ಮಕ್ಕಳಲ್ಲಿ ಆಟಿಸಂ: ಲಕ್ಷಣಗಳು, ಕಾರಣ, ಚಿಕಿತ್ಸೆ ಏನು?

1. ಮಕ್ಕಳಲ್ಲಿ ಸಂವಹನದ ಹಾಗೂ ಭಾಷೆಯ ಕೊರತೆ

• ಸಾಮಾಜಿಕವಾಗಿ ಬೆರೆಯಲು ಸಾಧ್ಯವಾಗುವುದಿಲ್ಲ
• ಬೇರೆಯವರ ಭಾವನೆಗಳನ್ನು ಈ ಮಕ್ಕಳು ಅರ್ಥ ಮಾಡಿಕೊಳ್ಳುವುದಿಲ್ಲ
• ಕಣ್ಣಿಗೆ ಕಣ್ಣಿಟ್ಟು ನೋಡಲು ಹಿಂಜರಿಯುತ್ತಾರೆ
• ಮಾತನಾಡಲು ತೊಂದರೆ
• ಶಬ್ದಗಳನ್ನು ಮತ್ತೆ ಹೇಳಲು, ಯಾವುದಾದರೂ ಸಾಲುಗಳನ್ನು ನೆನಪಿಟ್ಟು ಹೇಳಲು ತೊಂದರೆ ಪಡುತ್ತಾರೆ.
• ಧ್ವನಿಯಲ್ಲಿ ವ್ಯತ್ಯಾಸ
• ಅವರ ಭಾವನೆಗಳನ್ನು ವ್ಯಕ್ತ ಪಡಿಸುವುದಿಲ್ಲ
• ಬೇರೆ ಮುಖದ ಭಾವನೆಗಳನ್ನಾಗಲಿ, ಧ್ವನಿಯಲ್ಲಿ ಆಗುವ ವ್ಯತ್ಯಾಸವನ್ನಾಗಲಿ ಗುರುತಿಸಲು ಸಾಧ್ಯವಾಗುವುದಿಲ್ಲ(ಗದರುವುದು, ಖುಷಿ ವ್ಯಕ್ತ ಪಡಿಸುವುದು...)



2.ವರ್ತನೆ ಹಾಗೂ ಭಾವನೆಗಳಲ್ಲಿ ವ್ಯತ್ಯಾಸ

• ಮಾತನಾಡಲು ತೊಂದರೆ
• ಕೆಲವೊಂದು ವಸ್ತುಗಳ ಕಡೆ ತುಂಬಾ ಅಟ್ಯಾಚ್‌ಮೆಂಟ್
• ಸುಮ್ಮನೆ ಅಳುವುದು, ನಗುವುದು
• ಸಾಮಾಜಿಕವಾಗಿ ಬೆರೆಯುವುದಿಲ್ಲ
• ಎಲ್ಲಾ ರುಚಿ ಇಷ್ಟಪಡಲ್ಲ
• ಕೋಪ, ಹಠ, ವಿನಾಕಾರಣ ಕಿರುಚುವುದು
• ತಮ್ಮ ಕಾರ್ಯಗಳನ್ನು ತಾವೇ ನಿಭಾಯಿಸಲು ಅಸಮರ್ಥರಾಗಿರುವುದು



ಆಟಿಸಂ ಸಮಸ್ಯೆಗೆ ಕಾರಣಗಳು

ಆಟಿಸಂ ಸಮಸ್ಯೆಗೆ ಇಂಥದ್ದೇ ನಿಖರ ಕಾರಣವೆಂದು ಹೇಳಲು ಸಾಧ್ಯವಿಲ್ಲ. ಮೆದುಳಿನ ಬೆಳವಣಿಗೆ ಸರಿಯಾದ ರೀತಿಯಲ್ಲಿ ಬೆಳೆಯದೇ ಇರುವುದಕ್ಕೆ ಹಲವಾರು ಕಾರಣಗಳನ್ನು ನೀಡುತ್ತಾರೆ. ಅವುಗಳೆಂದರೆ

1. ವಂಶವಾಹಿ ತೊಂದರೆ: ಕುಟುಂಬದ ಸದಸ್ಯರಲ್ಲಿ ಯಾರಿಗಾದರೂ ಈ ಸಮಸ್ಯೆಯಿದ್ದರೆ ವಂಶವಾಹಿಯಾಗಿ ಮಕ್ಕಳಲ್ಲಿ ಕಂಡು ಬರುವ ಸಾಧ್ಯತೆ ಇದೆ.

