For Quick Alerts
ALLOW NOTIFICATIONS  
For Daily Alerts

ಋತುಚಕ್ರ ಬೇಗ ಕೊನೆಗೊಳಿಸಿ ಆಸ್ಪತ್ರೆ ಸೇರಿದ ಮಹಿಳೆಯರು!

|

ಪ್ರಕೃತಿ ಸಹಜವಾಗಿ ಪ್ರೌಢಾವಸ್ಥೆಗೆ ಬಂದಿರುವ ಪ್ರತಿಯೊಂದು ಹೆಣ್ಣು ಕೂಡ ಪ್ರತೀ ತಿಂಗಳು ಋತುಚಕ್ರಕ್ಕೆ ಒಳಗಾಗಬೇಕು. ಇದು ಕೆಲವು ಹೆಣ್ಣು ಮಕ್ಕಳಿಗೆ ತುಂಬಾ ಕಠಿಣ ದಿನಗಳಾಗಿರುವುದು. ಯಾಕೆಂದರೆ ಈ ವೇಳೆ ಅತಿಯಾದ ರಕ್ತಸ್ರಾವ, ನೋವು, ಸೆಳೆತ ಇತ್ಯಾದಿ ಸಮಸ್ಯೆಗಳು ಕಾಣಿಸಿಕೊಳ್ಳುವುದು. ಇವುಗಳಿಂದಾಗಿ ಋತುಚಕ್ರವು ಯಾಕಾಗಿ ಬರುತ್ತದೆಯಾ ಎಂದು ಕೆಲವರು ಶಾಪವನ್ನಿಡುವರು. ಈ ಐದು ದಿನಗಳನ್ನು ಬೇಗನೆ ಮುಗಿಸಲು 1970ರ ಅವಧಿಯಲ್ಲಿ ಇದ್ದ ಕೆಲವೊಂದು ತಂತ್ರವನ್ನು ಅಳವಡಿಸಿಕೊಂಡು ಇಬ್ಬರು ಹೆಣ್ಣು ಮಕ್ಕಳು ಆಸ್ಪತ್ರೆಗೆ ದಾಖಲಾಗಿರುವ ಘಟನೆಯು ನಡೆದಿದೆ.

Periods

1970ರಲ್ಲಿ ಪ್ರಯೋಗಿಸುತ್ತಿದ್ದ ಈ ತಂತ್ರವು ಈಗ ಮತ್ತೆ ಟ್ರೆಂಡ್ ಆಗುತ್ತಿದೆ. ವ್ಯಾಕ್ಯೂಮ್ ಬಳಸಿಕೊಂಡು ಋತುಚಕ್ರದ ದಿನಗಳನ್ನು ಕಡಿಮೆ ಮಾಡುವುದು ಇದರ ಉದ್ದೇಶವಾಗಿದೆ ಮತ್ತು ಈ ಕ್ರಮದಿಂದಾಗಿ ಈಗ ಇಬ್ಬರು ಹೆಣ್ಣು ಮಕ್ಕಳು ಆಸ್ಪತ್ರೆ ಸೇರಿರುವರು. ಈ ಬಗ್ಗೆ ನೀವು ಮುಂದೆ ತಿಳಿಯುತ್ತಾ ಸಾಗಿರಿ.

ಇಬ್ಬರು ಮಹಿಳೆಯರು ಆಸ್ಪತ್ರೆ ಸೇರಿದರು

ಇಬ್ಬರು ಮಹಿಳೆಯರು ಆಸ್ಪತ್ರೆ ಸೇರಿದರು

ಸಿಯಾಟಲ್ ನ ಆಸ್ಪತ್ರೆಯೊಂದರ ವೈದ್ಯರ ಪ್ರಕಾರ ಇಬ್ಬರು ಮಹಿಳೆಯರು ವ್ಯಾಕ್ಯೂಮ್ ನ್ನು ಬಳಸಿಕೊಂಡು ತನ್ನ ಋತುಚಕ್ರವನ್ನು ಬೇಗನೆ ಕೊನೆಗೊಳಿಸಲು ಬಯಸಿದ್ದರಿಂದ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ತಾವೇ ಬಳಸಿದ ವಿಧಾನ

ತಾವೇ ಬಳಸಿದ ವಿಧಾನ

23 ಮತ್ತು 19 ಹರೆಯದ ಮಹಿಳೆಯರಿಬ್ಬರು ತಾವೇ ಮಾಡಿಕೊಂಡು ವಿಧಾನದಿಂದಾಗಿ ಈಗ ಆಘಾತಕ್ಕೆ ಒಳಗಾಗಿದ್ದಾರೆ. ರಕ್ತವನ್ನು ಹೀರಿಕೊಂಡು ಬೇರೆ ಋತುಚಕ್ರವನ್ನು ಅವರು ಕೊನೆಗೊಳಿಸಲು ಬಯಸಿದ್ದರು. ಇದಕ್ಕಾಗಿ ಅವರು ವ್ಯಾಕ್ಯೂಮ್ ಕ್ಲೀನರ್ ನ್ನು ಬಳಸಿಕೊಂಡರು.

