ಗರ್ಭಾವಸ್ಥೆಯಲ್ಲಿ ವಾಕರಿಕೆ ಸಮಸ್ಯೆ-ಇಲ್ಲಿದೆ ಸಿಂಪಲ್ ಟಿಪ್ಸ್

ಸಲಹೆ #1

ಮೊದಲಿಗೆ ಸಣ್ಣ ಪ್ರಮಾಣದಲ್ಲಿ ಆಹಾರವನ್ನು ಸೇವಿಸುತ್ತಿದ್ದೀರಿ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ, ದಿನದಲ್ಲಿ 3-4 ಭೂರೀ ಭೋಜವನ್ನು ಸೇವಿಸುವುದರ ಬದಲಿಗೆ ಆಗಾಗ್ಗೆ ಸಣ್ಣ ಪ್ರಮಾಣದಲ್ಲಿ ಆಹಾರ ಸೇವಿಸಿ. ಇದು ಆಮ್ಲತೆ ಸಮಸ್ಯೆಯನ್ನು ನಿವಾರಿಸಿ ವಾಕರಿಕೆಯನ್ನು ದೂರಮಾಡುತ್ತದೆ.

ಸಲಹೆ #2

ಆಹಾರದ ಮೇಲಿನ ಬಯಕೆ ಈ ಸಮಯದಲ್ಲಿ ಸರ್ವೇ ಸಾಮಾನ್ಯವಾಗಿರುತ್ತದೆ. ನೀವು ಅದಕ್ಕಾಗಿ ತಿಂಡಿಪೋತರಾದಲ್ಲಿ ನಿಮ್ಮ ವಾಕರಿಕೆಯನ್ನು ಇದು ಹೆಚ್ಚಿಸುತ್ತದೆ. ಆದ್ದರಿಂದ ಸೀಮಿತ ಪ್ರಮಾಣದಲ್ಲಿ ಆಹಾರ ಸೇವಿಸಿ.

ಸಲಹೆ #3

ತಾಜಾ ಹಣ್ಣು, ಸಲಾಡ್, ಮೊಸರು ಇತರ ಆರೋಗ್ಯಯುತ ಆಹಾರಗಳನ್ನು ಸೇವಿಸಿ. ನಿಮ್ಮ ಹೊಟ್ಟೆಗೆ ಇದು ತಂಪನ್ನು ಉಂಟುಮಾಡುವಂತಿರಲಿ, ದೇಹ ಬಿಸಿಯಾದಂತೆ ಬೆಳಗ್ಗಿನ ಅಸ್ವಸ್ಥತೆ ಕೂಡ ಹೆಚ್ಚಿರುತ್ತದೆ.

ಸಲಹೆ #4

ನೀವು ಮಲಗುವುದಕ್ಕೆ ಮುನ್ನ, ಪ್ರೋಟೀನ್ ಮತ್ತು ಕಾರ್ಬೋಹೈಡ್ರೇಟ್ಸ್ ಇರುವ ಆಹಾರ ಪದಾರ್ಥಗಳನ್ನು ಸೇವಿಸಬಹುದಾಗಿದೆ ಅಂದರೆ ಮೊಸರು, ಮ್ಯುಸೀಲ್, ಮೊದಲಾದವನ್ನು ಸೇವಿಸಿ. ಇದು ವಾಕರಿಕೆಯನ್ನು ತಡೆಗಟ್ಟುವ ಔಷಧ ಎಂದೆನಿಸಿದೆ.

ಸಲಹೆ #5

ಹಣ್ಣಿನ ರಸಗಳು ಬೆಳಗ್ಗಿನ ಅಸ್ವಸ್ಥತೆ ಸಮಯದಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತದೆ, ಕೊಠಡಿಯ ಹವಾಮಾನಕ್ಕಿಂತಲೂ ಅವುಗಳು ತಂಪಾಗಿರುವಂತೆ ನೋಡಿಕೊಳ್ಳಿ. ಇದಕ್ಕೆ ಎರಡು ಮೂರು ಐಸ್ ತುಂಡುಗಳನ್ನು ಹಾಕಿ ನಿಧಾನವಾಗಿ ಸೇವಿಸಬಹುದಾಗಿದೆ.

ಸಲಹೆ #6

ಬೆಳಗ್ಗಿನ ವಾಕರಿಕೆಯನ್ನು ತಡೆಗಟ್ಟುವಲ್ಲಿ ಸಿಟ್ರಸ್ ಅಂಶಗಳನ್ನು ಹೊಂದಿರುವ ಕಿತ್ತಳೆ, ಮುಸಂಬಿ, ಲಿಂಬೆ ಮಹತ್ತರವಾದುದಾಗಿದೆ. ಇದು ಬೆಳಗ್ಗಿನ ಅಸ್ವಸ್ಥತೆಗೆ ಉತ್ತಮ ಮದ್ದಾಗಿದ್ದು ನಿಮ್ಮನ್ನು ನಿರಾಳವಾಗಿರಿಸುತ್ತದೆ.

ಸಲಹೆ #7

ನಿಮಗೆ ವಾಕರಿಕೆ ಬಂದಾಗ ಪುದೀನಾ ಎಣ್ಣೆಯನ್ನು ಆಘ್ರಾಣಿಸಬಹುದಾಗಿದೆ, ಇದು ವಾಕರಿಕೆ ಅನುಭವವನ್ನು ಕಡಿಮೆ ಮಾಡಿ ಇದನ್ನು ದೀರ್ಘ ಸಮಯದವರೆಗೆ ತಡೆಯುತ್ತದೆ.