ಪ್ರತಿಯೊಬ್ಬ ಮಹಿಳೆಯರೂ ತಿಳಿಯಲೇಬೇಕಾದ ಗರ್ಭಕಂಠದ ಕ್ಯಾನ್ಸರ್‌ನ ಲಕ್ಷಣಗಳು

ಅಸಾಮಾನ್ಯ ಯೋನಿ ರಕ್ತಸ್ರಾವ

ಗರ್ಭಕಂಠದ ಕ್ಯಾನ್ಸರ್ ಸಮಸ್ಯೆಯಿಂದ ಬಳಲುತ್ತಿರುವಂತಹ ಮಹಿಳೆಯರಲ್ಲಿ ಅಸಾಮಾನ್ಯ ರಕ್ತಸ್ರಾವವು ಕಾಣಿಸಿಕೊಳ್ಳುವುದು. ಇದು ಲೈಂಗಿಕ್ರಿಯೆ ವೇಳೆ, ಹಸ್ತಥುನ ಮತ್ತು ಋತುಬಂಧ ಅಥವಾ ಶ್ರೋಣಿಯ ಪರೀಕ್ಷೆ ವೇಳೆ ಕಾಣಿಸಿಕೊಳ್ಳಬಹುದು. ಇದನ್ನು ಯಾವತ್ತಿಗೂ ಕಡೆಗಣಿಸಬಾರದು ಮತ್ತು ವೈದ್ಯರನ್ನು ಭೇಟಿಯಾಗಿ ಪರೀಕ್ಷೆ ಮಾಡಿಸಿಕೊಳ್ಳಿ.

ಮೂತ್ರ ವಿಸರ್ಜನೆ ವೇಳೆ ನೋವು

ಕೆಲವೊಂದು ಪ್ರಕರಣಗಳಲ್ಲಿ ಮಹಿಳೆಯರಿಗೆ ಮೂತ್ರ ವಿಸರ್ಜನೆ ವೇಳೆ ನೋವಿನ, ಬಿಗಿಯಾದ, ಕುಟುಕುವ ಭಾವನೆಯಾಗುವುದು. ಇದು ಗರ್ಭಕಂಠದ ಕ್ಯಾನ್ಸರ್ ನ ಲಕ್ಷಣಗಳು. ಗರ್ಭಕಂಠದ ಕ್ಯಾನ್ಸರ್ ನಿಂದ ಬಳಲುತ್ತಿರುವ ಮಹಿಳೆಯರು ತಮ್ಮಲ್ಲಿ ಹಲವಾರು ರೀತಿಯ ಲಕ್ಷಣಗಳು ಕಾಣಿಸಿಕೊಳ್ಳುವುದು ಎಂದು ದೂರು ನೀಡುವರು. ಮೂತ್ರ ವಿಸರ್ಜನೆ ವೇಳೆ ನೋವಿನ ಬಗ್ಗೆ ಪ್ರತಿಯೊಬ್ಬ ಗರ್ಭಕಂಠದ ಕ್ಯಾನ್ಸರ್ ರೋಗಿಯು ದೂರು ನೀಡುವರು.

ಶ್ರೋಣಿಯ ನೋವು

ಮಹಿಳೆಯರು ಯಾವಾಗಲೂ ಕಡೆಗಣಿಸುವಂತಹ ಶ್ರೋಣಿಯ ನೋವು ಕೂಡ ಇದರ ಒಂದು ಭಾಗವಾಗಿದೆ. ಮಹಿಳೆಯರು ಹೆಚ್ಚಾಗಿ ಈ ನೋವನ್ನು ಕಡೆಗಣಿಸುವರು. ಯಾಕೆಂದರೆ ಇದು ಋತುಚಕ್ರದ ನೋವು ಅಥವಾ ಸೆಳೆತ ಎಂದು ಭಾವಿಸುವರು. ಋತುಚಕ್ರದ ವೇಳೆ ನೋವು ಕಾಣಿಸಿಕೊಂಡರೆ ಆಗ ನೀವು ಇದರ ಬಗ್ಗೆ ಚಿಂತೆ ಮಾಡಬೇಕಾಗಿಲ್ಲ. ಆದರೆ ಬೇರೆ ಸಮಯದಲ್ಲಿ ನೋವು ಕಾಣಿಸಿಕೊಂಡರೆ ಆಗ ಇದನ್ನು ನೀವು ತುಂಬಾ ಗಂಭೀರವಾಗಿ ಪರಿಗಣಿಸಬೇಕು. ಕೆಲವೊಂದು ಸಂದರ್ಭದಲ್ಲಿ ಶ್ರೋಣಿಯ ನೋವು ಗರ್ಭಕಂಠದ ಕ್ಯಾನ್ಸರ್ ನ ಲಕ್ಷಣವಾಗಿರಬಹುದು. ಇದನ್ನು ಕಡೆಗಣಿಸಬೇಡಿ. ನೀವು ವೈದ್ಯರನ್ನು ಭೇಟಿ ಮಾಡಿ ಅವರಿಂದ ಸರಿಯಾದ ಮಾಹಿತಿ ಪಡೆದುಕೊಳ್ಳಿ. ನೋವನ್ನು ಕಡೆಗಣಿಸಬೇಡಿ.

