ಯಾರಿಗೆ ಅವಳಿ ಮಕ್ಕಳಾಗುವ ಸಾಧ್ಯತೆ ಹೆಚ್ಚು ಗೊತ್ತಾ?

ಕುಟುಂಬದಲ್ಲಿ ಅವಳಿ ಮಕ್ಕಳಾಗಿದ್ದರೆ

ಕುಟುಂಬದಲ್ಲಿ ಯಾರಿಗಾದರೂ ಅವಳಿ ಮಕ್ಕಳಾಗಿದ್ದರೆ ನಮಗೂ ಅವಳಿ ಮಕ್ಕಳಾಗುವ ಸಾಧ್ಯತೆ ಇದೆ. ಆದರೆ ಈ ರೀತಿ ಪತ್ನಿ ಕುಟುಂಬದಲ್ಲಿ ಇದ್ದರೆ ಮಾತ್ರ ಆಗುತ್ತದೆ. ಅಂದರೆ ಪತ್ನಿ ಕಡೆ ಯಾರಿಗಾದರೂ ಅವಳಿ ಮಕ್ಕಳಾಗಿದ್ದರೆ ಆಗುವ ಸಾಧ್ಯತೆ ಇದೆ, ಅದೇ ಪತಿಯ ಕಡೆ ಇದ್ದರೆ ನಿಮಗೆ ಅವಳಿ ಮಕ್ಕಳಾಗುವುದಿಲ್ಲ.

ಇದಕ್ಕಿಂತ ಮೊದಲು ಅವಳಿ ಮಕ್ಕಳಾಗಿದ್ದರೆ

ಈಗಾಗಲೇ ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದರೆ ಮತ್ತೊಮ್ಮೆ ಗರ್ಭ ಧರಿಸಿದಾಗ ಅವಳಿಯಾಗುವ ಸಾಧ್ಯತೆ ಹೆಚ್ಚು.

ಗರ್ಭಧಾರಣೆಯಾಗುವಾಗ ವಯಸ್ಸಾಗಿದ್ದರೆ

ವಯಸ್ಸಾದ ಮೇಲೆ ಗರ್ಭಧಾರಣೆಯಾದರೆ ಅಂದ್ರೆ ವಯಸ್ಸು 35 ದಾಟಿದ ಬಳಿಕ ಗರ್ಭಧಾರಣೆಯಾದರೆ ಅವಳಿ ಮಕ್ಕಳಾಗಬಹುದು.

ಈ ಗರ್ಭಧಾರಣೆಗೆ ಮೊದಲು ಮಕ್ಕಳಾಗಿದ್ದರೆ

ಒಂದು ಅಥವಾ ಎರಡು ಮಕ್ಕಳು ಹುಟ್ಟಿದ ಬಳಿಕ ಮತ್ತೊಮ್ಮೆ ಗರ್ಭಿಣಿಯಾದರೆ ಅಂಥವರಿಗೆ ಅವಳಿ ಮಕ್ಕಳಾಗುವ ಸಾಧ್ಯತೆ ಹೆಚ್ಚಿದೆ.

ಸಂತಾನೋತ್ಪತ್ತಿ ಚಿಕಿತ್ಸೆ ಪಡೆದಿದ್ದರೆ

ಯಾರು IVF, ಮತ್ತಿತರ ಸಂತಾನೋತ್ಪತ್ತಿ ಚಿಕಿತ್ಸೆ ಪಡೆಯುತ್ತಾರೋ ಅವರಿಗೆ ಅವಳಿ ಅಥವಾ ತ್ರಿವಳಿ ಮಕ್ಕಳಾಗುವ ಸಾಧ್ಯತೆ ತುಂಬಾ ಅಧಿಕವಿದೆ. ಇದೀಗ ಫರ್ಟಿಲಿಟಿ ಚಿಕಿತ್ಸೆ ಮತ್ತಷ್ಟು ಅಡ್ವಾನ್ಸ್ ಆಗಿರುವುದರಿಂದ ಅವಳಿ ಮಕ್ಕಳ ಜನನವಾಗುವುದು ಕಡಿಮೆಯಾಗಿದೆ.

ಮೈ ತೂಕ ಹೆಚ್ಚಿದ್ದರೆ

ಯಾರು ಗರ್ಭಿಣಿಯಾಗುವ ಮುನ್ನ ಅಧಿಕ ಮೈ ತಕ ಹೊಂದಿರುತ್ತಾರೋ ಅವರು ಗರ್ಭಿಣಿಯಾದಾಗ ಅವಳಿ ಜನಿಸುವ ಸಾಧ್ಯತೆ ಹೆಚ್ಚು.