2. ಪರಿಸರ: ಅನಾರೋಗ್ಯಕರ ಆಹಾರ ಶೈಲಿ, ಜೀವನಶೈಲಿ, ಕಲುಷಿತ ವಾತಾವರಣ ಇವೆಲ್ಲಾ ಕೂಡ ಆಟಿಸಂ ಸಮಸ್ಯೆಗೆ ಒಂದು ಕಾರಣವಾಗಿದೆ.

3. ವಯಸ್ಸಾದ ಬಳಿಕ ಮಕ್ಕಳಾಗುವುದು: ವಯಸ್ಸು 40 ವರ್ಷ ದಾಟಿದ ಮೇಲೆ ಗರ್ಭಧಾರಣೆಯಾಗುವುದರಿಂದ ಈ ರೀತಿಯ ಸಮಸ್ಯೆ ಕಂಡು ಬರುವ ಸಾಧ್ಯತೆ ಹೆಚ್ಚು.

4. ಅವಧಿ ಪೂರ್ವ ಹೆರಿಗೆ: ಅವಧಿಗೆ ಮೊದಲೇ ಹರಿಗೆಯಾದರೆ ಕೆಲ ಮಕ್ಕಳಲ್ಲಿ ಈ ರೀತಿಯ ಸಮಸ್ಯೆ ಕಮಡು ಬರುವುದು.

5. ಔಷಧಗಳು: ಗರ್ಭಾವಸ್ಥೆಯಲ್ಲಿ valproic acid ಮತ್ತು thalidomide ಔಷಧ ತೆಗೆದುಕೊಳ್ಳುತ್ತಿದ್ದರೆ ಮಕ್ಕಳಲ್ಲಿ ಆಟಿಸಂ ಕಾಣಿಸುವ ಸಾಧ್ಯತೆ ಹೆಚ್ಚು.



ಆಟಿಸಂ ತೊಂದರೆಗಳು

• ಮಕ್ಕಳು ಸಾಮಾಜಿಕವಾಗಿ ಬೆರೆಯುವುದಿಲ್ಲ
• ಕಲಿಕೆಯಲ್ಲಿ ಇತರ ಮಕ್ಕಳಂತೆ ಇರುವುದಿಲ್ಲ
• ಸ್ವತಂತ್ರವಾಗಿ ಬೆಳೆಯಲು ಸಾಧ್ಯವಿಲ್ಲ
• ಅಂಥ ಮಕ್ಕಳು ಮಾತ್ರವಲ್ಲ, ಆ ಕುಟುಂಬದವರು ಕೂಡ ಸಾಕಷ್ಟು ಮಾನಸಿಕ ಒತ್ತಡಕ್ಕೆ ಒಳಗಾಗುತ್ತಾರೆ
• ಮಕ್ಕಳು ಬೆಳವಣಿಗೆಯಾದರೂ ಸಾಮಾಜಿಕವಾಗಿ ಬೆಳೆಯಲು ಸಾಧ್ಯವಾಗುವುದಿಲ್ಲ.



ಮಕ್ಕಳಲ್ಲಿ ಪತ್ತೆ ಹೇಗೆ?

