ಒಟ್ಟು 12 ರಾಶಿಗಳಲ್ಲಿ, ಈ 5 ರಾಶಿಯವರು ತುಂಬಾನೇ ಸ್ಪರ್ಧಾತ್ಮಕವಾದ ರಾಶಿಚಕ್ರಗಳು

ಮೇಷ

ಮೇಷ ರಾಶಿಯವರು ಪ್ರತಿಯೊಂದು ವಿಚಾರದ ಬಗ್ಗೆ ತುಂಬಾ ಸ್ಪರ್ಧಾತ್ಮಕವಾಗಿರುವರು. ಇವರು ಹೋಗುವಂತಹ ಪ್ರತಿಯೊಂದು ಕಡೆಯಲ್ಲೂ ಇವರ ಸ್ಪರ್ಧಾತ್ಮಕತೆಗೆ ಹೆಚ್ಚಿನ ಬಲವು ಸಿಗುವುದು. ಇವರು ತಮ್ಮ ಗುರಿ ತಲುಪಲು ವಿಫಲರಾದರೆ ಮಾತ್ರ ಪ್ರೇರಣೆ ಕಳೆದುಕೊಳ್ಳುವರು. ಆದರೆ ಇದು ತುಂಬಾ ಅಪರೂಪ ವಾಗಿರುವುದು. ಸಂಪೂರ್ಣ ಶಕ್ತಿ ಮತ್ತು ತುಂಬಾ ಚುರುಕಾಗಿರುವಂತಹ ಮೇಷ ರಾಶಿಯವರು ಪ್ರತಿಯೊಂದು ವಿಚಾರದಲ್ಲೂ ತುಂಬಾ ಸ್ಪರ್ಧಾತ್ಮಕವಾಗಿರುವರು. ಇವರು ಕೆಲವೊಂದು ವಿಚಾರಗಳ ಬಗ್ಗೆ ಮಾತ್ರ ತುಂಬಾ ಗಂಭೀರವಾಗಿ ಇರುವರು.

Most Read: 2019ರಲ್ಲಿ ಗುರು ಗ್ರಹದ ಪ್ರಯಾಣ-ರಾಶಿಚಕ್ರದ ಮೇಲೆ ಹೇಗೆ ಪ್ರಭಾವ ಬೀರಲಿದೆ? ಇಲ್ಲಿದೆ ಡಿಟೇಲ್ಸ್

ಸಿಂಹ

ಮುಂದಿನ ಸರದಿ ಸಿಂಹ ರಾಶಿಯವರದ್ದು. ಗೆಲ್ಲಬೇಕೆಂಬ ಸಾಮರ್ಥ್ಯ ಪ್ರದರ್ಶಿಸುವುದು ನಿಮ್ಮನ್ನು ಸ್ಪರ್ಧಾತ್ಮಕವಾಗಿರಲು ಪ್ರೇರೇಪಿಸುವುದು. ಗುರಿಯಿಂದ ದೂರವಿರುವುದು ನಿಮ್ಮ ಪ್ರೇರಣೆ ಕುಂದಿಸಲಿದೆ ಮತ್ತು ನಿಮ್ಮ ಅಹಂಗೆ ಅದರಿಂದ ಆಹಾರ ಸಿಗದೆ ಇರಬಹುದು. ಸಿಂಹ ಶತ್ರುವನ್ನು ಕೊಂದ ಬಳಿಕ ತೃಪ್ತಿ ಹೊಂದು ವಂತೆ ನೀವು ಕೂಡ ಹಾಗೆ ಮಾಡುವಿರಿ. ಯಾವುದು ಕೂಡ ನಿಮ್ಮನ್ನು ನಿಯಂತ್ರಿಸಲು ಅಥವಾ ಅಧಿಕಾರ ಸಾಧೀಸಲು ಆಗಲ್ಲ. ನಿಮ್ಮ ಮನಸ್ಸಿಗೆ ನೀವೇ ಅಧಿಪತಿ. ನೀವು ತುಂಬಾ ಶಾಂತ ಮತ್ತು ಸಂಯೋಜಿತ ಮನಸ್ಸಿನಿಂದ ಕೆಲಸ ಮಾಡುವಿರಿ. ಇದರಿಂದಾಗಿ ನೀವು ಯಾವಾಗಲೂ ಉನ್ನತ ಸ್ಥಾನದಲ್ಲಿರುವಿರಿ.

