ಮುಟ್ಟಿನಲ್ಲಿ ರಕ್ತ ಸ್ರಾವ ಕಡಿಮೆಯಾದರೆ ಗರ್ಭಧಾರಣೆಗೆ ತೊಂದರೆಯಾಗುವುದೇ?

ಅಕಾಲಿಕ ಋತುಬಂಧಕ್ಕೆ ಕಾರಣಗಳು

ಅನುವಂಶಿಕ ಅಂಶಗಳು: ಜನಸಂಖ್ಯಾ ಅಧ್ಯಯನಗಳ ಪ್ರಕಾರ ಕೇರಳದಲ್ಲಿ ಕಡಿಮೆ ದರವನ್ನು (0.2%) ಮತ್ತು ಒಡಿಶಾದಲ್ಲಿ ಅತಿ ಹೆಚ್ಚು (2.4%) ಬಹಿರಂಗಪಡಿಸುತ್ತವೆ. ಬಡವರಲ್ಲಿ ಹೆಚ್ಚಿನ ಘಟನೆಗಳು ಕಂಡುಬಂದಿವೆ ಮತ್ತು ಶ್ರೀಮಂತರಲ್ಲಿ ಕಡಿಮೆ (7.7%) ಕಂಡುಬಂದಿದೆ. ಚಿಕ್ಕ ವಯಸ್ಸಿನಲ್ಲಿಯೇ ಸ್ತ್ರೀಯರಲ್ಲಿ ಅಕಾಲಿಕ ಅಂಡಾಶಯದ ವೈಫಲ್ಯವು ನಂತರದಲ್ಲಿ ಅಕಾಲಿಕ ಋತುಬಂಧಕ್ಕೆ ಕಾರಣವಾಗುತ್ತದೆ.

ಆಟೋಇಮ್ಯೂನ್ ಪರಿಸ್ಥಿತಿಗಳು: ಥೈರಾಯ್ಡಿಟಿಸ್, ಮೂತ್ರಜನಕಾಂಗದ ಸಮಸ್ಯೆ ಮತ್ತು ಸಂಧಿವಾತದಂತಹ ಸ್ವಯಂ ನಿರೋಧಕ ಸಮಸ್ಯೆಗಳು ಅಕಾಲಿಕ ಋತುಬಂಧಕ್ಕೆ ಕಾರಣವಾಗುತ್ತವೆ. ಎಲ್ಲಕ್ಕಿಂತ ಹೆಚ್ಚಾಗಿ, ಹಲವಾರು ಅಧ್ಯಯನಗಳ ಪ್ರಕಾರ ಅಕಾಲಿಕ ಋತುಬಂಧವು ಭಾರತೀಯ ಕುಟುಂಬದಲ್ಲಿ ಬದಲಾಗುತ್ತಿರುವ ಜೀವನಶೈಲಿ ಮತ್ತು ಆರ್ಥಿಕವಾಗಿ ಸ್ವತಂತ್ರವಾಗಿರಲು ಬಯಸುವ ಮಹಿಳೆಯರ ಮೇಲೆ ಹೆಚ್ಚಾಗುವಂತಹ ಒತ್ತಡವು ಅಕಾಲಿಕ ಋತುಬಂಧಕ್ಕೆ ಸಂಬಂಧಿಸಿದೆ. ಈ ಒತ್ತಡಗಳು ಸರಿಯಾದ ಪೋಷಣೆಯ ಕೊರತೆ ಮತ್ತು ಜಡ ಜೀವನಶೈಲಿಯೊಂದಿಗೆ ಸೇರಿಕೊಂಡಿವೆ. ಆಧುನಿಕ ಜೀವನಶೈಲಿಯ ಜೊತೆಗೆ ಧೂಮಪಾನವು ಮಹಿಳೆಯರಲ್ಲಿಅಕಾಲಿಕ ಋತುಬಂಧಕ್ಕೆ ಹೆಚ್ಚು ಕಾರಣವಾಗುತ್ತದೆ ಎನ್ನುತ್ತದೆ.

