ಪ್ರಿಯತಮೆ ಜತೆಗೆ ಚಾಟಿಂಗ್ ಮಾಡಲು ಚಾಟ್‌ಬೊಟ್ ರಚಿಸಿದ ಟೆಕ್ಕಿ!

ಯಾವಾಗಲೂ ನೀವು ಕೆಲಸವನ್ನು ಪ್ರೀತಿಸಿದರೆ ಆಗ ಅದು ಕೆಲಸವಾಗಿರದೆ ಆಟದಂತಿರುವುದು. ಇಲ್ಲೊಬ್ಬರು ಸಾಫ್ಟ್ ವೇರ್ ಇಂಜಿನಿಯರ್ ಕೂಡ ಅದೇ ರೀತಿಯಲ್ಲಿ ತನ್ನ ಪ್ರಿಯತಮೆ ಜತೆಗೆ ಮಾತನಾಡಲು ಸಮಯವಿಲ್ಲವೆನ್ನುವ ಕಾರಣಕ್ಕಾಗಿ ಅದಕ್ಕಾಗಿ ಒಂದು ಸಾಫ್ಟ್ ವೇರ್ ರಚಿಸಿಕೊಂಡಿದ್ದಾರೆ. ಇದರ ಬಗ್ಗೆ ನೀವು ಇನ್ನೂ ವಿವರವಾಗಿ ತಿಳಿಯಿರಿ.

ಚೀನಾದ ದೊಡ್ಡ ಸಾಫ್ಟ್ ವೇರ್ ಕಂಪೆನಿಯಲ್ಲಿ ಇಂಜಿನಿಯರ್ ಆಗಿರುವ ಲೀ ಕಿಕ್ಸಿಯಾಂಗ್ ಎಂಬ ಟೆಕ್ಕಿಯೇ ಈ ಸಾಫ್ಟ್ ವೇರ್ ನ್ನು ರಚಿಸಿರುವವರು. ತನ್ನ ಪ್ರಿಯತಮೆಯ ದೈನಂದಿನ ಸಂದೇಶಗಳಿಗೆ ಉತ್ತರಿಸಲು ಲೀ ಬಳಿ ಸಮಯವಿರಲಿಲ್ಲ. ಆದರೆ ಆಕೆಯನ್ನು ಕಡೆಗಣಿಸಿ, ಭಾವನೆಗಳಿಗೆ ಧಕ್ಕೆ ಉಂಟು ಮಾಡಲು ಆಕೆ ಬಯಸಲಿಲ್ಲ. ಈ ಕಾರಣದಿಂದಾಗಿ ಆಕೆ ಒಂದು ಉಪಾಯ ಕಂಡುಕೊಂಡು ತನ್ನ ಸ್ನೇಹಿತೆಯ ಸಂದೇಶಗಳಿಗೆ ಉತ್ತರಿಸಲು ಚಾಟ್ ಬೊಟ್ ನ್ನು ನಿರ್ಮಾಣ ಮಾಡಿದರು.

ಟೆಕ್ಕಿಯ ಗರ್ಲ್ ಫ್ರೆಂಡ್ ಏನೇ ಪ್ರಶ್ನೆ ಅಥವಾ ಸಂದೇಶ ಕಳುಹಿಸಿದರೆ ಅದಕ್ಕೆ ನಿಖರವಾಗಿ ಉತ್ತರ ನೀಡುತ್ತಲಿತ್ತು. ಇದನ್ನು ನೋಡಿ ಜನರಿಗೆ ನಂಬಲು ಸಾಧ್ಯವಾಗುತ್ತಿರಲಿಲ್ಲ. ಲೀ ಈ ಚಾಟ್ ಬೊಟ್ ನ ಕೆಲವೊಂದು ಸ್ಕ್ರೀನ್ ಶಾಟ್ ಗಳನ್ನು ವೀ ಚಾಟ್ ಆ್ಯಪ್ ನಲ್ಲಿ ಹಾಕಿದ್ದಾರೆ.

ಇದನ್ನು ತಯಾರಿಸುವ ವೇಳೆ ಈ ಚಾಟ್ ಬೊಟ್ ಸುಮಾರು 300 ಸಲ ಆತನ ಗೆಳತಿಗೆ ಪ್ರತಿಕ್ರಿಯಿಸಿದೆ. ಮೊದಲ ದಿನವೇ ಇದು ತುಂಬಾ ಉತ್ತಮವಾಗಿ ಕೆಲಸ ಮಾಡಿದೆ. ತನ್ನ ಗೆಳತಿ ಜತೆಗೆ ಅದು 300 ಸಂದೇಶಗಳನ್ನು ಹಂಚಿಕೊಂಡಿದೆ. ಇದರ ಬಗ್ಗೆ ಜನರು ಅಚ್ಚರಿಕೊಂಡಿದ್ದಾರೆ ಮತ್ತು ಇದಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಆತನ ಗೆಳತಿಯು ಆತನನ್ನು ಬಿಟ್ಟು ಸಾಫ್ಟ್ ವೇರ್ ನ್ನು ಪ್ರೀತಿಸಲು ಆರಂಭಿಸಬಹುದು ಎಂದು ಕೆಲವರು ಎಚ್ಚರಿಕೆ ನೀಡಿರುವರು. ಕೆಲವು ಮಂದಿ ಲೀ ಯನ್ನು ಜೀನಿಯಸ್ ಎಂದು ಕರೆದಿದ್ದಾರೆ ಮತ್ತು ಇದನ್ನು ಹೇಗೆ ತಯಾರಿಸಿರುವುದು ಎಂದು ತಮಗೂ ಹೇಳಿಕೊಡುವಂತೆ ಕೇಳಿಕೊಂಡಿದ್ದಾರೆ.

ಸಾಫ್ಟ್ ವೇರ್ ಬಳಸಿಕೊಂಡು ತನ್ನ ಗೆಳತಿಗೆ ವಂಚನೆ ಮಾಡುತ್ತಿರುವ ಬಗ್ಗೆ ಕೆಲವು ಮಂದಿ ಆಕ್ರೋಶ ವ್ಯಕ್ತಪಡಿಸಿರುವರು.

ಸಾಮಾಜಿಕ ಜಾಲತಾಣದಲ್ಲಿ ಇದು ದೊಡ್ಡ ಮಟ್ಟದಲ್ಲಿ ವೈರಲ್ ಆಗಿದೆ. ಇದನ್ನು ನೋಡಿ ಲೀ ಇನ್ನು ತನ್ನ ಗೆಳತಿಗೆ ಇದು ತಿಳಿಯುವುದು ಬೇಡ ಎಂದು ತನ್ನ ಖಾತೆಯನ್ನೇ ತೆಗೆದುಹಾಕಿರುವರು. ಲೀ ಹಂಚಿಕೊಂಡಿರುವಂತಹ ಕೆಲವು ಸ್ಕ್ರೀನ್ ಶಾಟ್ ಗಳು ಮಾತ್ರ ಈಗ ಇಂಟರ್ನೆಟ್ ನಲ್ಲಿ ಲಭ್ಯವಾಗಿದೆ.