ಆಟಿಸಂ ಇರುವ ಮಕ್ಕಳನ್ನು ಚಿಕ್ಕ ವಯಸ್ಸಿನಲ್ಲಿಯೇ ಕಾಣಬಹುದು:

• ಮಕ್ಕಳು ಒಂದು ವಯಸ್ಸು ತುಂಬಿದರೂ ಅವರ ಹೆಸರು ಕರೆದಾಗ ಯಾವುದೇ ಪ್ರತಿಕ್ರಿಯೆ ನೀಡುವುದಿಲ್ಲ
• 14 ತಿಂಗಳು ಇರುವಾಗ ಯಾವುದೇ ವಸ್ತುಗಳನ್ನು ನೋಡಿದರೂ ಕುತೂಹಲ ತೋರುವುದಿಲ್ಲ
• 18 ತಿಂಗಳು ಆದರೂ ಆಟ ಆಡಲು ಯಾವುದೇ ಆಸಕ್ತಿ ತೋರುವುದಿಲ್ಲ
• ಮಗುವಿನ ಕಣ್ಣಿಗೆ ಕಣ್ಣಿಟ್ಟು ನೋಡಿದಾಗ ಅದು ನಿಮ್ಮನ್ನು ನೋಡುವುದಿಲ್ಲ
• ಇದ್ದಕ್ಕಿದ್ದಂತೆ ಮಗು ಹಠ ಮಾಡುತ್ತದೆ
• ಒಂಟಿಯಾಗಿರಲು ಇಷ್ಟಪಡುತ್ತದೆ

ಈ ರೀತಿಯ ಲಕ್ಷಣಗಳು ಕಂಡು ಬಂದರೆ ವೈದ್ಯರಿಗೆ ತೋರಿಸಿ, ಸಣ್ಣ-ಪುಟ್ಟ ಸಮಸ್ಯೆಯಿದ್ದರೆ ಮಕ್ಕಳಲ್ಲಿ ಆತ್ಮವಿಶ್ವಾಸ ತುಂಬುವ ಪ್ರಯತ್ನ ಮಾಡುವುದು ಸುಲಭ.



ಚಿಕಿತ್ಸೆ:

ಆಟಿಸಂ ಮಕ್ಕಳ ತಂದೆ ತಾಯಿ ತುಂಬಾ ತಾಳ್ಮೆಯಿಂದ ಪರಿಸ್ಥಿತಿ ನಿಭಾಯಿಸಬೇಕು.

• ಮಗು ಮಾತನಾಡಲು ಹಾಗೂ ಸಾಮಾಜಿಕವಾಗಿ ಬೆರೆಯಲು ನೀವು ಪ್ರೋತ್ಸಾಹಿಸಬೇಕು.
• ಮಕ್ಕಳಲ್ಲಿ ಸಂವಹನ ಕೌಶಲ್ಯ ಹೆಚ್ಚಲು ಚಿತ್ರ ತೋರಿಸುವುದು, ಆಂಗಿಕ ಭಾಷೆಯ ಮೂಲಕ ಹೇಳುವುದು ಮಾಡಿದರೆ ಅವರಲ್ಲಿ ಸಂವಹನ ಕಲೆ ವೃದ್ಧಿಯಾಗುತ್ತದೆ.
• ದೃಶ್ಯಗಳನ್ನು ತೋರಿಸಿ, ವೀಡಿಯೋಗಳನ್ನು ತೋರಿಸಿ ಅವರಿಗೆ ಕಲಿಸಲು ಪ್ರಯತ್ನಿಸಬೇಕು
• ಕಾಗ್ನಿಟಿವ್ ಬಿಹೇವರ್ ಥೆರಪಿ ಕೊಡಿಸಿ
• ಅವರದ್ದೇ ವಯಸ್ಸಿನವರ ಜೊತೆ ಬೆರೆಯಲು ಕಲಿಸಿ

ಹೀಗೆಲ್ಲಾ ಮಾಡುವ ಮೂಲಕ ಆಟಿಸಂ ಮಕ್ಕಳಲ್ಲಿ ಆತ್ಮವಿಶ್ವಾಸ ಹೆಚ್ಚಿಸುವ ಕೆಲಸ ಮಾಡುವ ಜವಾಬ್ದಾರಿ ಪೋಷಕರ ಮೇಲಿದೆ.