ಅಕಾಲಿಕ ಋತುಬಂಧದ ಲಕ್ಷಣಗಳು

ಕಡಿಮೆ ಮುಟ್ಟಿನ ಸ್ರಾವ

ಕ್ರಮೇಣ ವಿಳಂಬವಾಗುವ ಋತುಚಕ್ರಗಳು

ಯೋನಿ ಶುಷ್ಕತೆ

ಮಲಗಲು ತೊಂದರೆ

ರಾತ್ರಿ ಬೆವರುವಿಕೆ

ಅಕಾಲಿಕ ಅಂಡಾಶಯದ ವೈಫಲ್ಯ

ಅಕಾಲಿಕ ಋತುಬಂಧಕ್ಕೊಳಗಾದ ಮಹಿಳೆಯರು ಬಂಜೆತನದ ಸಮಸ್ಯೆಯನ್ನು ಎದುರಿಸುತ್ತಾರೆ, ಅಂತಹ ಪರಿಸ್ಥಿತಿಯು ಉಂಟಾಗುವವರೆಗೂ ಅವರು ಯಾವುದೇ ಸಮಸ್ಯೆಯನ್ನು ಹೊಂದಿಲ್ಲದಿದ್ದರೆ. ಅಂಡಾಶಯದ ವೈಫಲ್ಯವು ಸಾಮಾನ್ಯವಾಗಿ ಶಾಶ್ವತವಾಗಿರುತ್ತದೆ, ಆದರೆ ಅಂಡಾಶಯದ ಚಟುವಟಿಕೆಯು 5-10% ಪ್ರಕರಣಗಳಲ್ಲಿ ಪುನರಾರಂಭವಾಗಬಹುದು, ಇದು ಮುಟ್ಟಿನ ಮರಳುವಿಕೆ ಮತ್ತು ಕೆಲವೊಮ್ಮೆ ಫಲವತ್ತತೆಗೆ ಕಾರಣವಾಗುತ್ತದೆ. ಆದರೂ ದಾನಿಗಳ ಅಂಡಾಣುವಿನೊಂದಿಗೆ, ಸಂಪೂರ್ಣ ಋತುಬಂಧದ ಬಳಕೆಯೊಂದಿಗೆ, ಅಕಾಲಿಕ ಋತುಬಂಧದ ಸಂದರ್ಭಗಳನ್ನು ಎದುರಿಸುತ್ತಿರುವವರು ಪೋಷಕರಾಗಲು ಐವಿಎಫ್‌ ಮತ್ತು ಮಗುವಿನ ದತ್ತು ಸ್ವೀಕಾರ ಎರಡು ಆಯ್ಕೆಗಳಾಗಿ ಉಳಿಯಬಹುದು.

ಕೆಲವು ಇತರ ವೈದ್ಯಕೀಯ ಲಕ್ಷಣಗಳು

ಅಕಾಲಿಕ ಋತುಬಂಧದ ಇತರ ವೈದ್ಯಕೀಯ ಲಕ್ಷಣಗಳೆಂದರೆ ದೇಹ ಬಿಸಿಯಾಗುವುದು, ರಾತ್ರಿ ಬೆವರುವಿಕೆ, ಮೂಡ್ ಸ್ವಿಂಗ್, ವರ್ತನೆಯ ಬದಲಾವಣೆಗಳು, ಕಡಿಮೆ ಲೈಂಗಿಕ ಬಯಕೆ, ಯೋನಿ ಶುಷ್ಕತೆ, ಪುನರಾವರ್ತಿತ ಮೂತ್ರದ ಸೋಂಕು, ತೂಕ ಹೆಚ್ಚಾಗುವುದು, ನಿದ್ರಾಹೀನತೆ ಇತ್ಯಾದಿ. ಅಕಾಲಿಕ ಋತುಬಂಧವು ಮೂಳೆ ದೌರ್ಬಲ್ಯ ಅಥವಾ ಆಸ್ಟಿಯೊಪೊರೋಸಿಸ್‌ನ ಹೆಚ್ಚಿನ ಅಪಾಯವನ್ನು ಹೊಂದಿದೆ ಏಕೆಂದರೆ ಕಡಿಮೆ ಈಸ್ಟ್ರೋಜೆನ್‌ನ ಬಿಡುಗಡೆ. ಜೊತೆಗೆ ಚಿಕ್ಕ ವಯಸ್ಸಿನಲ್ಲಿಯೇ ಹೃದಯಕ್ಕೆ ಈಸ್ಟ್ರೋಜೆನ್‌ಗಳ ರಕ್ಷಣಾತ್ಮಕ ಪರಿಣಾಮವನ್ನು ಕಳೆದುಕೊಂಡಿರುವ ಈ ಮಹಿಳೆಯರು ಹೃದ್ರೋಗಕ್ಕೆ ಹೆಚ್ಚು ಒಳಗಾಗುತ್ತಾರೆ. ಇದಲ್ಲದೆ, ಅಕಾಲಿಕ ಋತುಬಂಧವು ಸಾಮಾನ್ಯವಾಗಿ ದೇಹದಲ್ಲಿನ ಹಾರ್ಮೋನುಗಳ ಏರಿಳಿತದ ಕಾರಣದಿಂದಾಗಿ ಖಿನ್ನತೆಗೆ ಕಾರಣವಾಗುತ್ತದೆ ಮತ್ತು ಅಕಾಲಿಕವಾಗಿ ಮುಟ್ಟು ನಿಂತ ನಂತರ ಮನಸ್ಸು ಹೆಚ್ಚು ಆತಂಕದ ಸ್ಥಿತಿಗೆ ಕಾರಣವಾಗುತ್ತದೆ.

