ಗರ್ಭಿಣಿಯರಿಗೆ ಲೋಹದ ರುಚಿ ಇಷ್ಟವಾಗುತ್ತದೆಯಂತೆ!! ಯಾಕೆ ಹೀಗೆ..?

ಹಾರ್ಮೋನುಗಳ ಏರಿಳಿತ

ಗರ್ಭಿಣಿಯರ ದೇಹದಲ್ಲಿರುವ ಹಾರ್ಮೋನುಗಳು ತ್ವರಿತವಾಗಿ ಮೇಲಕ್ಕೇರಿ ಕೆಳಕ್ಕಿಳಿಯುತ್ತವೆ. ಅದರಲ್ಲೂ ಪ್ರಥಮ ತ್ರೈಮಾಸಿಕದಲ್ಲಿ ಇದು ಸಾಮಾನ್ಯ ವಾಗಿರುತ್ತದೆ. ಮಗುವನ್ನು ತನ್ನಲ್ಲಿ ಸೇರಿಸಿಕೊಳ್ಳುವುದಕ್ಕಾಗಿ ದೇಹವು ಸಾಕಷ್ಟು ತಯಾರಿಯನ್ನು ನಡೆಸಬೇಕಾಗುತ್ತದೆ. ಇದರಲ್ಲಿ ಹಾರ್ಮೋನುಗಳ ಒಗ್ಗೂಡುವಿಕೆ ಮುಖ್ಯವಾಗುತ್ತದೆ. ಈಸ್ಟ್ರೋಜನ್ ಕಾರಣದಿಂದ ರುಚಿಯಲ್ಲಿ ವೈಪರೀತ್ಯಗಳು ಉಂಟಾಗುತ್ತವೆ. ಇದರ ಪರಿಣಾಮ ಆಹಾರಗಳ ಮೇಲೆ ಉಂಟಾಗುತ್ತವೆ. ಅಂತೆಯೇ ಸಿಹಿಯ ಸ್ಥಾನದಲ್ಲಿ ಖಾರ ತಿನ್ನಬೇಕೆಂಬ ಬಯಕೆ ಉಂಟಾಗುವುದೂ ಇದಕ್ಕೆ ಕಾರಣವಾಗಿದೆ.

ರುಚಿ ಮತ್ತು ವಾಸನೆಗಿರುವ ಸಂಬಂಧ

ಸಾಮಾನ್ಯ ಮನುಷ್ಯರಿಗೆ ಆಹಾರದ ರುಚಿಯನ್ನು ತಿಳಿಯಲು ಹಲವಾರು ಜಿಹ್ವಾಗ್ರಂಥಿಗಳು ಸಹಾಯ ಮಾಡುತ್ತವೆ. ಗರ್ಭಿಣಿ ಮಹಿಳೆಯಲ್ಲಿ ವಾಸನೆಯನ್ನು ಗ್ರಹಿಸುವ ಶಕ್ತಿ ಅಧಿಕವಾಗಿರುತ್ತದೆ. ವಾಸನೆಯು ಅಧಿಕವಾದಲ್ಲಿ ನಾಲಗೆಯಲ್ಲಿ ಮೆಟಾಲಿಕ್ ರೀತಿಯ ರುಚಿ ಕಾಣಿಸಿಕೊಳ್ಳುತ್ತದೆ.

ದುಪ್ಪಟ್ಟು ಪ್ರಮಾಣದಲ್ಲಿ ನೀರು

ಸಾಮಾನ್ಯರುವ ಕುಡಿಯುವ ನೀರಿನ ಪ್ರಮಾಣಕ್ಕಿಂತ ಗರ್ಭಿಣಿ ಸ್ತ್ರೀಯು ದುಪ್ಪಟ್ಟು ಪ್ರಮಾಣದಲ್ಲಿ ನೀರು ಕುಡಿಯಬೇಕು. ದೇಹವನ್ನು ಹೈಡ್ರೇಟ್ ಆಗಿ ಇರಿಸಿಕೊಳ್ಳಬೇಕು. ಒಮ್ಮೊಮ್ಮೆ ಬೇರೆ ಬೇರೆ ಕಾರಣಗಳಿಂದಾಗಿ ಕೂಡ ನೀರು ಮೆಟಾಲಿಕ್ ಮಾದರಿಯ ರುಚಿಯನ್ನು ನೀಡಬಲ್ಲುದು. ಕಬ್ಬಿಣ, ಮೆಗ್ನೇಶಿಯಂ, ಜಿಂಕ್ ಮತ್ತು ತಾಮ್ರದ ರುಚಿಯನ್ನು ನಿಮ್ಮ ನಾಲಗೆಯು ಹೊರಸೂಸುತ್ತದೆ.