ಋತುಚಕ್ರ ಹೊರತೆಗೆಯುವಿಕೆ

ಋತುಚಕ್ರ ಹೊರತೆಗೆಯುವಿಕೆ

70ರ ದಶಕದಲ್ಲಿ ಋತುಚಕ್ರ ಹೊರತೆಗೆಯುವಿಕೆಯನ್ನು ಬಳಸುತ್ತಿದ್ದರು ಎಂದು ಹೇಳಲಾಗುತ್ತದೆ. ಆದರೆ ಇದನ್ನು ಗರ್ಭಪಾತ ಮಾಡಲು ಮನೆಯಲ್ಲಿ ಬಳಸುತ್ತಿದ್ದ ತಂತ್ರವಾಗಿತ್ತು. ಇದು ನಿಜವಾದ ತಂತ್ರವಲ್ಲ ಮತ್ತು ಗರ್ಭಪಾತವು ಕಾನೂನುಬಾಹಿರವಾಗಿದ್ದ ರಾಷ್ಟ್ರಗಳಲ್ಲಿ ಹೀಗೆ ಮಾಡಲಾಗುತ್ತಿತ್ತು. ಗರ್ಭಪಾತವು ಕಾನೂನುಬದ್ಧವಾದ ಬಳಿಕ ಈ ತಂತ್ರವನ್ನು ಕೈಬಿಡಲಾಗಿತ್ತು. ಆದರೆ ಈಗ ಮತ್ತೆ ಜನಪ್ರಿಯವಾಗುತ್ತಲಿದೆ.

ವೈದ್ಯರು ವಿವರಿಸಿರುವ ಪ್ರಕಾರ

ವೈದ್ಯರು ವಿವರಿಸಿರುವ ಪ್ರಕಾರ

ಮಹಿಳೆಯರಿಗೆ ಚಿಕಿತ್ಸೆ ನೀಡಿರುವಂತಹ ವೈದ್ಯರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಬಗ್ಗೆ ಹಂಚಿಕೊಂಡಿದ್ದಾರೆ ಮತ್ತು ಇಂತಹ ಯಾವುದೇ ತಂತ್ರವನ್ನು ಬಳಸದಂತೆ ಅವರು ಎಚ್ಚರಿಕೆ ನೀಡಿದ್ದಾರೆ. ಮಹಿಳೆಯರಿಗೆ ಚಿಕಿತ್ಸೆ ವೇಳೆ ಉಪಸ್ಥಿತರಿದ್ದ ನರ್ಸ್ ಹೇಳುವ ಪ್ರಕಾರ, ನನಗೆ ಗೊತ್ತಿಲ್ಲ, ಇದು ಯುರೇಕಾ, ಡೈಸನ್ ಹೂವೆರ್ ಅಥವಾ ವಾಲ್ ಮಾರ್ಟ್ ಬ್ರಾಂಡ್ ಆಗಿದೆಯಾ ಎಂದು? ಆದರೆ ಇದು ನಿಜವಾದ ವ್ಯಾಕ್ಯೂಮ್ ಕ್ಲೀನರ್ ಆಗಿತ್ತು ಮತ್ತು ಇದು ತುಂಬಾ ಅಪಾಯಕಾರಿ. ಇಂದಿನ ವ್ಯಾಕ್ಯೂಮ್ ಕ್ಲೀನರ್ ಗಳು ತುಂಬಾ ಶಕ್ತಿಶಾಲಿ ಆಗಿರುತ್ತದೆ. ಇದು ರಕ್ತಕ್ಕಿಂತಲೂ ಹೆಚ್ಚಿನದನ್ನು ಹೀರಿಕೊಳ್ಳುವ ಸಾಧ್ಯತೆಯಿತ್ತು.

ಇದರ ಬಗ್ಗೆ ಮತ್ತಷ್ಟು ವಿವರ ನೀಡಿರುವ ಆಕೆ, ಮಹಿಳೆಯರ ಋತುಚಕ್ರ ಎನ್ನುವುದು ತನ್ನದೇ ಆಗಿರುವ ಉದ್ದೇಶದಿಂದಾಗಿ ಅದು ಸ್ಥಿರವಾಗಿ ಸ್ರಾವವಾಗುತ್ತಿರುತ್ತದೆ. ಇದನ್ನು ಮನುಷ್ಯರ ಜೀವವು ಸಹಿಸಿಕೊಳ್ಳಬಲ್ಲದು. ವ್ಯಾಕ್ಯುಮ್ ಕ್ಲೀನರ್ ಬಳಸಿದರೆ ರಕ್ತಸ್ರಾವವು ಒಂದು ಸಾವಿರ ಪಟ್ಟು ಹೆಚ್ಚಾಗುವುದು ಮತ್ತು ಇದನ್ನು ದೇಹವು ಸಹಿಸಿಕೊಳ್ಳಲು ಸಾಧ್ಯವಿಲ್ಲ. ಇದರಿಂದಾಗಿ ದೇಹವು ಆಘಾತದ ಸ್ಥಿತಿಗೆ ತಲುಪುವುದು.

ಅದೃಷ್ಟವಶಾತ್ ಈ ಮಹಿಳೆಯರು ಈಗ ಚೇತರಿಸಿಕೊಳ್ಳುತ್ತಿದ್ದಾರೆ. ಇಂತಹ ಹಾನಿಕಾರಕ ತಂತ್ರಗಳನ್ನು ಬಳಸದಂತೆ ಮಹಿಳೆಯರಿಗೆ ವೈದ್ಯರು ಸ್ಪಷ್ಟ ಎಚ್ಚರಿಕೆ ನೀಡಿದ್ದಾರೆ.

English summary

Women Used Vacuum Hose To End Periods

Two women who were aged 23 and 19 apparently went into a 'shock' state after the DIY method that they tried to get rid of their periods resulted in a rush of blood. This so-called 'menstrual extraction' is believed to have been followed in the 70s and this was mainly used to perform an abortion at home.
X
Desktop Bottom Promotion