ಎದೆಹಾಲುಣಿಸುವಾಗ ಆದಷ್ಟು ಎಚ್ಚರವಾಗಿರಿ! ಮಗುವಿನ ಆರೋಗ್ಯಕ್ಕೇ ಅಪಾಯವಾಗಬಹುದು!

ಎದೆಹಾಲುಣಿಸುವಾಗ ಏನನ್ನು ಕಡೆಗಣಿಸಬೇಕು?

ಕೆಲವು ಮಹಿಳೆಯರಿಗೆ ಕೂಡ ಧೂಮಪಾನ ಮಾಡುವ ಅಭ್ಯಾಸವಿರುವುದು. ಇಂತಹ ಮಹಿಳೆಯರು ಗರ್ಭಿಣಿಯಾಗಿರುವಾಗ ಮತ್ತು ಬಾಣಂತಿಯಾಗಿರುವ ಸಮಯದಲ್ಲಿ ಧೂಮಪಾನವನ್ನು ಕಡ್ಡಾಯವಾಗಿ ಬಿಡಲೇಬೇಕು. ನಿಮ್ಮ ಮನೆಯಲ್ಲಿ ಅಥವಾ ಆಸುಪಾಸಿನಲ್ಲಿ ಧೂಮಪಾನಿಗಳು ಇದ್ದರೆ ಅವರ ಹತ್ತಿರ ನಿಲ್ಲಬೇಡಿ. ನಿಂತರೆ ಆ ಧೂಮದಿಂದ ಮಗುವಿಗೆ ತೊಂದರೆಯಾಗಬಹುದು. ಕೆಲವು ಸಂದರ್ಭದಲ್ಲಿ ಮಗು ಗರ್ಭದಲ್ಲೇ ಸಾಯಬಹುದು. ನಿಮ್ಮ ಪತಿ ಕೂಡ ಧೂಮಪಾನ ಮಾಡದಂತೆ ನೋಡಿಕೊಳ್ಳಿ.

ಮಾತ್ರೆಗಳು

ನೀವು ಬಳಸುವಂತಹ ಮಾತ್ರೆಗಳ ಬಗ್ಗೆ ತುಂಬಾ ಎಚ್ಚರಿಕೆಯಿಂದ ಇರಬೇಕು. ಎದೆಹಾಲುಣಿಸುವ ಸಮಯದಲ್ಲಿ ನೋವು ನಿವಾರಕ ಮಾತ್ರೆಗಳು ಮತ್ತು ಇತರ ಕೆಲವು ಮಾತ್ರೆಗಳ ಸೇವನೆ ಬಿಡಬೇಕು. ಯಾವುದೇ ಆರೋಗ್ಯ ಸಮಸ್ಯೆಯಿದ್ದರೆ ವೈದ್ಯರನ್ನು ಭೇಟಿಯಾಗಿ ಅವರಿಂದ ಸರಿಯಾದ ಮಾಹಿತಿ ಪಡೆದುಕೊಂಡು ಮಾತ್ರೆಗಳನ್ನು ಸೇವಿಸಿ. ಎದೆಹಾಲುಣಿಸುವ ವೇಳೆ ಮಾತ್ರೆಗಳನ್ನು ಸೇವಿಸಿದರೆ ಅದರಿಂದ ಮಗುವಿನ ಮೇಲೆ ಪರಿಣಾಮವಾಗಬಹುದು.

ಚರ್ಮದ ಲೋಷನ್‌ಗಳು

ಚರ್ಮಕ್ಕೆ ಹಚ್ಚಿಕೊಳ್ಳುವ ಲೋಷನ್ ಮತ್ತು ಕ್ರೀಮ್‌ಗಳ ಬಗ್ಗೆ ಬಾಣಂತಿ ಮಹಿಳೆಯರು ಎಚ್ಚರಿಕೆಯಿಂದ ಇರಬೇಕು. ಮಗು ನಿಮ್ಮ ಚರ್ಮ ಮತ್ತು ಸ್ತನದ ತೊಟ್ಟನ್ನು ಮುಟ್ಟುವುದರಿಂದ ವೈದ್ಯರು ಸೂಚಿಸಿರುವಂತಹ ಕ್ರೀಮ್ ಹಾಗೂ ಲೋಷನ್‌ಗಳನ್ನು ಬಳಸಿ.

ಡಿಯೋಡ್ರೆಂಟ್

ಆಂಟಿಪೆಸ್ಪಿರೆಂಟ್ ಗಳು ಮತ್ತು ಡಿಯೋಡ್ರೆಂಟ್ ಗಳನ್ನು ಎದೆಹಾಲುಣಿಸುವ ಸಮಯದಲ್ಲಿ ಕಡೆಗಣಿಸಬೇಕು. ಇದರಲ್ಲಿ ಇರುವಂತಹ ವಿಷಕಾರಿ ಅಂಶಗಳು ಚರ್ಮದ ಮೇಲೆ ಉಳಿಯುತ್ತದೆ ಮತ್ತು ಇದು ಮಗುವಿಗೆ ಹಾನಿ ಉಂಟು ಮಾಡಬಹುದು.