ಚಾಂಪ್ ಮಸಾಲ: ರಂಜಾನ್ ಸ್ಪೆಷಲ್

ಚಾಂಪ್ ಮಸಾಲ ಸ್ವಾದಿಷ್ಟಕರವಾದ ನಾನ್ ವೆಜ್ ಅಡುಗೆಯಾಗಿದೆ. ಈ ಅಡುಗೆಯ ಮತ್ತೊಂದು ವಿಶೇಷವೆಂದರೆ ಯಾವುದೇ ಬಗೆಯ ಮಾಂಸ ಬಳಸಿ ಇದನ್ನು ತಯಾರಿಸಬಹುದು. ಇಲ್ಲಿ ನಾವು ಮಟನ್ ಹಾಕಿ ಮಾಡುವ ರೆಸಿಪಿ ನೀಡಿದ್ದೇವೆ.

ರಂಜಾನ್ ತಿಂಗಳಿನಲ್ಲಿ ವಿಶೇಷ ಅಡುಗೆಯಾಗಿ ಈ ಚಾಂಪ್ ಮಸಾಲವನ್ನು ಟ್ರೈ ಮಾಡಬಹುದು. ಚಾಂಪ್ ಮಸಾಲವನ್ನು ಫ್ರೈಡ್ ರೈಸ್ ಅಥವಾ ರೊಟ್ಟಿ ಜೊತೆ ತಿನ್ನಲು ತುಂಬಾ ಸ್ವಾದಿಷ್ಟಕರವಾಗಿರುತ್ತದೆ.

ಬೇಕಾಗುವ ಸಾಮಾಗ್ರಿಗಳು
ಮಟನ್ ಅರ್ಧ ಕೆಜಿ( ಮೂಳೆ ಸಹಿತ ಮಟನ್)
ಟೊಮೆಟೊ 2 (ಪೇಸ್ಟ್ ಮಾಡಿ)
ಶುಂಠಿ -ಬೆಳ್ಳುಳ್ಳಿ ಪೇಸ್ಟ್ 2 ಚಮಚ
ಖಾರದ ಪುಡಿ(ರುಚಿಗೆ ತಕ್ಕಷ್ಟು)
ಮೊಸರು 1 ಕಪ್
ರುಚಿಗೆ ತಕ್ಕ ಉಪ್ಪು
ಗರಂ ಮಸಾಲ 1 ಚಮಚ
ಕರಿ ಜೀರಿಗೆ(shah jeera seed)1ಚಮಚ
ವೈಟ್ ವಿನೆಗರ್ 1 ಚಮಚ
ಚಕ್ಕೆ ಮತ್ತು ಲವಂಗದ ಪುಡಿ 1 ಚಮಚ
ಎಣ್ಣೆ 2 ಚಮಚ
ನೀರು 1 ಕಪ್
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಸ್ವಲ್ಪ ನಿಂಬೆ ರಸ

ತಯಾರಿಸುವ ವಿಧಾನ:

* ಮಾಂಸವನ್ನು ಸ್ವಚ್ಛ ಮಾಡಿ ಚೆನ್ನಾಗಿ ತೊಳೆಯಿರಿ.

* ಈಗ ಪ್ರೆಶರ್ ಕುಕ್ಕರ್ ನಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಬಿಸಿ ಮಾಡಿ, ಅದು ಬಿಸಿಯಾದಾಗ ಕರಿ ಜೀರಿಗೆ ಹಾಕಿಒಂದು ನಿಮಿಷ ಬಿಸಿ ಮಾಡಿ, ನಂತರ ಪೇಸ್ಟ್ ಮಾಡಿದ ಟೊಮೆಟೊ ಹಾಗೂ ಈರುಳ್ಳಿ ಹಾಕಿ 5 ನಿಮಿಷ ಸೌಟ್ ನಿಂದ ಆಡಿಸುತ್ತಾ ಬೇಯಿಸಿ.

* ನಂತರ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಮತ್ತೆ 2 ನಿಮಿಷ ಸೌಟ್ ನಿಂದ ಆಡಿಸುತ್ತಾ ಬೇಯಿಸಿ.

* ಈಗ ಮೊಸರು, ಖಾರದ ಪುಡಿ, ರುಚಿಗೆ ತಕ್ಕ ಉಪ್ಪು, ಗರಂ ಮಸಾಲ, ಚಕ್ಕೆ ಮತ್ತು ಲವಂಗ ಪುಡಿ ಹಾಕಿ, ನಿಂಬೆ ರಸ ಮತ್ತು ವೈಟ್ ವಿನೆಗರ್ ಹಾಕಿ ಮಿಕ್ಸ್ ಮಾಡಿ, ನಂತರ ಮಾಂಸವನ್ನು ಹಾಕಿ ಕಡಿಮೆ ಉರಿಯಲ್ಲಿ 5 ನಿಮಿಷ ಬಿಸಿ ಮಾಡಿ ನಂತರ 1 ಕಪ್ ನೀರು ಹಾಕಿ ಕುಕ್ಕರ್ ನ ಬಾಯಿ ಮುಚ್ಚಿ, 4-5 ವಿಶಲ್ ಬರುವವರೆಗೆ ಬೇಯಿಸಿ.

* ನಂತರ ಕುಕ್ಕರ್ ಅನ್ನು ಹತ್ತು ನಿಮಿಷ ಹಾಗೇ ಇಟ್ಟು ನಂತರ ಓಪನ್ ಮಾಡಿ ಕೊತ್ತಂಬರಿ ಸೊಪ್ಪು ಹಾಕಿದರೆ ಚಾಂಪ್ ಮಸಾಲ ರೆಡಿ.

ಇದನ್ನು ಫ್ರೈಡ್ ರೈಸ್ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.