ರುಚಿಕರವಾದ ಗೋಲ್ಡನ್ ಶೇಕ್ ರೆಸಿಪಿ

Drinks

oi-Staff

By Super

Updated: Monday, October 12, 2015, 14:10 [IST]

ಧಗೆಯಲ್ಲಿ ಬಾಯಾರಿಕೆಯನ್ನು ಕಡಿಮೆಮಾಡಲು ಐಸ್ ಕ್ರೀಮ್‌ಗಿಂತ ಜ್ಯೂಸ್ ಅಥವಾ ಮಿಲ್ಕ್ ಸೇಕ್ ಕುಡಿಯಲು ಇಷ್ಟಪಡುತ್ತೇವೆ. ಮಿಲ್ಕ್ ಶೇಕ್‌ಗಳಲ್ಲಿ ಸಪೋಟಾ, ದಾಳಿಂಬೆ, ಸೇಬಿನ ಮಿಲ್ಕ್ ಶೇಕ್ ಚಿರಪರಿಚಿತ. ಇವುಗಳಷ್ಟೆ ರುಚಿಕರವಾದ ಮತ್ತೊಂದು ಶೇಕ್ ಗೋಲ್ಡನ್ ಶೇಕ್. ಹೆಚ್ಚಿನ ಜನರಿಗೆ ಇದು ಚಿರಪರಿಚಿತ. ರುಚಿ ಮತ್ತು ಆರೋಗ್ಯಕ್ಕೂ ತುಂಬಾ ಒಳ್ಳೆಯದಾಗಿರುವ ಗೋಲ್ಡನ್ ಶೇಕ್ ಮಾಡುವ ಸುಲಭ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* 1 ಕಪ್ ಅನನಾಸ್ (ಪೈನಾಪಲ್) ಜ್ಯೂಸ್
* 1 ಕಪ್ ಕಿತ್ತಳೆ ರಸ
* 2 ಕಪ್ ಹಾಲು
* 1 ಕಪ್ ತಾಜಾ ಕ್ರೀಮ್
* 6 ಚಮಚ ಸಕ್ಕರೆ
* ಐಸ್ ಕ್ಯೂಬ್

ತಯಾರಿಸುವ ವಿಧಾನ:
1. ಕಿತ್ತಳೆ, ಪೈನಾಪಲ್ ಮಿಶ್ರ ಮಾಡಿ ಅದಕ್ಕೆ ಸಕ್ಕರೆ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.
2. ನಂತರ ಹಾಲನ್ನು ಹಾಕಿ ಮಿಶ್ರ ಮಾಡಬೇಕು.
3. ಈಗ ಗ್ಲಾಸ್‌ಗೆ ಐಸ್ ಕ್ಯೂಬ್ ಹಾಕಿ ಅದಕ್ಕೆ ಈ ಜ್ಯೂಸ್ ಮಿಶ್ರಣವನ್ನು ಹಾಕಬೇಕು, ನಂತರ ಕ್ರೀಮ್ ಸೇರಿಸಿದರೆ ಗೋಲ್ಡನ್ ಶೇಕ್ ರೆಡಿ.

ಈ ಮೇಲಿನ ಅಳತೆಯಲ್ಲಿ ಮಿಶ್ರಣ ಮಾಡಿದರೆ 5 ಗ್ಲಾಸ್ ಗೋಲ್ಡನ್ ಶೇಕ್ ತಯಾರಿಸಬಹುದು.