ತಲೆಬಿಸಿಯಾದ್ರೆ ಕೋಲ್ಡ್ ಕಾಫಿ ಕುಡಿದ್ಬಿಡಿ

Published: Monday, February 6, 2012, 12:29 [IST]

ಏನ್ರಿ ಕಾಫಿ ತುಂಬಾ ತಣ್ಣಗಿದೆ, ಬಿಸಿಬಿಸಿ ಕೊಡ್ರಿ ಎಂದು ಕೋಲ್ಡ್ ಕಾಫಿ ನೋಡಿ ಹೇಳೋದು ಹಳೆ ಜೋಕ್ಸ್. ಬಿಸಿಬಿಸಿ ಕಾಫಿಯಂತೆ ಕೋಲ್ಡ್ ಕಾಫಿ ಕೂಡ ಫೇಮಸ್ಸು. ಕಾಫಿ ತಣ್ಣಗಿದ್ದರೇನಂತೆ. ಇದು ಮನಸ್ಸನ್ನು ಬಿಸಿಬಿಸಿಯಾಗಿಸುತ್ತೆ. ಗೆಳೆಯರೊಂದಿಗೆ ಹರಟೆ ಹೊಡೆಯುತ್ತಾ ಕುಳಿತಿರುವಾಗ ಬಿಸಿ-ಬಿಸಿ ವಿಷಯಗಳೊಂದಿಗೆ ತಣ್ಣನೆಯ ಕಾಫಿ ಹೀರಲು ತುಂಬಾ ಹಿತವಾಗಿರುತ್ತದೆ. ಅಂದ್ಹಾಂಗೆ ಕೋಲ್ಡ್ ಕಾಫಿ ಮಾಡಲು ತಲೆಬಿಸಿ ಮಾಡುವ ಅವಶ್ಯಕತೆಯಿಲ್ಲ. ಇದರ ರೆಸಿಪಿ ವಿಧಾನ ತುಂಬಾ ಸುಲಭ.

ಬೇಕಾಗುವಸಾಮಾಗ್ರಿಗಳು:

* ನೆಸ್ ಕೆಫೆ ಅಥವಾ ಬ್ರೂ- 1ಚಮಚ
* ತಣ್ಣನೆಯ ಹಾಲು- 1 ಕಪ್
* ಸಕ್ಕರೆ 2 ಚಮಚ
* ವೆನಿಲ್ಲಾ ಐಸ್ ಕ್ರೀಮ್ 1 ಸ್ಕೂಪ್
* ಐಸ್

ತಯಾರಿಸುವ ವಿಧಾನ:

1. ಹಾಲು, ಸಕ್ಕರೆ ಮತ್ತು ಕಾಫಿಯನ್ನು ಹಾಕಿ ಮಿಕ್ಸಿಯಲ್ಲಿ 2 ನಿಮಿಷ ಆಡಿಸಬೇಕು.

2. ಅದಕ್ಕೆ ವೆನಿಲ್ಲಾ ಐಸ್ ಸ್ಕೂಪ್ ಸೇರಿಸಿ ಮತ್ತೊಮ್ಮೆ ಆಡಿಸಬೇಕು.

3. ಈಗ ದ್ರಾವಣವನ್ನು ದೊಡ್ಡ ಗ್ಲಾಸ್ ನಲ್ಲಿ ಸುರಿದು ಅದಕ್ಕೆ ಐಸ್ ಹಾಕಿದರೆ ಕೋಲ್ಡ್ ಕಾಫಿ ರೆಡಿ.