ಪ್ರೀ-ಮೆಚ್ಯೂರ್ ಮೆನೋಪಾಸ್‌ಗೆ ಚಿಕಿತ್ಸೆ ಹೇಗೆ..?

ಅಕಾಲಿಕ ಋತುಬಂಧದಿಂದ ಬಳಲುತ್ತಿರುವ ಮಹಿಳೆಯರ ವೈದ್ಯಕೀಯ ನಿರ್ವಹಣೆಯು ನಿರ್ದಿಷ್ಟ ಚಿಕಿತ್ಸೆಗಳು, ಜೀವನಶೈಲಿ ಮಾರ್ಪಾಡುಗಳು ಮತ್ತು ನಿಯಮಿತ ವ್ಯಾಯಾಮ, ದಿನಚರಿಯ ಬದಲಾವಣೆಯೊಂದಿಗೆ ಎಂದಿನಂತೆಯೇ ಜೀವನವನ್ನು ನಡೆಸಬಹುದು.

ಹಾರ್ಮೋನ್ ರಿಪ್ಲೇಸ್ಮೆಂಟ್ ಥೆರಪಿ

ಅಕಾಲಿಕ ಅಂಡಾಶಯದ ವೈಫಲ್ಯವು ಮಹಿಳೆಯರಲ್ಲಿ ಉಂಟಾದಾಗ ಮತ್ತೆ ಎಂದಿನಂತೆ ಹಾರ್ಮೋನ್‌ಗಳ ಕೊರತೆಯಿಂದ ಸಾಮಾನ್ಯ ಭಾವನೆಯನ್ನು ಅನುಭವಿಸುವುದಿಲ್ಲ ಭಾವಿಸುತ್ತಾರೆ. ಆದರೆ ಹಾರ್ಮೋನ್‌ ರೀಪ್ಲೇಸ್‌ಮೆಂಟ್‌ ಥೆರಪಿಯೊಂದಿಗೆ ಸಾಂಪ್ರದಾಯಿಕ ಔಷಧಿಗಳು ಸ್ವಲ್ಪ ಮಟ್ಟಿಗೆ ಹಾರ್ಮೋನ್‌ಗೆ ಸಂಬಂಧಿಸಿದ ಸಮಸ್ಯೆಯನ್ನು ನಿವಾರಿಸಬಹುದು. ಆದರೂ ಕೂಡಾ ಅಂಡಾಶಯಗಳ ಸಾಮಾನ್ಯ ಕಾರ್ಯವನ್ನು ಮರಳಿ ಪಡೆಯಲು ಅವರಿಗೆ ಭರವಸೆ ನೀಡುವುದು ಅಸಾಧ್ಯ. ಆದರೂ ಸಮಸ್ಯೆಯ ಬಗ್ಗೆ ತಿಳುವಳಿಕೆ ಮತ್ತು ನಿರ್ವಹಣೆಯೊಂದಿಗೆ ಈ ಸಮಸ್ಯೆಯಿಂದ ಬಳಲುತ್ತಿರುವ ಮಹಿಳೆಯರಲ್ಲಿ ಆತ್ಮವಿಶ್ವಾಸವನ್ನು ಮೂಡಿಸಬಹುದು.

ಟ್ರಾನ್ಸ್‌ಫ್ಯಾಟ್‌ಗಳು ಮತ್ತು ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌ಗಳ ಸೇವನೆಯನ್ನು ಕಡಿಮೆ ಮಾಡುವ ಜೊತೆಗೆ ಆಹಾರದ ಬದಲಾವಣೆಗಳಿಂದ ಅಕಾಲಿಕ ಋತುಬಂಧದಿಂದಾಗುವ ಸಮಸ್ಯೆಗಳನ್ನು ನಿಯಂತ್ರಿಸಬಹುದು. ಇದಲ್ಲದೇ ಕ್ಯಾಲ್ಸಿಯಂ, ಮಲ್ಟಿವಿಟಮಿನ್ ಮತ್ತು ವಿಟಮಿನ್ ಡಿ ಪೂರಕಗಳನ್ನು ನಿಯಮಿತವಾಗಿ ವೈದ್ಯರು ಸೂಚಿಸುತ್ತಾರೆ. ಹಾರ್ಮೋನ್ ರಿಪ್ಲೇಸ್‌ಮೆಂಟ್ ಥೆರಪಿ ಮಾಡಿದರೂ, ಸ್ತನ ಮತ್ತು ಗರ್ಭಾಶಯದ ಕ್ಯಾನ್ಸರ್‌ಗಳ ಅಪಾಯದ ಸಂಭವವಿರುವುದರಿಂದ ಆಗಾಗ ಆರೋಗ್ಯ ತಪಾಸಣೆ ಮಾಡಬೇಕಾದುದು ಮುಖ್ಯ.