ಗರ್ಭಿಣಿಯರು ಕೋವಿಡ್ 19 ಬೂಸ್ಟರ್ ಶಾಟ್‌ ಪಡೆಯಬಹುದೇ?

ಗರ್ಭಿಣಿಯರಿಗೆ ಕೊರೊನಾದ ಅಪಾಯ

ಗರ್ಭಿಣಿಯರಿಗೆ ಕೋವಿಡ್ 19 ತಗುಲಿದರೆ ಅಪಾಯ ಹೆಚ್ಚು. ಕೆಲವರ ಆರೋಗ್ಯ ಸ್ಥಿತಿ ತುಂಬಾ ಗಂಭೀರವಾಗುವುದು. ಎರಡನೇ ಅಲೆಯಲ್ಲಿ ಎಷ್ಟೋ ಗರ್ಭಿಣಿಯರು ಪ್ರಾಣವನ್ನು ಕಳೆದುಕೊಂಡಿದ್ದಾರೆ, ಇನ್ನು ಕೆಲವರಿಗೆ ಗರ್ಭಪಾತವಾಗಿದೆ. ಆದ್ದರಿಂದ ಗರ್ಭಿಣಿಯರಿಗೆ ಕೋವಿಡ್ 19 ತಗುಲುವುದು ಅಪಾಯಕಾರಿಯಾಗಿದೆ. ಅಲ್ಲದೆ ಗರ್ಭಿಣಿಯರಿಗೆ ಕೋವಿಡ್ 19 ತಗುಲುವುದು ತಪ್ಪಿಸಲು ಲಸಿಕೆ ಪಡೆಯುವಂತೆ ತಜ್ಞರು ಸಲಹೆ ನೀಡುತ್ತಿದ್ದಾರೆ.

ಗರ್ಭಿಣಿಯರು ಕೋವಿಡ್ 19 ಲಸಿಕೆ ಪಡೆಯುವುದು ಸುರಕ್ಷಿತ, ಇದರಿಂದ ಮಗು ಹಾಗೂ ತಾಯಿಯ ಮೇಲೆ ಯಾವುದೇ ಅಡ್ಡಪರಿಣಾಮ ಬೀರಿಲ್ಲ ಎಂಬುವುದಾಗಿ ಅಧ್ಯಯನ ವರದಿಗಳು ತಿಳಿಸಿವೆ. ಲಸಿಕೆ ಪಡೆದಾಗ ಇತರರಿಗೆ ಉಂಟಾದಂತೆ ಸಣ್ಣ-ಪುಟ್ಟ ಅಡ್ಡಪರಿಣಾಮ ಕಾಣಿಸಬಹುದು, ಆದರೆ ಗಂಭೀರವಾದ ಸಮಸ್ಯೆಗಳಾಗಿಲ್ಲ. ಕೊರೊನಾ ಲಸಿಕೆಗಳು ಕೋವಿಡ್ 19 ವಿರುದ್ಧ ಗರ್ಭಿಣಿ ಮಹಿಳೆಯರಿಗೆ ಸುರಕ್ಷತೆಯನ್ನು ನೀಡುತ್ತದೆ.

ಗರ್ಭಿಣಿಯಾಗಿದ್ದರೆ ಬೂಸ್ಟರ್ ಪಡೆಯಬಹುದಾ?

ಹೌದು, ನೀವು ಬೂಸ್ಟರ್ ಪಡೆಯಲು ಅರ್ಹರಾಗಿದ್ದರೆ ಗರ್ಭಿಣಿಯಾದವರೂ ಬೂಸ್ಟರ್ ಪಡೆಯಬಹುದು. ಬೂಸ್ಟರ್ ಪಡೆಯುವುದರಿಂದ ನಿಮ್ಮ ಹಾಗೂ ಮಗುವಿನ ಸುರಕ್ಷತೆಗೆ ಒಳ್ಳೆಯದು, ನೀವು ಕೋವಿಡ್ 19 2ನೇ ಲಸಿಕೆ ಪಡೆದು 9 ತಿಂಗಳು ಕಳೆದಿದ್ದರೆ ಬೂಸ್ಟರ್ ಅಥವಾ ಪ್ರಿವೆನ್ಷನ್ ಡೋಸ್ ಪಡೆಯುವುದರಿಂದ ಸುರಕ್ಷತೆ ಹೆಚ್ಚು.

ಬೂಸ್ಟರ್ ಪಡೆಯುವುದು ಅವಶ್ಯಕ ಏಕೆ?

* ಕೋವಿಡ್ 19 ಎರಡು ಲಸಿಕೆ ಪಡೆದು 6 ತಿಂಗಳು ಕಳೆದವರಲ್ಲಿ ರೋಗ ನಿರೋಧಕ ಶಕ್ತಿ ಕುಗ್ಗಿರುವುದು ತಿಳಿದು ಬಂದಿದೆ. ಹಾಗಾಗಿ ರೋಗ ನಿರೋಧಕ ಶಕ್ತಿಯನ್ನು ವೃದ್ದಿಸಲು ಬೂಸ್ಟರ್ ಅಗ್ಯತವಾಗಿದೆ.

* ಬೂಸ್ಟರ್ ಪಡೆಯುವುದರಿಂದ ಕೋವಿಡ್ 19 ಅಪಾಯ ಕಡಿಮೆಯಾಗುವುದು.

* ಗರ್ಭಿಣಿಯರು ಬೂಸ್ಟರ್‌ ಪಡೆಯುವ ಮೂಲಕ ಹುಟ್ಟಲಿರುವ ಮಗುವಿನ ಸುರಕ್ಷತೆ ಸಿಗುವುದು.

ಬೂಸ್ಟರ್ಗೆ ಸಿಡಿಸಿಯಿಂದ ಅನುಮತಿ ಸಿಕ್ಕಿದ್ದು ಎಲ್ಲಾ ಗರ್ಭಿಣಿಯರು ಸೇರಿದಂತೆ ಎಲ್ಲಾ ವಯಸ್ಕರು ಪಡೆದುಕೊಳ್ಳಬಹುದು ಎಂದು ಹೇಳಿದೆ.