ಈ ಮಗು ಗರ್ಭದಲ್ಲಿರುವಾಗಲೇ ತಲೆಬುರುಡೆಯಿಂದ ಹೊರಗಡೆ ಮೆದುಳು ಬೆಳೆಯಿತಂತೆ!

ಅಲ್ಟ್ರಾಸೌಂಡ್ ಪರೀಕ್ಷೆ ವೇಳೆ ಈ ಸ್ಥಿತಿ ಬಗ್ಗೆ ತಿಳಿಯಿತು

ಅಲ್ಟ್ರಾ ಸೌಂಡ್ ಪರೀಕ್ಷೆ ಮಾಡಿಕೊಂಡ ವೇಳೆ ಗರ್ಭದಲ್ಲಿರುವ ಪುಟ್ಟ ಡಾಮಿನಿಕ್ ಪಿಯೊ ಗುಂಡ್ರಮ್ ಗೆ ಈ ಪರಿಸ್ಥಿತಿ ಇರುವುದು ಕಂಡುಬಂತು. ಸ್ಕ್ಯಾನಿಂಗ್ ವೇಳೆ ತಿಳಿದು ಬಂದ ವಿಚಾರವೆಂದರೆ ಮಗುವಿನ ಮುಖದ ಸೀಳಿನಿಂದಾಗಿ ಆತನ ಮೆದುಳಿನ ಅಂಗಾಂಶಗಳು ಹೊರಗಡೆ ಬೆಳೆಯುತ್ತಿದೆ ಮತ್ತು ಆತನ ಮುಖದ ಮೇಲೆ ಗಾಲ್ಫ್ ಚೆಂಡಿನಂತಹ ರಚನೆಯು ನಿರ್ಮಾಣ ಆಗಿದೆ.

ಗರ್ಭಪಾತ ಮಾಡಿಸಿಕೊಳ್ಳಲು ವೈದ್ಯರು ಸಲಹೆ ನೀಡಿದ್ದರು

ಧರ್ಮನಿಷ್ಠ ಕ್ರೈಸ್ತ ಸಮುದಾಯದ ಈ ದಂಪತಿಗೆ ಈಗಾಗಲೇ ಏಳು ಮಂದಿ ಮಕ್ಕಳಿದ್ದಾರೆ. ಆದರೂ ವೈದ್ಯರು ಸಲಹೆ ಮಾಡಿದ ವೇಳೆ ಈ ದಂಪತಿ ಮಾತ್ರ ಗರ್ಭ ಪಾತ ಮಾಡಿಸಿಕೊಳ್ಳಲು ನಿರಾಕರಿಸಿತು. ತಮ್ಮ ಮಗುವಿನ ಜೀವವನ್ನು ಅವರು ದೇವರ ಕೈಗೆ ನೀಡಲು ಬಯಸಿದ್ದರು.

ಈ ಪರಿಸ್ಥಿತಿಯ ಬಗ್ಗೆ ರೋಗನಿರ್ಣಯ ಮಾಡಿರುವುದು

ಈ ಪುಟ್ಟ ಮಗುವು ಅಪರೂಪದಲ್ಲಿ ಅಪರೂಪದ ಪರಿಸ್ಥಿತಿಯಾಗಿರುವ ಎನ್ಸೆಫಾಲೋಸಿಲ್ ನಿಂದ ಬಳಲುತ್ತಿದ್ದಾನೆ. ಇದು ತಲೆಬುರುಡೆಯಿಂದ ಹೊರಗಡೆ ಮೆದುಳಿನ ಅಂಗಾಂಶಗಳು ಬೆಳೆಯುವಂತಹ ಪರಿಸ್ಥಿತಿ ಆಗಿದೆ. ಈ ಮಗುವಿನ ತುಟಿಗಳಿಂದ ಹಣೆಯ ತನಕ ತ್ರಿಕೋನಾಕಾರದ ಅಂತರವು ಇದೆ. ಇದನ್ನು `ಟೆಸ್ಸಿಯರ್ ಮಿಡ್ಲೈನ್'ಮುಖದ ಸೀಳು ಎಂದು ಕರೆಯಲಾಗುತ್ತದೆ. ಮೆದುಳಿನ ಅಂಗಾಂಶಗಳು ಹೊರಗಡೆ ಬಂದು, ಅದು ಒಂದು ಗಾಲ್ಫ್ ಆಕಾರದಲ್ಲಿ ರಚನೆ ಆಗುವುದು. ಇದು ಆತನ ಹಣೆಯ ಭಾಗದಲ್ಲಿ ಇರುವುದು.

ಆತ ಬದುಕುವುದಿಲ್ಲ ಎಂದು ವೈದ್ಯರು ಹೇಳಿದ್ದರು

ಗರ್ಭಧಾರಣೆ ವೇಳೆ ಪೋಷಕರು ತುಂಬಾ ಗಟ್ಟಿ ಮನಸ್ಸು ಮಾಡಿಕೊಳ್ಳುವಂತೆ ವೈದ್ಯರು ಆ ದಂಪತಿಗೆ ಎಲ್ಲಾ ಸಲಹೆಗಳನ್ನು ನೀಡಿದ್ದರು. ಯಾಕೆಂದರೆ ವೈದ್ಯರ ಪ್ರಕಾರ ಆ ಮಗು ಹುಟ್ಟಿದ ಕೆಲವು ತಿಂಗಳು ಮಾತ್ರ ಬದುಕುಳಿಯುತ್ತದೆ ಎಂದು ನಂಬಿದ್ದರು. ಆ ಮಹಿಳೆ ತುಂಬಾ ದಿಟ್ಟೆಯಾಗಿದ್ದ ಕಾರಣದಿಂದಾಗಿ ಗರ್ಭಪಾತ ಮಾಡಿಸಿಕೊಳ್ಳದೆ ಮಗುವಿಗೆ ಜನ್ಮ ನೀಡಿದಳು. ಮಗು ನಿರೀಕ್ಷೆಯನ್ನು ಮೀರಿ ಬದುಕುಳಿದಿದೆ. ಇದರ ಬಳಿಕ ಶಸ್ತ್ರಚಿಕಿತ್ಸೆ ಮಾಡಿ ಈಗ ಮಗು ಸಾಮಾನ್ಯ ಜೀವನ ಸಾಗಿಸುವಂತೆ ಮಾಡಲಾಗಿದೆ. ಆ ಮಗುವಿಗೆ ಈಗ ಆರು ವರ್ಷವಾಗಿದೆ. ಆದರೆ ತುಂಬಾ ಆರೋಗ್ಯವಾಗಿದ್ದಾನೆ ಮತ್ತು ತನ್ನ ವಯಸ್ಸಿನ ಮಕ್ಕಳಂತೆ ಆಟವಾಡುತ್ತಾನೆ.ಇದರಿಂದ ಆ ಕುಟುಂಬದ ಆತ್ಮವಿಶ್ವಾಸ ಹಾಗೂ ದೇವರ ಮೇಲಿನ ನಂಬಿಕೆಯು ಹೆಚ್ಚಾಗಿದೆ.

ನಿಮಗೆ ಇಂತಹ ಪವಾಡಗಳ ಮೇಲೆ ನಂಬಿಕೆ ಇದೆಯಾ? ಇಂತಹ ಅನುಭವ ನಿಮಗೆ ಆಗಿದ್ದರೆ ಅದನ್ನು ಕಮೆಂಟ್ ಬಾಕ್ಸ್ ನಲ್ಲಿ ನಮ್ಮೊಂದಿಗೆ ಹಂಚಿಕೊಳ್ಳಲು ಮರೆಯದಿರಿ.