ವೃಶ್ಚಿಕ

ವೃಶ್ಚಿಕ ರಾಶಿಯವರು ತುಂಬಾ ಸಂಕೀರ್ಣವಾಗಿರುವರು. ಇವರು ಅದ್ಭುತ ಶಕ್ತಿ, ಗಂಭೀರ ಮತ್ತು ಸಾಧಿಸಿ ತೋರಿಸುವವರು. ಇವರು ತಮ್ಮ ಜೀವನವನ್ನು ಸಂಪೂರ್ಣವಾಗಿ ಬದುಕಲು ಬಯಸುವರು. ಇದರಿಂದಾಗಿ ಇವರು ಸ್ಪರ್ಧಿಸಲು ತುಂಬಾ ಪ್ರೇರಣೆ ಪಡೆಯುವರು. ಅದಾಗ್ಯೂ, ಇವರು ತಮ್ಮ ಪ್ರೀತಿಪಾತ್ರರ ಜತೆಗೆ ಸ್ಪರ್ಧೆ ಮಾಡುವಾಗ ಎಲ್ಲವನ್ನು ತುಂಬಾ ಲಘುವಾಗಿ ಪರಿಗಣಿಸುವರು. ಈ ವೇಳೆ ಅವರು ಸ್ಪರ್ಧೆ ಮಾಡಿ, ಸಂತೋಷ ಪಡಲು ಬಯಸುವರು. ಆದರೆ ತಮ್ಮ ಪ್ರೀತಿಪಾತ್ರರು ಇಲ್ಲದೆ ಇರುವಾಗ ಇವರು ಬೇರೆಯವರಿಗೆ ತಮ್ಮ ವಿರುದ್ಧ ಗೆಲ್ಲಲು ಬಿಡುವುದಿಲ್ಲ.

ಮಕರ

ಹಠವಾದಿಯಾಗಿರುವಂತಹ ಮಕರ ರಾಶಿಯವರು ಗೆಲುವನ್ನು ಪ್ರೀತಿಸುವರು ಮತ್ತು ಇವರು ತಮ್ಮನ್ನು ರಾಜನೆಂದು ಭಾವಿಸಿರುವರು. ಬೇರೆಯವರು ಇದನ್ನು ತಿಳಿಯಬೇಕೆಂದು ಅವರು ಬಯಸುವರು. ಸಂಕ್ಷಿಪ್ತವಾಗಿ ಹೇಳಬೇಕಂದರೆ ಇವರ ಜೀವನವು ಪ್ರತಿಯೊಂದು ಪ್ರಮುಖ ವಿಚಾರಕ್ಕೂ ಸ್ಪರ್ಧೆ ಮತ್ತು ಗೆಲುವಿಗಾಗಿ ಮಾಡಲ್ಪಟ್ಟಿದೆ. ಇವರಿಗೆ ಸಂಬಂಧಪಡದೆ ಇರುವ ವಿಚಾರದ ಬಗ್ಗೆ ಹೆಚ್ಚು ಚಿಂತೆ ಮಾಡುವುದಿಲ್ಲ. ಬೇರೆಯವರ ಸಲಹೆಯಿಂದ ಪರಿಣಾಮವಾಗದ ಇವರು ಯಾವಾಗಲೂ ಗೆಲುವಿಗಾಗಿ ಆಡುವರು.

Most Read:ಮನೆಯಲ್ಲಿ ಎಷ್ಟು ದೇವರ ವಿಗ್ರಹ ಇಟ್ಟರೆ ಮಂಗಳಕರ ಎನ್ನುವುದು ನಿಮಗೆ ಗೊತ್ತಾ?

ಕುಂಭ

ಕುಂಭ ರಾಶಿಯವರು ನಿಮ್ಮೊಂದಿಗೆ ಯಾವಾಗ ಸ್ಪರ್ಧಿಸುತ್ತಿದ್ದಾರೆ ಎಂದು ಊಹಿಸುವುದು ತುಂಬಾ ಕಠಿಣ. ಕೆಲವೊಂದು ಸಂದರ್ಭದಲ್ಲಿ ಖುದ್ದು ಕುಂಭ ರಾಶಿಯವರಿಗೆ ಕೂಡ ತಾವು ಸ್ಪರ್ಧೆಯಲ್ಲಿ ಯಾವಾಗ ಭಾಗಿಯಾದೆವು ಎಂದು ತಿಳಿದಿರಲ್ಲ ಮತ್ತು ತಮ್ಮನ್ನು ಸ್ಪರ್ಧೆಯು ಹಿಂದಕ್ಕೆ ಕೊಂಡೊಯ್ಯುವುದನ್ನು ಕಡೆಗಣಿಸುವಾಗ ಮಾತ್ರ ಅವರಿಗೆ ಇದು ಮನವರಿಕೆಯಾಗುವುದು. ಇವರು ಉತ್ತಮ ಮತ್ತು ಪರಿಪೂರ್ಣರಾಗುವ ಆಕಾಂಕ್ಷೆಯನ್ನು ಗುಪ್ತವಾಗಿ ಇಟ್ಟುಕೊಂಡಿರುವರು. ಈ ಆಕಾಂಕ್ಷೆಯಿಂದಾಗಿ ಸ್ಪರ್ಧೆಗೆ ಬೀಳುವರು. ಆದರೆ ಗೆಲುವಿನ ಉದ್ದೇಶ ತಮ್ಮಲ್ಲಿರುವಂತಹ ಪ್ರತಿಭೆಯನ್ನು ತೋರಿಸುವಂತಹ ಆಕಾಂಕ್ಷೆಯಾಗಿರುವುದಿಲ್ಲ. ಗೆಲುವು ಅವರಿಗೆ ತೃಪ್ತಿ ಉಂಟು ಮಾಡುವುದು.