡಿ ಒಂದು ಗಂಟೆ ಕಾಲ ಇಡಿ.

* ನಂತರ ತಳ ಸ್ವಲ್ಪ ಅಗಲವಿರುವ ಪಾತ್ರೆಗೆ ಫ್ರೈ ಮಾಡಲು ಸಾಕಾಗುವಷ್ಟು ಎಣ್ಣೆ ಹಾಕಿ ಅದರಲ್ಲಿ ಹಾಗಲಕಾಯಿ ಹಾಕಿ ಅದು ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ ಒಂದು ಪಾತ್ರೆಯಲ್ಲಿ ತೆಗೆದಿಡಿ.

* ಈಗ ಅದೇ ಪಾತ್ರೆಗೆ 1 ಚಮಚ ಎಣ್ಣೆ ಹಾಕಿ ಬಿಸಿ ಮಾಡಿ, ಜೀರಿಗೆ ಹಾಕಿ ಹಸಿ ಮೆಣಸಿನಕಾಯಿ, ಕರಿ ಬೇವಿನ ಎಲೆ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮತ್ತು ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ. ನಂತರ ಟೊಮೆಟೊ ಹಾಕಿ 2-3 ನಿಮಿಷ ಫ್ರೈ ಮಾಡಿ, ಈಗ ಫ್ರೈ ಮಾಡಿಟ್ಟ ಹಾಗಲಕಾಯಿ ಹಾಕಿ, ಗರಂ ಮಸಾಲ, ತುರಿದ ತೆಂಗಿನಕಾಯಿ, ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸ್ ಮಾಡಿ ಮತ್ತೆ 5 ನಿಮಿಷ ಫ್ರೈ ಮಾಡಿದರೆ ಹಾಗಲಕಾಯಿ ಗೊಜ್ಜು ರೆಡಿ.