ಲೈಂಗಿಕ ಕ್ರಿಯೆ ವೇಳೆ ಸಮಸ್ಯೆ

ಗರ್ಭಕಂಠದ ಕ್ಯಾನ್ಸರ್ ನಿಂದ ಬಳಲುತ್ತಿರುವಂತಹ ಮಹಿಳೆಯರಿಗೆ ಲೈಂಗಿಕ ಕ್ರಿಯೆ ವೇಳೆ ತುಂಬಾ ನೋವಾಗುವುದು ಮತ್ತು ಅಹಿತಕರವಾಗಿರುವುದು. ಆದರೆ ಇದನ್ನು ನೀವು ಹಾಗೆ ಅಂದಾಜು ಮಾಡಿಕೊಳ್ಳಬೇಡಿ. ವೈದ್ಯರನ್ನು ಭೇಟಿ ಮಾಡಿ ಗರ್ಭಕಂಠದ ಕ್ಯಾನ್ಸರ್ ಸಮಸ್ಯೆ ಇದೆಯಾ ಎಂದು ತಿಳಿಯಿರಿ.

ದೀರ್ಘ ಸಮಯ ಮತ್ತು ಅತಿಯಾದ ಋತುಚಕ್ರ

ಋತುಚಕ್ರವು 508 ದಿನಗಳ ತನಕ ಹೋಗುವುದು ಮತ್ತು ಇದು ಅದಕ್ಕಿಂತಲೂ ಹೆಚ್ಚು ಸಮಯ ತನಕ ಹೋಗಬಹುದು. ಇದು ಗರ್ಭಕಂಠದ ಕ್ಯಾನ್ಸರ್ ನ ಪ್ರಮುಖ ಲಕ್ಷಣಗಳಲ್ಲಿ ಒಂದಾಗಿದೆ. ಇದರ ಹೊರತಾಗಿ ಸಾಮಾನ್ಯಕ್ಕಿಂತ ಹೆಚ್ಚಿನ ರಕ್ತಸ್ರಾವವಾಗುತ್ತಲಿದ್ದರೆ, ಗಂಟೆಗೊಂದು ಸ್ಯಾನಿಟರಿ ಪ್ಯಾಡ್ ಬದಲಾಯಿಸಿಕೊಳ್ಳುತ್ತಿದ್ದರೆ ಆಗ ಇದು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ. ವೈದ್ಯರನ್ನು ಭೇಟಿ ಮಾಡಿ, ಅವರಿಗೆ ನಿಮ್ಮ ಸಮಸ್ಯೆ ಬಗ್ಗೆ ಸರಿಯಾಗಿ ತಿಳಿಸಿ.

ಪದೇ ಪದೇ ಮೂತ್ರ ವಿಸರ್ಜನೆ

ನಿಮಗೆ ಸಾಮಾನ್ಯಕ್ಕಿಂತಲೂ ಪದೇ ಪದೇ ಮೂತ್ರ ವಿಸರ್ಜನೆ ಆಗುತ್ತಲಿದ್ದರೆ ಆಗ ಇದು ಗರ್ಭಕಂಠದ ಕ್ಯಾನ್ಸರ್ ಲಕ್ಷಣವಾಗಿ ಇರಲೂಬಹುದು. ಪದೇ ಪದೇ ಮೂತ್ರ ವಿಸರ್ಜನೆ ಮಾಡುವಂತೆ ನಿಮಗೆ ಒಂದು ವಾರ ಕಾಲ ಆದರೆ ಆಗ ನೀವು ಪರೀಕ್ಷೆ ಮಾಡಿಸಿಕೊಳ್ಳಬೇಕು.

ಅಸಾಮಾನ್ಯ ಯೋನಿ ವಿಸರ್ಜನೆ

ಯೋನಿ ವಿಸರ್ಜನೆ ಎನ್ನುವುದು ಸಾಮಾನ್ಯವಾಗಿರುವುದು. ಆದರೆ ವಿಸರ್ಜನೆ ಸಮಯದಲ್ಲಿ ಬದಲಾವಣೆ ಆಗಬಹುದು. ಇದನ್ನು ನೀವು ಗಮನಿಸಬೇಕು. ಇದು ಗರ್ಭಕಂಠದ ಕ್ಯಾನ್ಸರ್ ನ ಆರಂಭಿಕ ಲಕ್ಷಣಗಳು ಆಗಿರಬಹುದು.