ಅಂಡೋತ್ಪತ್ತಿಯ ದಿನಗಳ ಬಗ್ಗೆ ಒಂದಿಷ್ಟು ಅಚ್ಚರಿಯ ಸಂಗತಿಗಳು

ವೀರ್ಣಾಣುಗಳು ಸುಮಾರು ಮೂರರಿಂದ ಐದು ದಿನಗಳವರೆಗೂ ಜೀವಂತವಿರುತ್ತವೆ

ಮಹಿಳೆಯ ದೇಹವನ್ನು ಪ್ರವೇಶಿಸಿದ ಬಳಿಕ ವೀರ್ಣಾಣುಗಳು ಸುಮಾರು ಮೂರರಿಂದ ಐದು ದಿನಗಳವರೆಗೂ ಜೀವಂತವಿರುತ್ತವೆ. ಆದರೆ ಬಿಡುಗಡೆಯಾದ ಅಂಡಾಣು ಕೇವಲ ಆರರಿಂದ ಹನ್ನೆರಡು ಗಂಟೆಗಳ ಕಾಲ ಮಾತ್ರವೇ ಕಾಯುತ್ತದೆ. ಈ ಸಮಯದಲ್ಲಿ ಫಲಿತಗೊಂಡರೆ ಮಾತ್ರ ಗರ್ಭಾಂಕುರವಾಗಲು ಸಾಧ್ಯ.

ಮಹಿಳೆಯ ಮಾಸಿಕ ಚಕ್ರ

ಒಂದು ವೇಳೆ ಮಹಿಳೆಯ ಮಾಸಿಕ ಚಕ್ರ ಮೂವತ್ತು ಅಥವಾ ಮೂವತ್ತೊಂದು ದಿನಗಳ ಅವಧಿಯಲ್ಲಿ ಪುನರಾವರ್ತನೆಯಾಗುತ್ತಿದ್ದರೆ ಅಂಡೋತ್ಪತ್ತಿಯಾಗುವ ದಿನ ಸುಮಾರು ಹನ್ನೊಂದರಿಂದ ಹದಿನಾಲ್ಕರ ದಿನಗಳ ನಡುವೆ ಇರುತ್ತದೆ. ಈ ದಿನಗಳನ್ನು ಖಚಿತಪಡಿಸಿಕೊಂಡು ಈ ದಿನಗಳಲ್ಲಿ ಕೂಡುವ ಮೂಲಕ ಸಫಲ ಗರ್ಭಧಾರಣೆಯಾಗಲು ಸಾಧ್ಯ.

ಗರ್ಭಕಂಠದಿಂದ ಸ್ರವಿಸುವ ದ್ರವ

ಅಂಡೋತ್ಪತ್ತಿಯಾಗಿರುವ ಇನ್ನೊಂದು ಸ್ಪಷ್ಟ ಸೂಚನೆಯೆಂದರೆ ಗರ್ಭಕಂಠದಿಂದ ಸ್ರವಿಸುವ ದ್ರವ. ಈ ದಿನ ಸ್ರವಿಸುವ ದ್ರವ ಹೆಚ್ಚೂ ಕಡಿಮೆ ಮೊಟ್ಟೆಯ ಬಿಳಿಭಾಗದಷ್ಟು ಗಾಢವಾಗಿರುತ್ತದೆ ಹಾಗೂ ಅಂಟು ಅಂಟಾಗಿರುತ್ತದೆ. ಈ ದ್ರವ ವೀರ್ಯಾಣುಗಳನ್ನು ಗರ್ಭನಾಳದತ್ತ ಕೊಂಡೊಯ್ಯಲು ಅಗತ್ಯವಾಗಿದೆ.

ಲಘುವಾಗಿ ಕೆಳಹೊಟ್ಟೆಯಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ

ಕೆಲವು ಮಹಿಳೆಯರಿಗೆ ಈ ಸಮಯದಲ್ಲಿ ಅತಿ ಲಘುವಾಗಿ ಕೆಳಹೊಟ್ಟೆಯಲ್ಲಿ ನೋವು ಕಾಣಿಸಿಕೊಳ್ಳುತ್ತದೆ. ಸಾಮಾನ್ಯವಾಗಿ ಎಲ್ಲಾ ಮಹಿಳೆಯರಿಗೂ ಹೀಗೇ ಆಗುತ್ತದಾದರೂ ಈ ಬಗ್ಗೆ ಗಮನ ಕೊಡದ ಕಾರಣ ಅನುಭವಕ್ಕೆ ಬಂದಿರಲಾರದು. ಆದರೆ ಮಾಸಿಕ ಋತುಚಕ್ರದ ದಿನಗಳನ್ನು ಲೆಕ್ಕಹಾಕಿದಾಗ ನಡುವಣ ದಿನಗಳಲ್ಲಿ ಈ ಅನುಭವವಾಗುವುದು ಗಮನಕ್ಕೆ ಬರುತ್ತದೆ. ಅದರಲ್ಲೂ ಬೆಳಿಗ್ಗೆ ಎದ್ದ ತಕ್ಷಣ ಈ ನೋವು ಇತರ ಸಮಯಕ್ಕಿಂತಲೂ ಹೆಚ್ಚು ಸ್ಪಷ್ಟವಾಗಿರುತ್ತದೆ.

ಈ ದಿನಗಳಲ್ಲಿ ಧ್ವನಿ ಸಹಾ ಕೊಂಚ ಬದಲಾಗಬಹುದು

ಈ ದಿನಗಳಲ್ಲಿ ಮಹಿಳೆ ನೈಸರ್ಗಿಕವಾಗಿ ಅತ್ಯಾಕರ್ಷಕಳಾಗಿ ಕಾಣುತ್ತಾಳೆ. ಆದರೆ ಮಹತ್ತರ ಬದಲಾವಣೆಗಳು ದೇಹದ ಒಳಭಾಗದಲ್ಲಿ ಆಗುವ ಕಾರಣ ಹೊರಗೆ ಸ್ಪಷ್ಟವಾಗಿ ಕಾಣಬರುವುದಿಲ್ಲ. ಈ ದಿನಗಳಲ್ಲಿ ಧ್ವನಿ ಸಹಾ ಕೊಂಚ ಬದಲಾಗಬಹುದು. ಧ್ವನಿಯ ಸ್ತರವೂ ಇತರ ಸಮಯಕ್ಕಿಂತ ಕೊಂಚ ಹೆಚ್ಚೇ ಇರಬಹುದು.

ವಾಸನೆಗ್ರಹಿಸುವ ಶಕ್ತಿ ಅತಿಯಾಗಿ

ಈ ಸಮಯದಲ್ಲಿ ಮೂಗಿನ ವಾಸನೆಗ್ರಹಿಸುವ ಶಕ್ತಿ ಅತಿಯಾಗಿ ಹೆಚ್ಚುತ್ತದೆ. ಈ ಸಮಯದಲ್ಲಿ ಮಹಿಳೆ ಮೆಚ್ಚುವ ಪರಿಮಳವನ್ನು ಹೊಂದಿರುವ ಪುರುಷ ಆಕೆಯ ಆಕರ್ಷಣೆಯನ್ನು ಪಡೆಯುತ್ತಾನೆ.