ರುಚಿಕರ ಮತ್ತು ಆರೋಗ್ಯಕರ ಎಗ್ ಪಕೋಡ

Published: Saturday, February 11, 2012, 16:38 [IST]

ಮೊಟ್ಟೆಯಲ್ಲಿ ಪ್ರೊಟೀನ್ ಅಧಿಕವಿರುವುದರಿಂದ ಪ್ರತಿನಿತ್ಯ ಒಂದು ಮೊಟ್ಟೆ ತಿನ್ನಬೇಕು. ಮೊಟ್ಟೆಯಿಂದ ಅನೇಕ ರೀತಿಯ ರುಚಿಕರ ತಿಂಡಿಗಳನ್ನು ತಯಾರಿಸಬಹುದು. ಇವತ್ತು ನಾವು ಮೊಟ್ಟೆಯಿಂದ ಪಕೋಡ ತಯಾರಿಸುವ ವಿಧಾನವನ್ನು ತಿಳಿಯೋಣ. ಮಾಡಲು ಸುಲಭವಾಗಿರುವ ಈ ತಿಂಡಿಯನ್ನು ಸಾಯಾಂಕಾಲದ ಟೀ ಜೊತೆ ಸೇವಿಸಲು ತುಂಬಾ ರುಚಕರವಾಗಿರುತ್ತದೆ.

ಬೇಕಾಗುವ ಸಾಮಾಗ್ರಿಗಳು:
* ಬೇಯಿಸಿದ 4 ಮೊಟ್ಟೆ
* 3 ಚಮಚ ಕಡಲೆ ಹಿಟ್ಟು
* ರುಚಿಗೆ ತಕ್ಕ ಉಪ್ಪು
* ಕೆಂಪು ಮೆಣಸಿನ ಪುಡಿ ( ಖಾರ ತುಂಬಾ ಬೇಕೆಂದರೆ 1 ಚಮಚಕ್ಕಿಂತ ಸ್ವಲ್ಪ ಜಾಸ್ತಿ ಹಾಕಿ).
* ಕರಿಮೆಣಸಿನ ಪುಡಿ
* ಎಣ್ಣೆ

ತಯಾರಿಸುವ ವಿಧಾನ:

1.ಮೊಟ್ಟೆಯನ್ನು ಎರಡು ಅಥವಾ ನಾಲ್ಕು ಹೋಳಾಗಿ ಕತ್ತರಿಸಬೇಕು.
2. ಕತ್ತರಿಸಿದ ಮೊಟ್ಟೆ ಮೇಲೆ ಸ್ವಲ್ಪ ಉಪ್ಪು ಮತ್ತು ಕರಿಮೆಣಸಿನ ಪುಡಿ ಚಿಮುಕಿಸಿ.
3. ಒಂದು ಬಟ್ಟಲಿನಲ್ಲಿ ಕಡಲೆಹಿಟ್ಟು, ಮೆಣಸಿನ ಪುಡಿ, ಕರಿಮೆಣಸಿನ ಪುಡಿ, ರುಚಿಗೆ ತಕ್ಕ ಉಪ್ಪು ಹಾಕಿ ಗಟ್ಟಿಯಾದ ಮಿಶ್ರಣ ಮಾಡಬೇಕು.
4. ಅದರಲ್ಲಿ ಮೊಟ್ಟೆ ತುಂಡುಗಳನ್ನು ಮಿಶ್ರ ಮಾಡಬೇಕು.
5. ಬಾಣಲೆಯಲ್ಲಿ ಎಣ್ಣೆ ಕುದಿಯುವಾಗ ಮೊಟ್ಟೆ ತುಂಡುಗಳನ್ನು ಹಾಕಿ ಆ ಮೊಟ್ಟೆ ಪಕೋಡ ಕಂದು ಬಣ್ಣಕ್ಕೆ ಬರುವಾಗ ತೆಗೆದರೆ ರುಚಿಕರ ಮತ್ತು ಆರೋಗ್ಯಕರ ಎಗ್ ಪಕೋಡ ರೆಡಿ.