ಪೂರಕ ಆಹಾರಗಳ ಸೇವನೆ

ದೇಹಕ್ಕೆ ಬೇಕಾದ ಸೂಕ್ತ ಪೋಷಕಾಂಶಗಳನ್ನು ನೀಡುವುದಕ್ಕಾಗಿ ಪೂರಕ ಆಹಾರಗಳನ್ನು ಸೇವಿಸಲು ಹೇಳುತ್ತಾರೆ. ಸುಲಲಿತ ಗರ್ಭಾವಸ್ಥೆಗಾಗಿ ಇರುವ ಈ ಆಹಾರಗಳಲ್ಲಿ, ಸತು, ಕಬ್ಬಿಣದ ಅಂಶಗಳು ಇರುತ್ತವೆ. ಇದರಿಂದಾಗಿ ಕೂಡ ಮೆಟಾಲಿಕ್ ರುಚಿ ನಿಮ್ಮ ಬಾಯಲ್ಲಿ ಬರಬಹುದು.

ಹಲ್ಲಿನ ಸಮಸ್ಯೆ

ದಿನದಲ್ಲಿ ಎರಡು ಬಾರಿ ಹಲ್ಲುಜ್ಜುವುದು ಮತ್ತು ಆಗಾಗ್ಗೆ ಬಾಯಿ ಮುಕ್ಕಳಿಸುವುದು ಅತ್ಯವಶ್ಯಕವಾಗಿದೆ. ನೀವು ಈ ಕ್ರಿಯೆಯನ್ನು ಮಾಡಿಲ್ಲ ಎಂದಾದಲ್ಲಿ ದಂತ ಕುಳಿಯ ಸಮಸ್ಯೆಗಳನ್ನು ನೀವು ಎದುರಿಸಬೇಕಾಗುತ್ತದೆ. ಮತ್ತು ಮೆಟಾಲಿಕ್ ರುಚಿಯನ್ನು ನೀವು ಆಸ್ವಾದಿಸಬೇಕಾಗುತ್ತದೆ.

ಇತರ ಕಾರಣಗಳು

ಈ ರೀತಿಯ ರುಚಿಗಳು ಗರ್ಭಿಣಿಯರನ್ನು ಇತರ ಬೇಡದ ಆಹಾರಗಳ ಸೇವನೆಯಿಂದ ಕಾಪಾಡುತ್ತದೆ. ಇದು ತಾಯಿ ಮತ್ತು ಮಗುವಿಗೆ ರಕ್ಷಣೆಯನ್ನು ನೀಡುತ್ತದೆ ಎಂಬುದು ಜನರ ಅಭಿಪ್ರಾಯವಾಗಿದೆ. ತಾಯಿಯು ಸಾಕಷ್ಟು ಪ್ರಮಾಣದಲ್ಲಿ ಐರನ್, ಸೋಡಿಯಂ ಮತ್ತು ಕ್ಯಾಲ್ಶಿಯಂ ಅನ್ನು ಸೇವಿಸಬೇಕು ಎಂಬುದು ಇದರ ಅರ್ಥವಾಗಿದೆ. ಅದಾಗ್ಯೂ ನೀವು ಗರ್ಭಾವಸ್ಥೆಯ ಸಮಯದಲ್ಲಿ ಈ ರೀತಿಯ ರುಚಿಯನ್ನು ಆಸ್ವಾದಿಸಬೇಕಾದ ಸಂದರ್ಭದಲ್ಲಿ ಗಾಬರಿಗೊಳ್ಳಬೇಕಾಗಿಲ್ಲ. ಇನ್ನು ರುಚಿ ಹೆಚ್ಚಾಗುತ್ತಿದೆ ಎಂದಾದಲ್ಲಿ ಕೂಡಲೇ ವೈದ್ಯರನ್ನು ಕಾಣಿ.