Just In
Don't Miss
- News ‘ದೇವೇಗೌಡ್ರು ಕೋಲಾರದಲ್ಲಿ ಕುಟುಂಬದವರಿಗೆ ಬಿಟ್ಟು ಕಾರ್ಯಕರ್ತರಿಗೆ ಟಿಕೆಟ್ ಯಾಕೆ ಕೊಟ್ರು ಗೊತ್ತಾ?’
- Automobiles ಎಲೆಕ್ಟ್ರಿಕ್ ಅವತಾರದಲ್ಲಿ ಬರಲಿದೆ ಹೋಂಡಾ ಆಕ್ಟಿವಾ: ಎಲೆಕ್ಟ್ರಿಕ್ ಸ್ಕೂಟರ್ಗಳ ರಾಜ ಆಗುತ್ತಾ?
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Sports ಧೋನಿ ಎದುರು ಬಂದಾಗ ಕೆ.ಎಲ್ ರಾಹುಲ್ ಕ್ಯಾಪ್ ತೆಗೆದಿದ್ದೇಕೆ?: ಕಾರಣವೇನು?
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಟ್ಟೆಯೊಳಗೆ ಮಗುವಿನ ಚಲನವಲನ- ಗಾಬರಿ ಪಡಬೇಡಿ
ಗರ್ಭವತಿಯಾದ ಬಳಿಕ ಹತ್ತು ಹಲವು ಕನಸುಗಳು ಗರ್ಭಿಣಿಯ ಮನಸ್ಸಿನಲ್ಲಿ ಮೂಡುತ್ತವೆ. ಇವು ಆಕೆ ಜೀವಮಾನವಿಡೀ ನೆನಪಿನಲ್ಲಿಟ್ಟುಕೊಳ್ಳುವಂತಹದ್ದಾಗಿದ್ದು ಅದರಲ್ಲೂ ಒಡಲ ಮಗುವಿನ ಚಲನೆಯನ್ನು ಅನುಭವಿಸಿದಾಗ ಮಾತ್ರ ಈ ಆನಂದ ವ್ಯಕ್ತಪಡಿಸಲು ಸಾಧ್ಯವಾಗದಷ್ಟು ಹೆಚ್ಚು ತೃಪ್ತಿಯನ್ನು ನೀಡುತ್ತದೆ. 6 ತಿಂಗಳ ಗರ್ಭಾವಸ್ಥೆ: ದೇಹದ ಬದಲಾವಣೆ
ಸಾಮಾನ್ಯವಾಗಿ ಮಗು ಕಾಲನ್ನು ನೀಳವಾಗಿಸಿಕೊಳ್ಳಲು ಯತ್ನಿಸುವಾಗ ಹೊಟ್ಟೆಯ ಒಳಗಿನಿಂದ ಒದ್ದಂತೆ ಅನ್ನಿಸುತ್ತದೆ. ಪ್ರಥಮ ಗರ್ಭಿಣಿಗೆ ಇದು ಹೊಸ ಅನುಭವವಾಗಿದ್ದು ಈ ಅನುಭವವನ್ನು ಯಾವ ತಿಂಗಳಲ್ಲಿ ಪಡೆಯಬಹುದು ಎಂಬ ಅರಿವಿರುವುದಿಲ್ಲ. ಪ್ಲಾಸೆಂಟಾ ಎಂದರೇನು? ಗರ್ಭಾವಸ್ಥೆಯಲ್ಲಿ ಇದರ ಪ್ರಾಮುಖ್ಯತೆ ಏನು?
ಹಿರಿಯರು ಅಥವಾ ವೈದ್ಯರು ಈ ಬಗ್ಗೆ ಮೊದಲೇ ಕೊಂಚ ವಿವರ ನೀಡಿದ್ದರೆ ಉತ್ತಮ. ಇಲ್ಲದಿದ್ದರೆ ಏನೋ ತೊಂದರೆಯಾಗಿರಬಹುದು ಎಂದು ವೃಥಾ ಚಿಂತೆಗೊಳಗಾಬಹುದು. ಬನ್ನಿ, ಈ ಸಮಯದಲ್ಲಿ ಏನಾಗುತ್ತಿದೆ ಎಂಬುದನ್ನು ನೋಡೋಣ....
ಮಾಹಿತಿ #1
ಎರಡನೆಯ ಅಥವಾ ನಂತರದ ಹೆರಿಗೆಯ ಅನುಭವದಲ್ಲಿ ಗರ್ಭಿಣಿಗೆ ಈ ಅನುಭವ ಪ್ರಥಮ ಹೆರಿಗೆಗಿಂತಲೂ ಕೊಂಚ ಮೊದಲೇ ಗಮನಕ್ಕೆ ಬರುತ್ತದೆ. ಸೂಲಗಿತ್ತಿಯರ ಅನುಭವದ ಪ್ರಕಾರ ಸರಿಸುಮಾರು ಹದಿಮೂರನೇ ವಾರದಲ್ಲಿ ಕಾಣಿಸಿಕೊಳ್ಳುತ್ತದೆ. ಈ ಅನುಭವ ಮೊದಲೇ ಅನುಭವಿಸಿದ್ದ ಕಾರಣ ಈ ಹೆರಿಗೆಯಲ್ಲಿ ಈ ಬಗ್ಗೆ ಇರುವ ಅರಿವು ಚಿಕ್ಕ ಅನುಭವವನ್ನೂ ಗಮನಕ್ಕೆ ತರುತ್ತದೆ.
ಮಾಹಿತಿ #2
ಸಾಮಾನ್ಯವಾಗಿ 18-24 ವಾರಗಳ ಅವಧಿಯಲ್ಲಿ ಈ ಅನುಭವ ಅತಿ ಹೆಚ್ಚಾಗಿ ಆಗುತ್ತದೆ.
ಮಾಹಿತಿ #3
ಆದರೆ ಇದು ಎಲ್ಲಾ ಗರ್ಭಿಣಿಯರಲ್ಲಿ ಏಕಸಮಾನವಾಗಿರುವುದಿಲ್ಲ. ಗರ್ಭಿಣಿಯ ಆರೋಗ್ಯ ಮತ್ತು ಆಹಾರವನ್ನು ಅನುಸರಿಸಿ ಕೊಂಚ ಹಿಂದೆ ಮುಂದಾಗಬಹುದು.
ಮಾಹಿತಿ #4
ಅನುಭವ ಪಡೆಯಲು ಪ್ರಾರಂಭವಾದ ಬಳಿಕ ಈ ಅನುಭವ ಯಾವ ಹೊತ್ತಿನಲ್ಲಿ ಆಯಿತು ಎಂಬ ಮಾಹಿತಿಯನ್ನು ಬರೆದಿಟ್ಟುಕೊಳ್ಳಲು ವೈದ್ಯರು ಸಲಹೆ ಮಾಡುತ್ತಾರೆ. ಇದರಿಂದ ಮಗುವಿನ ಆರೋಗ್ಯವನ್ನು ಕಂಡುಕೊಳ್ಳಲು ಸಾಧ್ಯವಾಗುತ್ತದೆ.
ಮಾಹಿತಿ #5
ಸಾಮಾನ್ಯವಾಗಿ ಗರ್ಭಿಣಿ ಊಟ ಮಾಡಿದ ಬಳಿಕ ಅಥವಾ ದ್ರವಾಹಾರವನ್ನು ಸೇವಿಸಿದ ಬಳಿಕ ಈ ಅನುಭವ ಹೆಚ್ಚಾಗಿದ್ದಂತೆ ಅನ್ನಿಸುತ್ತದೆ. ಕೆಲವೊಮ್ಮೆ ದೈಹಿಕ ಚಟುವಟಿಕೆಯ ಬಳಿಕ ಅಥವಾ ರಕ್ತದಲ್ಲಿ ಸಕ್ಕರೆಯ ಅಂಶ ಕಡಿಮೆ ಇದ್ದಾಗಲೂ ಈ ಅನುಭವ ಹೆಚ್ಚಾಗಿ ಆಗುತ್ತದೆ.
ಮಾಹಿತಿ #6
36ನೆಯ ವಾರದ ಬಳಿಕ ಸಾಮಾನ್ಯವಾಗಿ ಈ ಅನುಭವ ಇಲ್ಲವಾಗುತ್ತದೆ. ಇದರಿಂದ ವೈದ್ಯರು ಹೆರಿಗೆಯ ಸಮಯವನ್ನು ನಿಖರವಾಗಿ ಹೇಳಲು ಸಾಧ್ಯವಾಗುತ್ತದೆ.
ಮಾಹಿತಿ#7
ಗರ್ಭಿಣಿ ಮಲಗುವ ಭಂಗಿ ಮಗುವಿನ ಆರೋಗ್ಯಕ್ಕೆ ನೇರವಾಗಿ ಸಂಬಂಧಿಸಿದೆ. ಆದ್ದರಿಂದ ಯಾವ ಭಂಗಿಯಲ್ಲಿ ಪವಡಿಸುವುದು ಸೂಕ್ತ ಎಂಬುದನ್ನು ವೈದ್ಯರಿಂದ ಅಥವಾ ಅನುಭವಿ ಸೂಲಗಿತ್ತಿಯರ ಸಲಹೆ ಪಡೆದು ಅದೇ ಪ್ರಕಾರ ಮಲಗಬೇಕು. ಹೊಟ್ಟೆಯ ಮೇಲಿನ ಒತ್ತಡ ಮಗುವಿನ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು.